സ്തനാർബുദത്തിൻ്റെ ഈ ആദ്യ ലക്ഷണങ്ങൾ തിരിച്ചറിയൂ

ഈ അടുത്ത കാലത്തായി സ്ത്രീകളില്‍ വളരെയധികം കണ്ടുവരുന്ന രോഗമാണ് സത്‌നാര്‍ബുദം. ഇന്ത്യയില്‍ മാത്രമല്ല ആഗോളതലത്തില്‍ തന്നെ സ്ത്രീകള്‍ നേരിടുന്ന ഏറ്റവും സാധാരണമായ ക്യാന്‍സറായി ഇത് മാറി. സ്ത്രീകളുടെ ആരോഗ്യമായത് കൊണ്ട് അധികം ശ്രദ്ധ ഈ രോഗത്തിന് ലഭിക്കുന്നില്ല എന്നതാണ് വാസ്തവം. നിലവില്‍ രാജ്യത്ത് 30നും 40നും ഇടയിലുള്ള സ്ത്രീകളില്‍ സ്തനാര്‍ബുദ കേസുകള്‍ വര്‍ധിച്ചു കൊണ്ടിരിക്കുകയാണ്.

കൃത്യമായ രോഗ നിര്‍ണയവും ആധുനിക ചികിത്സ രീതികളുമൊക്കെ ഒരു പരിധി വരെ രോഗം ഭേദമാക്കാന്‍ സഹായിക്കുന്നുണ്ട്. പാല്‍ ഉത്പാദിപ്പിക്കുന്ന ലോബ്യൂള്‍സ് ഗ്രന്ഥികളിലൂടെയോ മുലക്കണ്ണിലേക്ക് പാല്‍ കൊണ്ടുപോകുന്ന നാളങ്ങളിലൂടെയോ വളരുന്ന മാരകമായ രോഗമാണ് സ്തനാര്‍ബുദം. നാരുകളുള്ള ബന്ധിത ടിഷ്യു അല്ലെങ്കില്‍ ഒരാളുടെ സ്തനത്തിലെ ഫാറ്റി ടിഷ്യുവും ഈ അവസ്ഥയ്ക്ക് കാരണമാകാം.

എന്നാൽ സ്തനാർബുദം എപ്പോഴും രോഗ ലക്ഷണങ്ങൾ പ്രകടമാക്കാറില്ല എന്ന് Dr. Harish E (Consultant Surgical Oncology, KMC Hospital, Mangalore) പറയുന്നു. രോഗത്തിന്റെ പ്രാരംഭ ഘട്ടത്തിൽ പുറത്തേയ്ക്ക് പ്രകടമായേക്കാവുന്ന ലക്ഷണങ്ങൾ ചില ആളുകളിലെങ്കിലും കാണപ്പെടാനുള്ള സാധ്യത കുറവാണ്.

Also Read: സ്തനാർബുദ സാധ്യത തിരിച്ചറിയാം, സ്വയം പരിശോധന ചെയ്യേണ്ടത് ഇങ്ങനെ

പ്രായം, പാരമ്പര്യം, വൈകി ഗർഭം ധരിക്കുന്നത്, ആർത്തവ വിരാമം, മറ്റ് ജീവിതശൈലീ ഘടകങ്ങൾ തൂങ്ങിയ കാര്യങ്ങളെല്ലാം സ്തനാർബുദം ഉണ്ടാകുന്നതിന് കാരണമായേക്കാം.

കൃത്യമായ ചികിത്സ നല്‍കിയില്ലെങ്കില്‍ ഈ ക്യാന്‍സര്‍ കോശങ്ങള്‍ കാലക്രമേണ കൈയുടെ താഴെയുള്ള ലിംഫ് നോഡുകളിലേക്ക് വ്യാപിക്കാന്‍ സാധ്യത കൂടുതലാണ്. സെനോബയോട്ടിക്‌സിന്റെ ശരീരത്തെ ശുദ്ധീകരിക്കുന്ന ചെറിയ അവയവങ്ങളാണ് ഇവ. ലിംഫ് നോഡുകളെ ആക്രമിച്ചാല്‍ ഈ കാന്‍സര്‍ കോശങ്ങള്‍ക്ക് സഞ്ചരിക്കാനും മറ്റ് ശരീരഭാഗങ്ങളിലേക്ക് വ്യാപിക്കാനും കഴിയും.

