Also Read: പതിമുഖം ചേർത്ത വെള്ളം കുടിച്ചോളൂ പല ആരോഗ്യ ഗുണങ്ങളും കൂടെ പോരും
ഉലുവ
ഉലുവയില്‍ വളരെയധികം പോഷകങ്ങള്‍ അടങ്ങിയിട്ടുണ്ട്. ഇതില്‍ പ്രധാനപ്പെട്ടതാണ് ഗാലക്റ്റലോമന്‍. ഇത അമിതവണ്ണം കുറയ്ക്കാന്‍ സഹായിക്കും. വെള്ളത്തില്‍ കുതിരുന്ന ഈ ഘടകം ഭക്ഷണത്തോടുള്ള കൊതി കുറയ്ക്കാന്‍ സഹായിക്കും. കൂടാതെ മെറ്റബോളിസം കൂട്ടാന്‍ സഹായിക്കും.
ഒരു കൈ നിറയെ ഉലുവ എടുത്ത് ചൂടാക്കിയ ശേഷം നന്നായി പൊടിച്ച് എടുക്കുക. ഈ പൊടി ദിവസവും രാവിലെ ഒരു ഗ്ലാസ് ചെറു ചൂടു വെള്ളത്തില്‍ ഇതിലൊരു സ്പൂണ്‍ ചേര്‍ത്തിളക്കി വെറും വയറ്റില്‍ കുടിക്കാവുന്നതാണ്.
ഉലുവ തലേ ദിവസം രാത്രി വെള്ളത്തില്‍ കുതിര്‍ത്ത് വെച്ച രാവിലെ കഴിക്കുന്നതും നല്ലതാണ്
ചുക്ക് പൊടി
ഇഞ്ചി ഉണക്കിയ പൊടിയാണ് ചുക്ക് എന്ന് പറയുന്നത്. ചുക്ക് പൊടിയുടെ ആരോഗ്യ ഗുണങ്ങള്‍ വളരെ പ്രസിദ്ധമാണ്. ശരീരത്തിന്റെ മെറ്റബോളിസം കൂട്ടി ശരീരത്തില്‍ നിന്ന് കൂടുതല്‍ ചൂട് പുറത്തേക്ക് തള്ളുന്നു. ഇത് കൊഴുപ്പ് കുറയ്ക്കാന്‍ സഹായിക്കും. അമിതവിശപ്പും കൂടുതല്‍ ഭക്ഷണം കഴിക്കുന്നതും ഒഴിവാക്കാന്‍ ഇത് സഹായിക്കുന്നു.
ഒരു സ്പൂണ്‍ ചുക്ക് പൊടി ചെറു ചൂട് വെള്ളത്തില്‍ കലക്കി കുടിക്കുക. പൊടി ഇല്ലാത്തവര്‍ ഉണങ്ങിയ ഇഞ്ചി ചായയിലോ വെള്ളത്തിലോ ഇട്ട് തിളപ്പിച്ച് കുടിച്ചാല്‍ മതിയാകും.
കറുവപ്പട്ട
അടുക്കളയില്‍ കറികള്‍ക്ക് മണം ലഭിക്കാനാണ് പലരും കറുവപ്പട്ട ഉപയോഗിക്കുന്നത്. പക്ഷെ ഇതിന്റെ ആരോഗ്യ ഗുണങ്ങള്‍ വളരെ കൂടുതലാണ്. ഇത് കഴിക്കുന്നത് നല്ല ആരോഗ്യത്തിന് ആവശ്യമായ ബ്രൗണ്‍ ഫാറ്റ് കൂട്ടാന്‍ സഹായിക്കും. വയറിന്റെ ചുറ്റും അടിഞ്ഞ് കൂടുന്ന കൊഴുപ്പ് കുറയ്ക്കാന്‍ ഇത് സഹായിക്കും.
ഒരു പാനില്‍ ഒരു ഗ്ലാസ് വെള്ളം എടുക്കുക. അതിലേക്ക് ഒരു കറുവപ്പട്ട കഷണമിട്ട ശേഷം തിളപ്പിക്കുക. ഇത് അരിച്ച് എടുത്ത് എന്നും രാവിലെ വെറും വയറ്റില്‍ കുടിക്കാം.
ബാര്‍ലി
പുരാതന കാലം മുതല്‍ ബാര്‍ലി വെള്ളം ഒരു ചികിത്സാ പാനീയമായി ഉപയോഗിക്കുന്നു. പല സാധാരണ രോഗങ്ങള്‍ക്കും ഇത് വളരെ ഫലപ്രദമായ ഒരു വീട്ടുവൈദ്യമാണ്. മന്ദഗതിയിലായ മെറ്റബോളിസത്തെ ഉത്തേജിപ്പിച്ച് കൊഴുപ്പ് കത്തിക്കാന്‍ ബാര്‍ലി വെള്ളത്തിന് കഴിയും. ഇത് നിങ്ങളുടെ വിശപ്പിനെ അടിച്ചമര്‍ത്തുകയും അമിതമായി ഭക്ഷണം കഴിക്കുന്നത് തടയുകയും ചെയ്യുന്നു. ശരീരഭാരം കുറയ്ക്കണമെങ്കില്‍ ഇത് പ്രധാനമാണ്. ഫൈബര്‍ വളരെയധികം അടങ്ങിയിട്ടുണ്ട്. രാത്രി ഭക്ഷണമായി ബാര്‍ലി ഉപയോഗിക്കാന്‍ ശ്രമിക്കുക.
ആപ്പിള്‍
ആപ്പിള്‍ കഴിക്കുന്നതിന്റെ ആരോഗ്യ ഗുണങ്ങള്‍ വളരെ നല്ലതാണ്. പ്രധാന ഭക്ഷണത്തിന് ശേഷം ഇടക്കാല ആശ്വാസമായി ആപ്പിള്‍ കഴിക്കുന്നത് ഗുണം ചെയ്യും. നാല് മണി പലഹാരമായി ഇത് കഴിച്ചാല്‍ മതി. ജങ്ക് ഫുഡിന് പകരം ഒരു ഇടത്തരം ആപ്പിള്‍ കഴിച്ചാല്‍ മതിയാകും. ആപ്പിള്‍ കറുവപ്പട്ട ചായയും ഏറെ ഗുണം നല്‍കും.