വെള്ളം കുടിയ്ക്കുക
ഇതിന് അടിസ്ഥാനമായി വേണ്ടത് വെള്ളം കുടിയ്ക്കുക എന്നതാണ്. പലര്‍ക്കും വേണ്ട വെള്ളത്തിന്റെ അളവ് പലതാണ്. 25 കിലോ ഉള്ളയാള്‍ക്ക് 1 ലിറ്റര്‍ വെള്ളമെന്നതാണ് കണക്ക്. അതായത് 75 കിലോ ഉണ്ടെങ്കില്‍ മൂന്നു ലിറ്റര്‍. ശരീരത്തിന്റെ തൂക്കത്തിന് അനുസരിച്ച് വെള്ളം കുടിയ്ക്കുക എന്നത് പ്രധാനം. എന്നാല്‍ ചുരുങ്ങിയത് 8 ഗ്ലാസ് വെള്ളമെന്ന കണക്ക് പാലിയ്ക്കാന്‍ ശ്രമിയ്ക്കുക. വെള്ളം മാത്രമല്ല, ഇത് അടങ്ങിയ ഭക്ഷണ വസ്തുക്കളും കഴിയ്ക്കാം. കുക്കുമ്പര്‍, തണ്ണിമത്തന്‍ എന്നിവ വെള്ളമടങ്ങിയവയാണ്.
ഭക്ഷണം
ഇതു പോലെ ഭക്ഷണം പ്രധാനം. നാരുകള്‍ ഉള്ള ഭക്ഷണം കഴിയ്ക്കുക. പച്ചക്കറികളും പഴങ്ങളും ധാരാളം കഴിയ്ക്കുക. ഇതു പോലെ തവിടു കളയാത്ത ഭക്ഷണം, നട്‌സ്, ഇലകള്‍, കൂണ്‍, ഓട്‌സ്, പള്‍സസ് എന്നിവ ഭക്ഷണത്തില്‍ ഉള്‍പ്പെടുത്താം. ഇതു പോലെ വ്യായാമം ചെയ്യുക. ഇത് കുടലിന്റെ ചലനത്തെ സഹായിക്കുന്നു. ഇതാണ് വ്യായാമം ഗുണകരം എന്നു പറയുന്നത്. നടക്കുന്നതും വയറിന് ആയാസമുണ്ടാക്കുന്ന രീതിയിലെ വ്യായാമവും യോഗയുമെല്ലാം ഗുണം നല്‍കും.
പഴം
ഇതുപോലെ പഴം കഴിയ്ക്കാം. മലബന്ധത്തിന് പരിഹാരമാകുന്നത് വല്ലാതെ പഴുക്കുന്ന പഴത്തേക്കാള്‍ പഴുത്തു തുടങ്ങുന്ന പഴം കഴിയ്ക്കുന്നതാണ് നല്ലത്. കാരണം ഇതില്‍ നാരുകളുടെ അളവ് കൂടുതലാണ്. ഇതു പോലെ തന്നെ ബീറ്റ്‌റൂട്ട്, ക്യാരറ്റ് ജ്യൂസ് ഏറെ നല്ലതാണ്. ജ്യൂസ് രൂപത്തില്‍ അല്ലെങ്കില്‍ ഇത് രണ്ടും ചേര്‍ത്ത് കഴിയ്ക്കാം. ഇതു പോലെ ആപ്പിള്‍ ഏറെ നല്ലതാണ്. ഇതില്‍ ധാരാളം ഫൈബറുണ്ട്. നാരങ്ങാവെള്ളം, ഇളം ചൂടുളളത് കുടിച്ചാല്‍ ഏറെ നല്ലതാണ്. ഇത് രാവിലെ കുടിയ്ക്കാം. ഇതു പോലെ പ്രൂണ്‍സ്, പ്ലം എന്നിവ എല്ലാം കഴിച്ച് കിടക്കാം.
മലബന്ധം
സ്‌ട്രെസ് മലബന്ധമുണ്ടാക്കാം. ഇതു കൊണ്ട് തന്നെ ഈ അവസ്ഥയില്‍ ഹോര്‍മോണ്‍ പ്രശ്‌നങ്ങള്‍ മലബന്ധത്തിന് കാരണമാകും. ഇത്രയൊക്കെ ചെയ്തിട്ടും വിട്ടുമാറാത്ത മലബന്ധമെങ്കില്‍ ഇതിന്റെ കാരണം കണ്ടെത്തണം. കാരണം ക്യാന്‍സര്‍ പോലുള്ള ചില രോഗങ്ങള്‍ക്കും മലബന്ധം ലക്ഷണമായി വരാം. മലബന്ധ പ്രശ്‌നങ്ങള്‍ക്ക് മരുന്നുകള്‍ പോലുള്ളവയെ കഴിവതും ആശ്രയിക്കരുത്. ഇത് ശീലമായി മാറും. പിന്നീട് ഇതില്ലാതെ ശോധനയുണ്ടാകില്ലെന്ന അവസ്ഥ വരും. ഇതിന് പരിഹാരമായി സ്വാഭാവിക വഴികള്‍ കണ്ടെത്തുക. വൈറ്റമിന്‍ ഡി കുറവ് ഗര്‍ഭത്തെ ബാധിയ്ക്കുന്നത്......