സ്തനാര്‍ബുദം നേരത്തെ കണ്ടെത്തിയാല്‍ ചികിത്സിക്കാന്‍ വളരെ എളുപ്പമാണ്. അത്യാധുനിക ചികിത്സ രീതികള്‍ ഉപയോഗിച്ച് രോഗം നേരത്തെ കണ്ടെത്താനും സാധിക്കും. മാഗ്നറ്റിക് റിസോണന്‍സ് ഇമേജിംഗ് (എംആര്‍ഐ) പെറ്റ്/ സിടി സ്‌കാന്‍, അള്‍ട്രാസൗണ്ട്, ബ്രസ്റ്റ് ബയോപ്‌സീസ്, മാമോഗ്രാംസ്, ബോണ്‍ സ്‌കാന്‍സ് തുടങ്ങിയ സാങ്കേതിക വിദ്യാകളാണ് സ്തനാര്‍ബുദം നിര്‍ണയിക്കാന്‍ ഡോക്ടര്‍മാര്‍ ഏറ്റവും കൂടുതല്‍ ഉപയോഗിക്കുന്നത്.

വ്യക്തിഗത സാഹചര്യം, രോഗ വ്യാപനത്തിന്റെ വ്യാപ്തി, സ്തനാര്‍ബുദത്തിന്റെ തരം മുതലായവയെ ആശ്രയിച്ചാണ് ചികിത്സ തീരുമാനിക്കുന്നത്. കീമോതെറാപ്പി ഏറ്റവും പ്രയോജനപ്രദമാണെന്ന് പരക്കെ അറിയപ്പെടുന്നുണ്ടെങ്കിലും, ശസ്ത്രക്രിയ, ബയോളജിക്കല്‍ അല്ലെങ്കില്‍ ഹോര്‍മോണ്‍ തെറാപ്പി, റേഡിയേഷന്‍, സാഹചര്യങ്ങള്‍ക്കനുസരിച്ച് ഒരു രോഗിയെ ഫലപ്രദമായി സുഖപ്പെടുത്താന്‍ മെഡിക്കല്‍ പ്രൊഫഷണലുകള്‍ ഉപയോഗിച്ചേക്കാവുന്ന മറ്റ് ചികിത്സാ സമീപനങ്ങളില്‍ ചിലത് മാത്രമാണ്.

സ്തനാർബുദത്തിന്റെ ലക്ഷണങ്ങൾ

വീര്‍ത്ത സ്തനങ്ങള്‍ അല്ലെങ്കില്‍ മുഴയോട് കൂടിയ സ്തനങ്ങള്‍, സ്തനങ്ങളിലെ തൊലി പോകുക, മുലക്കണ്ണിലെ വേദന അല്ലെങ്കില്‍ മുലക്കണ്ണ് പിന്‍വലിയുക, സ്തന ചര്‍മ്മം വരണ്ടതോ ചുവന്നതോ ആകുക, മുലക്കണ്ണില്‍ നിന്ന് സ്രവങ്ങള്‍ എന്നിവയെല്ലാം സ്തനാര്‍ബുദത്തിന്റെ പ്രാരംഭ ലക്ഷണങ്ങളാണ്. ഗുരുതരമായ ഇത്തരം ലക്ഷണങ്ങള്‍ കണ്ടെത്തിയാല്‍ ഉടന്‍ ചികിത്സ തേടണം. ഭീഷണി കണ്ടെത്താനും സ്തനാര്‍ബുദം കൂടുതല്‍ പടരാതിരിക്കാനുള്ള മുന്‍കരുതലുകള്‍ നിര്‍ദ്ദേശിക്കാനും ഡോക്ടര്‍മാര്‍ക്ക് കഴിയും. രോഗം നേരത്തെ കണ്ടെത്തിയാല്‍ ഇതിനെ നേരിടാനും മരണ നിരക്ക് കുറയ്ക്കുന്നതിനും വളരെയധികം സഹായിക്കുന്നു.

മിക്ക സമയത്തും, സ്തനങ്ങളില്‍ മാത്രം പരിമിതപ്പെടുത്തിയിരിക്കുന്നതും മറ്റ് ഭാഗങ്ങളിലേക്ക് പടരാത്തതുമായ ക്യാന്‍സര്‍ വിജയകരമായി ചികിത്സിച്ച് ഭേദമാക്കാന്‍ കഴിയും. ഇവയ്ക്ക് മ്യൂട്ടേഷന്‍ സാധ്യത കുറവാണ്. പക്ഷെ മറ്റ് അവയവങ്ങളിലേക്ക് സഞ്ചരിച്ചാല്‍ അത് ഉയര്‍ത്തുന്ന വെല്ലുവിളി വളരെ വലുതാണ്. കോശവളര്‍ച്ചയെ മാറ്റുന്ന ജീനുകളില്‍ മ്യൂട്ടേഷനുകള്‍ എന്നറിയപ്പെടുന്ന പരിഷ്‌കാരങ്ങള്‍ ഉണ്ടാകുമ്പോഴാണ് ക്യാന്‍സര്‍ സംഭവിക്കുന്നത്. ഈ മ്യൂട്ടേഷനുകള്‍ കോശങ്ങളെ നിയന്ത്രണാതീതമായ രീതിയില്‍ വര്‍ധിപ്പിക്കുന്നു.