പ്രമേഹത്തിനുള്ള നല്ലൊന്നാന്തരം മരുന്നാണ്
പ്രമേഹത്തിനുള്ള നല്ലൊന്നാന്തരം മരുന്നാണ് ചിറ്റമൃത്. പ്രത്യേകിച്ചും ടൈപ്പ് 2 പ്രമേഹത്തിന്. ഇതു രക്തത്തിലെ പഞ്ചസാരയുടെ അളവു കുറയ്ക്കുന്നു. ഇതിന്റെ നീരു കുടിയ്ക്കുന്നതു ഗുണം നല്കും. ചിറ്റമൃത് ചതച്ചിട്ട് രാത്രി വെള്ളത്തിലിട്ടു വച്ച് രാവിലെ ഈ വെള്ളത്തില് ലേശം മഞ്ഞള്പ്പൊടി ചേര്ത്തു കുടിയ്ക്കുന്നത് പ്രമേഹത്തിനുള്ള നല്ലൊരു മരുന്നാണ്. അമൃതിന്റെ നീര്, നെല്ലിക്കാ നീര്, മഞ്ഞള്പ്പൊടി എന്നിവ തുല്യ അളവില് എടുത്ത് 10 മില്ലി വീതം രാവിലെ വെറുംവയറ്റില് കഴിയ്ക്കുന്നത് പ്രമേഹം കുറയ്ക്കാന് ഏറെ നല്ലതാണ്. ചിറ്റമൃതിന്റെ രണ്ടില രാത്രി ഒരു ഗ്ലാസ് വെളളത്തില് ചതച്ചിടുക. പിറ്റേന്നു രാവിലെ ഈ വെളളം ഊറ്റി ഇതില് അര സ്പൂണ് മഞ്ഞള്പ്പൊടിയിട്ടു കുടിയ്ക്കാം. ഇത് ഏഴു ദിവസം അടപ്പിച്ചു ചെയ്താല് തന്നെ കാര്യമായ കുറവുണ്ടാകും.
ചര്മ രോഗങ്ങള്ക്കുള്ള
ചര്മ രോഗങ്ങള്ക്കുള്ള നല്ലൊന്നാന്തരം മരുന്നാണ് ഇത്. ചര്മ സൗന്ദര്യത്തിന് മികച്ചതാണ് ഈ വള്ളിച്ചെടി.ഓര്മ ശക്തി വര്ദ്ധിപ്പിയ്ക്കാനും ചിറ്റമൃത് സഹായിക്കും. ശരീരത്തിലെ ടോക്സിനുകളും മറ്റും നീക്കാന് ഇതേറെ നല്ലതാണ്. ഇതു വഴി ചര്മാരോഗ്യത്തിനും ക്യാന്സര് പോലുള്ള രോഗങ്ങള്ക്കും പ്രതിവിധിയുമാകുന്നു. ഇത് അലര്ജി പോലുള്ള ചര്മ പ്രശ്നങ്ങള്ക്കും നല്ലൊരു മരുന്നാണ്. ഇതിന്റെ നീരും തേനും ചേര്ത്തു പുരട്ടിയാല് മുറിവുകളും വ്രണങ്ങളും ഉണങ്ങാന് സഹായിക്കും.മുഖക്കുരു, മുഖത്തെ കറുത്ത പാടുകള്, ചുളിവുകള് എന്നിവ മാറാന് ഫലസിദ്ധിയുള്ള മരുന്നാണ് ചിറ്റമൃത്.ഇതിന്റെ ഇലയും മയിലാഞ്ചിയും പച്ചമഞ്ഞളും ചേര്ത്തരച്ചു പുരട്ടുന്നത് കാല് വിണ്ടു പൊട്ടുന്നതിനുള്ള നല്ലൊരു മരുന്നാണ്. Also read: ഒന്നിരുന്നു വെള്ളം കുടിയ്ക്കൂ, അല്ലെങ്കില്
മൂത്ര സംബന്ധമായ പ്രശ്നങ്ങള്ക്കുളള
