നാം മലയാളികൾക്ക് ഏറെ പ്രിയപ്പെട്ട പാനീയങ്ങളിലൊന്നാണ് ചായ. പല ആളുകളും ദിവസവും നിരവധി തവണ ചായ കുടിക്കുന്നവരാണ്. കട്ടൻ ചായയും പാൽ ചായയുമടക്കം എത്ര തവണ, അല്ലെ? ഇത്തരത്തിൽ നിരവധി തരത്തിലുള്ള ചായകൾ നിരവധി തവണ കുടിക്കുന്നതിനിടയിൽ ഒന്ന് ചോദിക്കട്ടെ, റോസ് ടീ, അല്ലെങ്കിൽ റോസ് ചായ എന്ന് കേട്ടിട്ടുണ്ടോ? റോസാപ്പൂ കൊണ്ട് തയ്യാറാക്കുന്ന ഈ ചായ അതിന്റെ നിറത്തിലും മണത്തിലും പേര് കേട്ടതുപോലെ തന്നെ ആരോഗ്യ ഗുണങ്ങൾക്കും പേര് കേട്ടതാണ്.
ശരീരഭാരം കുറയ്ക്കുവാനായി സ്ഥിരം പാനീയങ്ങൾ കുടിച്ച് മടുത്തോ നിങ്ങൾ? എങ്കിൽ നിങ്ങളുടെ രുചിമുകുളങ്ങൾക്ക് ആശ്വാസമേകുവാനായി സഹായിക്കുന്ന ഒരു പാനീയം ആണ് റോസ് ടീ! വേഗത്തിൽ, ഫലപ്രദമായ രീതിയിൽ ശരീരഭാരം കുറയ്ക്കുവാൻ സഹായിക്കുന്ന ഈ പാനീയത്തിന്റെ ജനപ്രീതി അടുത്തിടെയായി വർദ്ധിച്ചു വരുന്നുണ്ട്. ശരീരഭാരം കുറയ്ക്കാൻ സഹായിക്കുന്നതോടൊപ്പം തന്നെ മറ്റ് നിരവധി ആരോഗ്യ ഗുണങ്ങളും വാഗ്ദാനം ചെയ്യുന്നു ഏറ്റവും മികച്ച ഔഷധ ചായകളിൽ ഒന്നാണ് റോസ് ടീ.
റോസ് ടീ സ്ഥിരമായി കുടിക്കുന്നത് മുടിയുടെയും ചർമ്മത്തിന്റെയും ആരോഗ്യത്തിനും ഗുണകരമാണെന്ന് വിശ്വസിക്കപ്പെടുന്നു. ആന്റി ഓക്സിഡന്റുകൾ ധാരാളമായി അടങ്ങിയിട്ടുള്ളതിനാൽ, ഇത് ദഹനത്തെയും വളരെയധികം സഹായിക്കുന്നു. കൂടാതെ, ഇതിന്റെ ആകർഷകമായ സൗരഭ്യം നിങ്ങളുടെ മനോനിലയെയും ഉണർത്തുന്നു.
റോസ് ടീ ശരീരഭാരം കുറയ്ക്കാൻ എങ്ങിനെ സഹായിക്കുന്നു?
ശരീരഭാരം കുറയ്ക്കാൻ റോസ് ടീ എങ്ങനെ ഉപകരിക്കുന്നു എന്നതിനെ കുറിച്ച് നമുക്ക് നോക്കാം:
വീക്കം അകറ്റുവാൻ സഹായിക്കുന്നു: ആന്റി ഓക്സിഡന്റുകളും വീക്കം തടയുവാനുള്ള സവിശേഷതകളും അടങ്ങിയിട്ടുള്ളതിനാൽ, റോസ് ടീ ശരീരഭാരം വേഗത്തിൽ കുറയ്ക്കുവാൻ ഉപകരിക്കുന്നു.
