Also Read: Coriander: മല്ലിയും മല്ലിയിലയും അത്ര ചില്ലറക്കാരല്ല, തൈറോയ്ഡും പ്രമേഹവും കുറയ്ക്കാൻ മല്ലിയിട്ട വെള്ളം
പാവയ്ക്ക് വെള്ളരിക്ക തക്കാളി ജ്യൂസ്
പ്രമേഹമുള്ളവർ വളരെയധികം ഉപയോഗിക്കുന്നതാണ് പാവയ്ക്ക്. പാവയ്ക്കയ്ക്ക് പ്രമേഹം നിയന്ത്രിക്കാൻ കഴിവുണ്ടെന്നാണ് പല പഠനങ്ങളും പറയുന്നത്. പാവയ്ക്കയിലടങ്ങിയിരിക്കുന്ന ചില ഘടകങ്ങളാണ് ഇതിന് സഹായിക്കുന്നത്. ഇവ രക്തത്തിലെ ഗ്ലൂക്കോസിൻറെ അളവ് ഉയരാതിരിക്കാൻ സഹായിക്കും. അന്നജത്തിന്റെ ആഗിരണം കൂട്ടുന്ന ചില എൻസൈമുകളെ നിയന്ത്രിക്കാനും ഇതിലെ ഘടകങ്ങൾക്കു കഴിയും.
തയാറാക്കുന്ന വിധം
ഒരു ചെറിയ പാവയ്ക്ക് അൽപ്പം വെള്ളരിക്ക ചെറിയ കഷണം തക്കാളി എന്നിവ എടുക്കുക. വെള്ളരിക്ക വലുതാണെങ്കിൽ മുറിച്ച് പകുതി എടുത്താൽ മതി. ഇതിന് ശേഷം ഇവയെല്ലാം മിക്‌സിയിലോ അല്ലെങ്കിൽ ഒരു ബ്ലെൻഡറിലോ ഇട്ട് അടിച്ച് എടുക്കാം. ഇതിന് ശേഷം ഒരു അരിപ്പ ഉപയോഗിച്ച് ഇത് അരിച്ച് എടുത്ത് നീര് മാത്രം കുടിക്കാം. ദിവസവും രാവിലെ ഈ ജ്യൂസ് കുടിക്കുന്നത്് ഗുണം ചെയ്യും.
ഉലുവ വെള്ളം
ഉലുവയുടെ ആരോഗ്യഗുണങ്ങള്‍ പറഞ്ഞ് അറിയിക്കേണ്ട ആവശ്യമില്ല. പ്രമേഹത്തിനുളള നല്ലൊരു പരിഹാരമാണ് ഉലുവ. പ്രമേഹം വന്നു തുടങ്ങുന്നവരോട് ഉലുവ കഴിയ്ക്കാന്‍ പറയാറുണ്ട്. ഇത് പാന്‍ക്രിയാസ് പ്രവര്‍ത്തനത്തെ സഹായിക്കും. ഇതിലെ ആന്റിഓക്സിഡന്റുകള്‍ പാന്‍ക്രിയാസ് പ്രവര്‍ത്തനത്തെ സഹായിക്കുന്നു. ഇത് ഇന്‍സുലിന്‍ മെറ്റബോളിസം കൂടുന്നതിനും ഇന്‍സുലിന്‍ റെസിസ്റ്റന്‍സ് കുറയാനും സഹായിക്കുന്നു.
തയാറാക്കുന്ന വിധം
രാത്രിയില്‍ ഒരു സ്പൂണ്‍ ഉലുവ ഒരു ഗ്ലാസ് വെള്ളത്തിലിട്ട് കുതിര്‍ക്കാന്‍ വയ്ക്കുക. ഇതിന് ശേഷം രാവിലെ വെറും വയറ്റില്‍ ഈ വെള്ളം കുടിക്കാം. പ്രമേഹ കുറയ്ക്കാനുള്ള എളുപ്പ വഴികളിലൊന്നാണിത്.
മല്ലി- ഉലുവ വെള്ളം
ഉലുവ പോലെ തന്നെ മല്ലിയും വളരെയധികം ഗുണങ്ങള്‍ അടങ്ങിയിട്ടുള്ള ഒന്നാണ്. ഭക്ഷണങ്ങള്‍ക്ക് പ്രത്യേക മണവും രുചിയും നല്‍കാന്‍ എല്ലാവരും മല്ലി ഉപയോഗിക്കാറുണ്ട്. മല്ലിയില ഇടാതെ പലര്‍ക്കും കറികള്‍ പൂര്‍ണതയില്‍ എത്തിയതായി തോന്നാറില്ല. ഭക്ഷണത്തില്‍ രുചി കൂട്ടാന്‍ മാത്രമല്ല, നല്ല ആരോഗ്യത്തിനും മല്ലി പല തരത്തില്‍ ഉപയോഗിക്കാന്‍ സാധിക്കും.
തയാറാക്കുന്ന വിധം
ഒരു കപ്പ് മല്ലിയും ഒരു കപ്പ് ഉലുവയും എടുക്കുക. ഇവ രണ്ടും ഒരു പാനിലിട്ട് ചൂടാക്കിയ ശേഷം പൊടിച്ച് എടുക്കാം. ഈ പൊടികള്‍ പ്രത്യേകം പൊടിച്ച് എടുത്ത ശേഷം യോജിപ്പിക്കാവുന്നതാണ്. ഒരു കപ്പ് വെള്ളത്തില്‍ ഒരു സ്പൂണ്‍ പൊടി ചേര്‍ത്ത് തിളപ്പിച്ച ശേഷം ദിവസവും കുടിക്കാവുന്നതാണ്. രാവിലെ ഭക്ഷണത്തിന് 15 മിനിറ്റ് മുന്‍പ് ഇത് കുടിക്കാവുന്നതാണ്. പ്രമേഹം നിയന്ത്രിക്കാന്‍ ഈ പാനീയം വളരെയധികം സഹായിക്കും
മഞ്ഞളിട്ട പാല്‍
അടുക്കളയില്‍ എല്ലാ കറികളിലും ഉപയോഗിക്കുന്നതാണ് മഞ്ഞള്‍. ശരീരത്തിന്റെ പ്രതിരോധ ശേഷി വര്‍ധിപ്പിക്കാന്‍ മഞ്ഞള്‍ വളരെയധികം സഹായിക്കും. അതുപോലെ തന്നെ പ്രമേഹം നിയന്ത്രിക്കാനും മഞ്ഞളിന് കഴിയും.
തയാറാക്കുന്ന വിധം
ഒരു ഗ്ലാസ് പാലില്‍ ഒരു സ്പൂണ്‍ മഞ്ഞള്‍ പൊടി ചേര്‍ക്കുക. രാത്രി ഉറങ്ങുന്നതിന് മുന്‍പോ അല്ലെങ്കില്‍ രാത്രി കിടക്കുന്നതിന് മുന്‍പോ ഇത് കുടിക്കാം