![eat dates every day in an empty stomach for 1 month eat dates every day in an empty stomach for 1 month](https://malayalam.samayam.com/thumb/82544103/eat-dates-every-day-in-an-empty-stomach-for-1-month-82544103.jpg?imgsize=60592&width=380&height=214&resizemode=75)
തടി
ന്യൂട്രീഷനിസ്റ്റുകളുടെ അഭിപ്രായത്തിൽ ദിവസവും ഒരു വ്യക്തി 4-6 ഈന്തപ്പഴങ്ങൾ വീതം കഴിച്ചാൽ അത് ശരീരഭാരം കുറയ്ക്കാൻ ഏറ്റവും സഹായകമായി മാറുമെന്ന് ശുപാർശ ചെയ്യപ്പെടുന്നു. രാത്രി കിടക്കുന്നതിനു മുൻപ് കുറച്ച് ഈന്തപ്പഴങ്ങൾ വെള്ളത്തിൽ കുതിർത്തു വച്ച ശേഷം രാവിലെ എഴുന്നേറ്റയുടനെ കഴിക്കുകയാണെങ്കിൽ നിങ്ങളുടെ ദഹനവ്യവസ്ഥ മെച്ചപ്പെടുമെന്ന കാര്യമറിയാമോ? നിങ്ങളുടെ ദിവസത്തിൽ ഉടനീളം ദഹനസംബന്ധമായ പ്രശ്നങ്ങൾ അലട്ടാതിരിക്കാൻ ഇത് സഹായിക്കും. തടി കുറയ്ക്കാനും ഇതേറെ നല്ലതാണ്.
ഈന്തപ്പഴങ്ങളിൽ ഉയർന്ന അളവിൽ ഫൈബർ അടങ്ങിയിട്ടുണ്ട്. ദഹനത്തെ മെച്ചപ്പെടുത്താനും മലബന്ധത്തിന്റെ പ്രശ്നങ്ങളെ പരിഹരിക്കാനും ഇവ സഹായിക്കുന്നു. കഴിച്ച ഭക്ഷണം എന്തായാലും കഴിച്ചു കഴിഞ്ഞ ശേഷം രണ്ട് ഈന്തപ്പഴം വായിലിട്ടു ചവയ്ക്കുന്നത് ദഹനത്തെ ഉത്തേജിപ്പിക്കും.ദഹനത്തെ മെച്ചപ്പെടുത്തികൊണ്ട് ഇത് മെറ്റബോളിസം പ്രവർത്തനങ്ങളെ വേഗത്തിലാക്കുന്നു.
അലര്ജി
അലര്ജി പ്രശ്നങ്ങള്ക്കുള്ള നല്ലൊരു പരിഹാരമാണ് ഇത്. ആസ്തമ പോലുള്ള പ്രശ്നങ്ങള്ക്കുള്ള നല്ലൊരു പരിഹാരമാണിത്. ശരീരത്തിനു പ്രതിരോധ ശേഷി നല്കുന്നതിനും കോള്ഡ് പോലുള്ള പ്രശ്നങ്ങള്ക്കും ഈന്തപ്പഴം നല്ലൊരു പരിഹാരമാണ്. കോള്ഡ്, അലര്ജി പ്രശ്നങ്ങള് ഉള്ളവര് ഇതുണ്ടെങ്കില് ദിവസവും ഈന്തപ്പഴം കഴിയ്ക്കുന്നത് ഇത്തരം രോഗാവസ്ഥകള് തടഞ്ഞു നിര്ത്താനുള്ള രോഗപ്രതിരോധ ശേഷി നല്കും. ഏതു കടുത്ത ഗ്യാസ് പ്രശ്നവും മാറ്റും അയമോദകം കഷായം...
എല്ലുകളുടെ ആരോഗ്യത്തിന്
ഈന്തപ്പഴത്തിൽ അടങ്ങിയിട്ടുള്ള പോഷകങ്ങളെല്ലാം എല്ലുകളെ ആരോഗ്യത്തോടെ നിലനിർത്താൻ സഹായിക്കുന്നതാണ്. കോപ്പര്, മഗ്നീഷ്യം, സെലേനിയം, മാംഗനീസ് എന്നിവ എല്ലുകളുടെ ആരോഗ്യത്തിന് ഉത്തമമാണ് .കാല്സ്യം സമ്പുഷ്ടമാണ് ഇത്. എല്ലിന്റെയും പല്ലിന്റെയും ബലത്തിന് ഏറെ നല്ലതാണ്. ദിവസവും ഇതു കഴിയ്ക്കുന്നത് എല്ലുകള്ക്കും പല്ലുകള്ക്കും ബലം നല്കും.കൂടാതെ ഓസ്റ്റിയോപൊറോസിസ് പോലുള്ള അസ്ഥി സംബന്ധമായ രോഗങ്ങളെ ചെറുത്തു നിർത്താനും ഇവ കഴിക്കുന്നത് മികച്ച രീതിയിൽ ഫലം ചെയ്യുമെന്ന് പഠനങ്ങൾ തെളിയിക്കുന്നു.
