ചര്‍മ്മ കാന്തിക്കായി തൈര് ഉപയോഗിക്കൂ

കാല്‍സ്യം, വൈറ്റമിന്‍, പ്രോട്ടീന്‍ തുടങ്ങിയവയുടെ ഒരു കലവറയാണ് തൈര്. ആന്തരികമായ ചികിത്സകള്‍ക്കുമാത്രമല്ല ബാഹ്യമായ ചികിത്സകള്‍ക്കും തൈര് വളരെ ഗുണപ്രദമായ ഒൗഷധമാണ്. ചര്‍മ സൗന്ദര്യം വര്‍ധിക്കാനുള്ള ഉത്തമ ഉദാഹരമാണ് തൈര്. നല്ല പുളിയുള്ള തൈര് നിത്യേന മുഖത്തു പുരട്ടുന്നത് പല തരത്തിലുള്ള സൗന്ദര്യഗുണങ്ങള്‍ നല്‍കും.

തൈരില്‍ അടങ്ങിയിട്ടുള്ള ലാക്ടിക് ആസിഡാണ് ബ്ലീച്ചിങ് ഏജന്‍റായി പ്രവര്‍ത്തിക്കുന്നത്. സുര്യ താപം ഉണ്ടായാല്‍ ആദ്യം ഉപയോഗിക്കാവുന്ന മരുന്ന് തൈരാണ്. അതോടൊപ്പം ഇവ മൂലമുണ്ടാകുന്ന കരുവാളിപ്പു മാറാനും തൈര് നല്ലതാണ്. ശരീരത്തിലുണ്ടാകുന്ന ചുളിവുകള്‍ മാറാനും തൈര് ഉത്തമ ഉദാഹരണമാണ്.

തൈരില്‍ ചില ചേരുവകള്‍ കലര്‍ത്തി മുഖത്തു പുരട്ടിയാല്‍ ഇരട്ടി ഗുണമാണ് ഉണ്ടാകുന്നത്. മഞ്ഞള്‍പ്പൊടി, നാരങ്ങാ നീര്, തേന്‍, തുടങ്ങിയവ തൈരുമായി കലര്‍ത്തി മുഖത്തു പുരട്ടിയാല്‍ ചര്‍മ്മരോഗങ്ങള്‍ ഇല്ലാതാകും.

മുഖത്ത് ഇൗര്‍പ്പം ഈല്ലാത്തകൊണ്ടാണ് വെളുത്ത നിറത്തിലുള്ള പാടുകള്‍ കൂടുതലായും ഉണ്ടാകുന്നത്. തൈരിന്‍റെ ഉപയോഗത്തിലൂടെ മുഖത്ത് ഈര്‍പ്പം നിലനിര്‍ത്തുന്നു. ചര്‍മ്മത്തിലുണ്ടാകുന്ന അലര്‍ജിക്കും ചൊറിച്ചിലിനുമെല്ലാം നല്ലൊരു പരിഹാരമാണ് തൈരു പുരട്ടുന്നത്.