മൂത്ര സംബന്ധമായ പ്രശ്നങ്ങള്ക്കുളള നല്ലൊരു മരുന്നാണ് ഈ വള്ളിച്ചെടി.സ്ത്രീകളിലെ വെള്ളപോക്കിനും ചിറ്റമൃത് നല്ലൊരു മരുന്നാണ്. ഇതില് കുരുമുളകു പൊടി ചേര്ത്ത് ഉപയോഗിയ്ക്കുന്നത് ഏറെ ഗുണം നല്കും. മൂത്രാശയ സംബന്ധമായ രോഗങ്ങള്ക്കും മൂത്രപ്പഴുപ്പിനുമെല്ലാം ഗുണം നല്കും.ശീഘ്രസ്ഖലനത്തിനുള്ള, പുരുഷ വന്ധ്യത പോലുള്ള പ്രശ്നങ്ങള്ക്കുള്ള നല്ലൊരു മരുന്നു കൂടിയാണിത്. പന്നിപ്പനി, ഡെങ്കിപ്പനി, മലേറിയ തുടങ്ങിയ ഗുരുതരമായ പനികള്ക്കുള്ള മരുന്നു കൂടിയാണ് ചിറ്റമൃത്. ശരീരത്തിന് പ്രതിരോധ ശേഷി നല്കുന്ന ഒന്നു കൂടിയാണ് ചിറ്റമൃത്. രക്തശുദ്ധിയ്ക്കും ഇത് ഉത്തമമായ ഒരു മരുന്നാണ്. ആയുര്വേദ മരുന്നുകളിലെ ഒരു പ്രധാന ചേരുവ കൂടിയാണിത്. തടി കുറയ്ക്കാനും സഹായകമാണ് ഈ പ്രത്യേക ചെടി. Also read: കൊറോണ വൈറസ് Vs. സാധാരണ പനിയും ജലദോഷവും: അറിയണം ഈ വ്യത്യാസങ്ങൾ
ദഹന പ്രശ്നങ്ങള് തടയാന്
വയറിന്റെ ആരോഗ്യത്തിനുള്ള,ദഹന പ്രശ്നങ്ങള് തടയാന് നല്ലൊരു മരുന്നാണിത്. ഇതിന്റെ നീരില് തേന് ചേര്ത്തു കഴിയ്ക്കുന്നത് ദഹന പ്രശ്നങ്ങള് തടയാന് സഹായിക്കുന്നു. മലബന്ധത്തിനുള്ള നല്ലൊരു പ്രതിവിധി കൂടിയാണിത്. ഇതിന്റെ നീരില് നെല്ലിക്കയോ ശര്ക്കരയോ ചേര്ത്തു കഴിയ്ക്കുന്നത് മലബന്ധം അകറ്റാന് സഹായിക്കും.വാത സംബന്ധമായ രോഗങ്ങള്ക്കുള്ള നല്ലൊരു പ്രതിവിധിയാണ് ചിററമൃത്. ഇതിന്റെ തണ്ടു പാലില് ചേര്ത്തു തിളപ്പിച്ച് ഈ പാല് കുടിയ്ക്കാം. ഇതില് നറുനീണ്ടിക്കഴിങ്ങ്, ശതകുപ്പ, തഴുതാമ വേര് എന്നിവ ചേര്ത്തുണ്ടാകുന്ന മരുന്ന് വാത സംബന്ധമായ പ്രശ്നങ്ങള്ക്കുള്ള നല്ലൊരു പ്രതിവിധിയാണ്.ശരീരത്തിന് പ്രതിരോധശേഷി നല്കുന്ന ഒന്നാണ് ചിറ്റമൃത്. അലര്ജി, ശ്വാസകോശ സംബന്ധമായ പ്രശ്നങ്ങള്ക്കുള്ള നല്ലൊരു മരുന്നു കൂടിയാണ് ഇത്. ടോണ്സിലൈറ്റിസ്, ചുമ, ജലദോഷം തുടങ്ങിയ പ്രശ്നങ്ങള്ക്കുള്ള നല്ലൊരു മരുന്നു കൂടിയാണ് ഇത്. ആസ്തമ പ്രശ്നങ്ങളുളളവര്ക്കും ഗുണം നല്കും. ഇതിന്റെ തണ്ടും വേരുമെല്ലാം ഗുണകരമാണ്.