കൊളസ്ട്രോൾ
ഈന്തപ്പഴങ്ങൾ കൊളസ്ട്രോൾ വിമുക്തമാണ്. ചെറിയ അളവിൽ ആണെങ്കിൽ പോലും പതിവായി നിങ്ങളുടെ ദൈനംദിന ഭക്ഷണക്രമത്തിൽ അവ ഉൾപ്പെടുത്തുന്നത് വഴി കൊളസ്ട്രോളിന്റെ അളവ് നിയന്ത്രിതമാക്കി വയ്ക്കാനും അതുവഴി ശരീരഭാരം കുറയ്ക്കാനും സാധിക്കും. രക്തസമ്മര്ദമുള്ളവര് ഇതു കഴിയ്ക്കുന്നതു ബിപി നിയന്ത്രിച്ചു നിര്ത്താന് ഏറെ നല്ലതാണ്. ഇതു വഴി തലച്ചോറിനെ കാത്തു സംരക്ഷിയ്ക്കുന്നതിലും ഇതു പ്രധാന പങ്കു വഹിയ്ക്കുന്നു.
രക്തത്തിലെ പഞ്ചസാര
ഈന്തപ്പഴത്തിന്റേത് സ്വാഭാവിക മധുരമാണ്. ഇതിനാല് തന്നെ പ്രമേഹ രോഗികള്ക്കും ഇതു മിതമായി കഴിയ്ക്കാം എന്നു പറയാം. ഈന്തപ്പഴങ്ങളിൽ അടങ്ങിരിക്കുന്ന നാരുകൾ രക്തത്തിലെ പഞ്ചസാരയുടെ നിയന്ത്രണത്തിന് ഏറ്റവും മികച്ചതാണെന്ന കാര്യമറിയാമോ. കഴിച്ചതിനുശേഷം രക്തത്തിലെ പഞ്ചസാരയുടെ അളവ് വളരെയധികം വർദ്ധിക്കുന്നത് തടയാൻ ഇത് സഹായിക്കുന്നു. പ്രമേഹ രോഗികളാവർ തങ്ങളുടെ ഗ്ലൈസെമിക് ലെവൽ നിയന്ത്രിക്കാനായി ഈന്തപ്പഴം തൈരിനൊപ്പം ചേർത്ത് കഴിക്കുന്നത് പ്രയോജനകരമാണെന്ന് വിദഗ്ധർ അഭിപ്രായപ്പെടുന്നു.
ചര്മാരോഗ്യത്തിന്
ചര്മാരോഗ്യത്തിന് ആരോഗ്യകരമാണ് ഈന്തപ്പഴം. ചര്മത്തില് ചുളിവുകള് വീഴാതെ ചര്മ കോശങ്ങള്ക്ക് ആവശ്യമായ പോഷകങ്ങള് നല്കുന്നു ഈന്തപ്പഴം. ഇതിലെ വൈറ്റമിന് സി, ഡി എന്നിവ ചര്മത്തിന് ഇലാസ്റ്റിസിറ്റി നല്കാന് ഏറെ നല്ലതാണ്. ഈന്തപ്പഴത്തിലെ ഫൈറ്റോ ഹോര്മോണുകള് മുഖത്ത് ചുളിവുകള് വീഴുന്നതു തടയുന്നു. ചര്മത്തിനു പ്രായക്കുറവു തോന്നിപ്പിയ്ക്കുന്നു. ചര്മത്തില് മെലാനില് അടിഞ്ഞു കൂടാതെ സൂക്ഷിയ്ക്കുന്നതിനാല് ഇത് ചര്മ നിറം വര്ദ്ധിപ്പിയ്ക്കാനും സഹായിക്കുന്നു. ചര്മത്തിന് ചുളിവുകള് നീക്കാന് ഏറെ നല്ലതാണ് ഈന്തപ്പഴം. ചര്മത്തിന് ചെറുപ്പം നല്കാന് ഏറെ ഗുണകരമാണ് ഇത്.ചർമത്തിലെ മെലാനിൻ ഉൽപ്പാദനത്തെ നിയന്ത്രിച്ചു നിർത്താനും ആന്റി-ഏജിംഗ് ഗുണങ്ങൾ നൽകാനുമെല്ലാം ഈന്തപ്പഴം നിങ്ങളെ സഹായിക്കും.