കടുപ്പത്തിലൊരു ചായ മലയാളികളുടെ ദിനചര്യയുടെ ഭാഗമായി മാറിയിരിക്കുകയാണ്. വളരെ ഏറെ ഗൃഹാതുരത്വം ഉണര്ത്തുന്ന ഒന്നാണ് ചായ. അതിരാവിലെ എണീറ്റ് മുഖം കഴുകി ഉമ്മറത്തെ കസേരയില് നിന്ന് പത്രം കൈയിലെടുത്ത് ഒരു ഗ്ലാസ് ചായയും മൊത്തിക്കുടിച്ചായിരുന്നു പലരുടെയും ദിവസം തുടങ്ങാറ്.
അതല്ലെങ്കില് വൈകുന്നേരങ്ങളില് ചായപ്പീടികകളില് ചെന്നുള്ള രാഷ്ട്രീയം പറച്ചില് നാട്ടിലെ മുതിര്ന്നവര്ക്കിടയില് പതിവായിരുന്നു. കൂട്ടത്തില് ഒരു ചായയും മൊത്തിക്കുടിച്ചുള്ള സംസാരവും. ജോലി കഴിഞ്ഞെത്തി നേരെ ചായപ്പീടികയിലേക്കായിരിക്കും പലരും പോകുക. അവിടെ നിന്ന് ചായ കുടിച്ച് കൊണ്ടുള്ള പരദൂഷണവും രാഷ്ട്രീയം പറച്ചിലും ഒക്കെ ഇല്ലെങ്കില് അവരുടെ അന്നേ ദിവസം പൂര്ണമാകുകയില്ല.
എന്നാല് ഇന്ന് അതൊക്കെയും കുറഞ്ഞ് വന്നുവെങ്കിലും ചായയോടുള്ള സ്നേഹം ഇന്നും പലരും കുറയാതെ സൂക്ഷിക്കുന്നുണ്ട്. നഗരങ്ങളിലേക്കുള്ള കുടിയേറലും അണു കുടുംബങ്ങളിലേക്ക് ചുരുങ്ങുകയും ചെയ്തതോടെ പലരും പലതും മറന്നു തുടങ്ങിയിരിക്കുന്നു, അല്ലെങ്കില് മനപ്പൂര്വ്വം ഒഴിവാക്കിത്തുടങ്ങുന്നു എന്ന് വേണം പറയാന്.
Also read: 'ജോളി'യാകണോ? ഇക്കാര്യങ്ങള് ശ്രദ്ധിക്കുക!
എന്തൊക്കെ പറഞ്ഞാലും അതിരാവിലെയും വൈകുന്നേരങ്ങളിലും ചൂട് ചായ മൊത്തിക്കുടിച്ചില്ലെങ്കില് ഇന്ന് പലര്ക്കും അസ്വസ്ഥതകളാണ്. അത് കൊണ്ടൊക്കെ തന്നെയായിരിക്കാം ലോകത്തില് ഏറ്റവും അധികം ആളുകള് കുടിച്ചു തീര്ക്കുന്ന പാനീയം എന്ന വിശേഷണവും ചായയ്ക്ക് ലഭിച്ചത്.
ചായ ഏത് വിധത്തിലുള്ളതും ആയിക്കോട്ടെ, ചൂട് ചായ നിങ്ങള് ഊതിക്കുടിക്കാറുണ്ടോ?
എന്നാല് ചൂട് ചായ മൊത്തിക്കുടിക്കുന്നതിന് പകരം ചായ ഊതിക്കാറുണ്ടെങ്കില് അത് അത്ര നല്ലതല്ലെന്നാണ് ആരോഗ്യ വിദഗ്ദര് പറയുന്നത്. ചൂട് ചായ ഊതിക്കുടിക്കുന്നവര് ഒന്ന് സൂക്ഷിക്കുന്നത് നല്ലതാണ്. കാരണം, ചൂട് ചായ മാരകമായ അര്ബുദം വരുത്താനുള്ള സാധ്യതയുണ്ടെന്ന് പുതിയ പഠനങ്ങളില് പറയുന്നു.
ചായ കുടിക്കുന്നവരില് പകുതിയിലധികം പേരും തിളച്ച ചായ കുറേശ്ശെയായി ഊതിക്കുടിക്കാനാണ് താല്പര്യപ്പെടാറ്. എന്നാല് ചൂട് ചായ ഇങ്ങനെ കുടിക്കുനതിലൂടെ മാരകമായ അര്ബുദത്തിന് കാരണമാകുമെന്നാണ് പഠനങ്ങള് വ്യക്തമാക്കുന്നത്. അമേരിക്കന് ക്യാന്സര് സൊസൈറ്റി നടത്തിയ പഠന റിപ്പോര്ട്ടിലാണ് ഇക്കാര്യം വ്യക്തമാക്കുന്നത്.