ദഹനം മെച്ചപ്പെടുത്തുന്നു: പ്രകൃതിദത്തമായ റോസ് ടീ ദഹന പ്രവർത്തനങ്ങൾ മെച്ചപ്പെടുത്തുവാനും പ്രയോജനകരമാണ്. ആരോഗ്യകരമായ ദഹനം ശരീരഭാരം കുറയ്ക്കുവാൻ പ്രധാനമായതിനാൽ, ദിവസവും ഒന്നോ രണ്ടോ കപ്പ് റോസ് ടീ കുടിക്കുന്നത് ഏറെ ഉത്തമമാണ് ശരീരത്തിന്.
ദുഷിപ്പുകൾ അകറ്റുവാൻ സഹായിക്കുന്നു: റോസ് ടീയുടെ മൂത്രശങ്ക വർദ്ധിപ്പിക്കുന്ന ഡയൂറിറ്റിക്ക് സവിശേഷത മൂലം മൂത്രനാളിയിലെ അണുബാധകൾ ഉണ്ടാവാതെ തടയുന്നു. മൂത്രത്തിലൂടെ ശരീരത്തിലെ ദുഷിപ്പുകൾ നീക്കം.ചെയ്യപ്പെടുന്നതിനാൽ, ശരീരഭാരം നിയന്ത്രിക്കുവാൻ നിങ്ങൾക്ക് എളുപ്പത്തിൽ സാധിക്കുകയും ചെയ്യുന്നു.
നിങ്ങളുടെ വിശപ്പ് അകറ്റുന്നു: നിങ്ങളുടെ.മൊത്തത്തിലുള്ള ആരോഗ്യത്തിന് ഉത്തമമായ കഫീൻ അടങ്ങിയിട്ടില്ലാത്ത ആരോഗ്യപ്രദമായ ഒരു ഉത്തമ പാനീയമാണ് റോസ് ടീ. ഏത് തരം ചായ കുടിക്കുന്നതും നിങ്ങളുടെ വയർ നിറയ്ക്കുമെങ്കിലും, ആരോഗ്യപ്രദമായ ചായ കുടിക്കുന്നതല്ലേ കൂടുതൽ ഗുണകരം?
രോഗപ്രതിരോധ ശേഷി വർദ്ധിപ്പിക്കുന്നു : നിങ്ങളുടെ അസുഖങ്ങളെ അകറ്റി നിർത്തുവാനും രോഗപ്രതിരോധ ശേഷി ശക്തമാക്കുവാനും ഈ ഔഷധ ചായ നിങ്ങളെ സഹായിക്കുന്നു. വിറ്റാമിൻ സി കൊണ്ട് സമ്പുഷ്ടമായ റോസ് ടീ പല തരം അണുബാധകൾക്ക് എതിരെ പോരാടുവാനും നിങ്ങളെ സഹായിക്കുന്നു. ശക്തമായ രോഗപ്രതിരോധ സംവിധാനം ശരീരത്തിനുണ്ടെങ്കിൽ, നിങ്ങളുടെ ശരീരഭാരം എളുപ്പത്തിൽ കുറയ്ക്കാവുന്നതാണ്.
Also read: മുഖ സൗന്ദര്യത്തിന് ഗ്ലിസറിൻ എങ്ങനെ ഉപയോഗിക്കാം?
അമിതഭാരം നിയന്തിരക്കാനുള്ള വഴികൾ തിരഞ്ഞ് മടുത്തവർക്ക് ഏറെ ഗുണകരമായ ഒന്നാണ് റോസ് ചായ കുടിക്കുന്നത്. ഇത് കൂടാതെ ചർമ്മത്തിന്റെ ആരോഗ്യത്തിനും ഈ ചായ മികച്ച ഗുണങ്ങൾ നൽകുന്നു.
റോസ് ചായ എങ്ങനെ ഉണ്ടാക്കാം?
ഇത് തയ്യാറാക്കാനായി റോസാപ്പൂവിന്റെ ഇതളുകളാണ് ഉപയോഗിക്കുന്നത്. റോസാപ്പൂ ഇതളുകൾ ഉണക്കിയ ശേഷം ചായ തയ്യാറാക്കുന്ന വെള്ളത്തിൽ ചേർത്ത് തേയിലയും ചേർത്ത് കുടിക്കാം. അതല്ലെങ്കിൽ വെറുതെ വെള്ളത്തിൽ ചേർത്തതും കുടിക്കാം.