ഷേവ് ചെയ്യരുത് എന്ന് പറയുന്നതിന്‍റെ കാരണങ്ങൾ ഇതൊക്കെയാണ്

ശരീരത്തിലെ അനാവശ്യരോമങ്ങളെ ഷേവ് ചെയ്ത് നീക്കം ചെയ്യുന്നവരാണ് നമ്മളിൽ പലരും. പുരുഷന്മാര്‍ ആഴ്ചകൾ തോറുമോ ദിവസങ്ങൾ തോറുമോ മുഖത്തെ അനാവശ്യ രോമങ്ങളും ഇത്തരത്തിൽ നീക്കം ചെയ്യാറുള്ളവരുമാണ്. എന്നാൽ അത് ദോഷകരമാണെന്നും അത് ചെയ്യരുതെന്നും പലരും നമ്മോട് പറഞ്ഞിട്ടുണ്ടാകാം. ഷേവ് ചെയ്യുന്നതിന് പകരം രോമം ട്രിം ചെയ്തു നിയന്ത്രിക്കണമെന്നാണ് പറയുന്നത്. പലര്‍ക്കും ട്രിം ചെയ്താൽ ഷേവ് ചെയ്താൽ കിട്ടുന്ന സംതൃപ്തി ലഭിക്കാറില്ലല്ലോ. പക്ഷേ മുഖം വൃത്തിയായി സൂക്ഷിക്കണമെന്നുള്ളതിനാൽ നമ്മൾ ഷേവ് ചെയ്യുക തന്നെ ചെയ്യും. എന്നാൽ അങ്ങനെ ചെയ്യുന്നത് ദോഷകരമാണെന്ന് പറയുന്നതിന് പിന്നിലെ കാരണമെന്തെന്ന് ചിന്തിച്ചിട്ടുണ്ടോ നിങ്ങൾ.

ശരീരത്തിലെ രോമങ്ങൾ ട്രിം ചെയ്ത് നിയന്ത്രിക്കുകയാണെങ്കിൽ നിങ്ങൾക്ക് ശരീര ഊഷ്മാവ് നിയന്ത്രിക്കാൻ സാധിക്കും. ഇക്കാര്യത്തില്‍ രോമങ്ങള്‍ക്ക് നിര്‍ണായക പങ്ക് വഹിക്കുന്നുണ്ട്. രോമത്തിന്‍റെ ഫോളിക്കിള്‍സിലെ സെബം ഗ്ലാന്‍ഡുകൾ ഉല്‍പാദിപ്പിക്കുന്നുണ്ട്. ഇത് ചര്‍മ്മത്തിലെ എണ്ണമയം നിയന്ത്രിച്ച്‌ അതിനെ ശരീര ഊഷ്മാവ് നിയന്ത്രിച്ച് ശീതീകരിച്ച് നിലനിര്‍ത്താൻ ഗ്ലാൻസുകൾക്ക് കഴിയും. എന്നാൽ ഷേവ് ചെയ്യുകയാണെങ്കിൽ ഇത് നഷ്ടപ്പെടുകയും മുഖത്ത് എണ്ണമയം കെട്ടി നിന്ന് കുരുക്കളുണ്ടാവുകയും ചെയ്യും.

ശരീര രോമങ്ങള്‍ക്ക് ഒരുപരിധി വരെ ചെറിയ പോറലുകളില്‍ നിന്നും ക്ഷതങ്ങളില്‍ നിന്നു പോലും ചര്‍മ്മത്തെ സംരക്ഷിക്കാനുള്ള കഴിവുണ്ട്. ഷേവ് ചെയ്യുമ്പോഴും പലര്‍ക്കും ചര്‍മ്മത്തില്‍ മുറിവുകളുണ്ടാകാനുള്ള സാധ്യത വളരെ കൂടുതലായാണ് കണ്ടു വരുന്നത്. ഇത്തരത്തിൽ തന്നെ ചര്‍മ്മത്തിന് ഉണ്ടാകാൻ സാധ്യതയുള്ള അണുബാധയെയും രോമങ്ങൾക്ക് തടയാൻ സാധിക്കും. സ്വകാര്യഭാഗങ്ങളിൽ ബാധിക്കാൻ സാധ്യതയുള്ള അണുബാധയും ഇത്തരത്തിൽ ഫലപ്രദമായി തടയാൻ സാധിക്കും.

ചര്‍മ്മ പ്രശ്നങ്ങളില്‍ നിന്ന് രോമങ്ങൾ സംരക്ഷിക്കുമെന്നാണ് ത്വക്ക് രോഗ വിദഗ്ധര്‍ ചൂണ്ടിക്കാട്ടുന്നത്. ചര്‍മ്മത്തെ ബാധിക്കാൻ സാധ്യതയുള്ള അലര്‍ജി, അണുബാധ എന്നിവയെ ചെറുക്കാന്‍ രോമങ്ങള്‍ക്ക് അനായാസേന സാധിക്കും.

Donot shave your body: these are the reasons

Reasons behind to said Donot shave your body