ചായ മാത്രമല്ല കാപ്പിയും പാലും ഇങ്ങനെ തിളപ്പിച്ച എന്ത് പാനീയങ്ങളാണെങ്കിലും ഇത്തരത്തില് കുടിക്കുന്നത് കൊണ്ട് അന്ന നാളത്തില് ക്യാന്സര് ഉണ്ടാക്കാനുള്ള സാധ്യതകള് വര്ധിക്കുമെന്നാണ് റിപ്പോല്ട്ടില് വ്യക്തമാക്കുന്നത്.
Also read: പ്രണയിക്കുന്നവര് തമ്മില് പരസ്പരം ഫോണ് പരിശോധിച്ചാല്!
"ചായ കുടിക്കുന്നതിന് മുമ്പ് നാല് മിനിറ്റെങ്കിലും ആറാന് വെക്കണം, പലര്ക്കും തിളച്ച ചായ ചൂടോടെ ഊതിക്കുടിക്കുന്നതിലാണ് താല്പര്യം. എന്നാല് ഇതത്ര നല്ലതല്ല. ഇങ്ങനെ ചെയ്യുന്നതിലൂടെ അന്നനാളത്തില് ക്യാന്സര് വരാനുള്ള സാധ്യത കൂടുതലാണ്." ഗവേഷകനായ ഫര്ഹാദ് ഇസ്ലാമി പറയുന്നു.
വര്ഷങ്ങളായി ഇത്തരത്തിലുള്ള ശീലം കൊണ്ട് നടക്കുന്നവരാണെങ്കില് എത്രയും പെട്ടെന്ന് തന്നെ ഇത് മാറ്റിയെടുക്കണമെന്നും അമേരിക്കന് ക്യാന്സര് സൊസൈറ്റിയിലെ ഗവേഷകര് പറയുന്നു.
എന്നാല് ദിവസവും മദ്യം കഴിക്കുന്നവര്ക്കും ചായ വില്ലനായി മാറുമെന്നും പഠനത്തില് പറയുന്നു. ചൈനയില് നടത്തിയ ഗവേഷണത്തിലാണ് ഇക്കാര്യം വ്യക്തമാക്കുന്നത്.
ആഴ്ചയില് ഒരു തവണ ചായ കുടിക്കുന്നവരെ അപേക്ഷിച്ച് ദിവസേന മദ്യവും തിളച്ച ചായയും കുടിക്കുന്നവരില് അന്നനാളത്തില് ക്യാന്സര് വരാനുള്ള സാധ്യത അഞ്ച് മടങ്ങ് കൂടുതലായിരിക്കുമെന്നാണ് ചൈനയില് നടത്തിയ പഠനത്തില് വ്യക്തമാക്കുന്നത്.
Also read: ആര്ത്തവ വേദന സഹിക്കാന് പറ്റുന്നില്ലെങ്കില് പാലില് മഞ്ഞള് ചേര്ത്ത് കുടിച്ചു നോക്കൂ!
പുകവലിയും മദ്യപാനവും ക്യാന്സറിന് കാരണമാകുമെന്ന് നേരത്തെ തന്നെ നമുക്ക് അറിയാമല്ലോ?
എന്നാല് ഇപ്പോള് ഇത്തരത്തില് ചായ കുടിക്കുമ്പോഴും ക്യാന്സര് വരുമെന്നത് ചായ കുടിയന്മാരിലും ആശങ്ക പരത്തുകയാണ്.
തിളച്ച ചായ കുടിക്കുന്നതും അത് ഊതിക്കുടിക്കുന്നതും അന്നനാളത്തിലെ കോശത്തെ നശിപ്പിക്കുകയും ഇതിനൊപ്പം മദ്യവും പുകവലിയും കൂടുന്നതോടെ കൂടുതല് പ്രശ്നങ്ങള്ക്ക് കാരണമാകുമെന്നും പെകിംഗ് യൂണിവേഴ്സിറ്റി ഹെല്ത്ത് സയന്സ് സെന്ററിലെ ഗവേഷകനായ ലവ് ജന് വ്യക്തമാക്കുന്നു.
അപ്പോള് പറഞ്ഞു വരുന്നത് ചൂട് ചായ കുടിക്കുന്നതും ചൂട് ചായ ഊതിക്കുടിക്കുന്നതും ആരോഗ്യത്തിന് അത്ര നല്ലതല്ല. അത്തരം ശീലമുള്ളവര് പെട്ടെന്ന് തന്നെ നിര്ത്തുന്നതാണ് നല്ലത്. 60 ഡിഗ്രി ചൂടിന് മുകളില് ചായ അകത്താക്കുന്നവര്ക്കാണ് കൂടുതല് പ്രശ്നം. ഇത്തരക്കാരില് 90% വരെ ക്യാന്സര് വരാന് സാധ്യതയുണ്ടെന്നാണ് റിപ്പോര്ട്ടുകളില് വ്യക്തമാക്കുന്നത്.