പുറത്തു പറയാൻ മടി; സ്വകാര്യഭാഗത്തെ അണുബാധ ഒരു പ്രശ്നം തന്നെയാണ്
അസഹനീയമായ ചൊറിച്ചിൽ, പ്രകോപനങ്ങൾ, വീക്കം, യോനിഭാഗത്ത് പെട്ടെന്നുണ്ടാവുന്ന ചുവപ്പ് നിറം, ദുർഗന്ധം എന്നിവയെല്ലാം ഈ അണുബാധ ഉണ്ടാക്കുന്ന അസ്വസ്ഥതകളാണ്.
Lipi 28 May 2020, 1:20 pm
സ്വകാര്യ ഭാഗത്തുണ്ടാകുന്ന അണുബാധകൾ എല്ലാവരെയും അസ്വസ്ഥരാക്കുന്ന ഒരു കാര്യമാണ്. പ്രധാനമായും സ്ത്രീകളിലാണ് ഇത് കൂടുതലായി കണ്ടുവരുന്നതെങ്കിലും ലൈംഗികബന്ധത്തിലൂടെ പുരുഷന്മാരിലേക്കും ഈ ഫംഗസ് പകരാനുള്ള സാധ്യതയുണ്ട്. യീസ്റ്റ് വാഗിനൈറ്റിസ്, കാൻഡിഡൽ വാഗിനൈറ്റിസ് അല്ലെങ്കിൽ കാൻഡിഡൽ വൾവോവാജിനിറ്റിസ് എന്നെല്ലാം വിളിക്കുന്ന കാൻഡിഡ ഫംഗസിന്റെ സ്വകാര്യ ഭാഗങ്ങളിലെ അമിത വളർച്ച മൂലമാണ് സാധാരണയായി ഇത് ഉണ്ടാകുന്നത്.
വലിയ രീതിയിൽ അപകടസാധ്യതകൾ വരുത്തിവയ്ക്കുന്ന ഒന്നല്ലെങ്കിൽ പോലും ഇത് തികച്ചും അശുഭകരമായ ഒരു രോഗാവസ്ഥയാണ്. മിക്ക ആളുകളിലും ഇത് വേദനയും അസ്വസ്ഥതയും ഉണ്ടാക്കുക മാത്രമല്ല, ഒരു വ്യക്തിയുടെ ദൈനംദിന ജോലികളെ ബുദ്ധിമുട്ടിലാക്കി തീർക്കുകയും ചെയ്യുന്നു. അസഹനീയമായ ചൊറിച്ചിൽ, പ്രകോപനങ്ങൾ, വീക്കം, യോനിഭാഗത്ത് പെട്ടെന്നുണ്ടാവുന്ന ചുവപ്പ് നിറം, ദുർഗന്ധം എന്നിവയെല്ലാം ഈ അണുബാധ ഉണ്ടാക്കുന്ന അസ്വസ്ഥതകളാണ്.
RELATED: ഗർഭം ആഘോഷിക്കുന്ന നാം ആർത്തവം മറച്ച് വെയ്ക്കുന്നത് എന്തിന്?
എന്തെല്ലാം കാരണങ്ങൾ കൊണ്ടാണ് യോനീഭാഗത്ത് അണുബാധ ഉണ്ടാവുന്നത്?
> അലർജി
> മറ്റ് അണുബാധകൾ
> സ്ത്രീ ഹോർമോണായ ഈസ്ട്രജന്റെ കുറവ്
> സുഗന്ധമുള്ള സോപ്പ്, യോനി സ്പ്രേകൾ, വാഷുകൾ തുടങ്ങിയ ഉത്പന്നങ്ങളുടെ അമിത ഉപയോഗം
> ലൈംഗിക ബന്ധത്തിലൂടെ
ആയുർവേദ ശാസ്ത്രങ്ങൾ പ്രകാരം ഈ അണുബാധ യോനിയെ ബാധിക്കുന്ന രണ്ട് വ്യത്യസ്ത അവസ്ഥകളായ യോനി ദഹാൻ, യോനി കന്ദു (yoni dahan and yoni kandu) എന്നിവയുടെ സംയോജനമായി കണക്കാക്കിയിരിക്കുന്നു. സ്ത്രീകളിൽ ഇത് ഉണ്ടാവുന്നതിൻ്റെ പ്രധാനകാരണം കഫ ദോഷങ്ങളുടെ അസന്തുലിതാവസ്ഥകൾ മൂലമാണ് എന്നും പറയപ്പെടുന്നുണ്ട്. ഈ അസന്തുലിതാവസ്ഥകൾ ഉണ്ടാവുന്നതിന് അനുചിതമായ ഭക്ഷണക്രമവും ദഹനക്കുറവും ഒക്കെ ഒരു കാരണമാണ്. ഇതിന് പ്രതിവിധിയായി ആയുർവേദത്തിലെ ഔഷധ പരിഹാരങ്ങളെ ആശ്രയിച്ചുകൊണ്ട് ശരീരത്തിലെ കഫ ദോഷങ്ങളെ സന്തുലിതമാക്കാനാകും.
യോനിയിലെ അണുബാധയ്ക്ക് പരിഹാരം
ആരോഗ്യകരമായ ഭക്ഷണ പദ്ധതി ആവിഷ്കരിക്കുക, ശരിയായ വ്യക്തി ശുചിത്വം പാലിക്കുക, ദഹനം മെച്ചപ്പെടുത്തുക എന്നിവയെല്ലാം ഈ ഘട്ടത്തിൽ ആവശ്യമായ കാര്യങ്ങളാണ്. ആയുർവേദ മരുന്നുകളായ ഗാന്ധക രസായനം, വേപ്പ് പൊടി, പ്രദ്രാന്തക് ചൂർണ്ണം, നിർഗുണ്ടി ഓയിൽ തുടങ്ങിയ ഔഷധങ്ങൾ ഉപയോഗിച്ചുകൊണ്ട് ഈ അണുബാധയിൽ നിന്ന് മോചനം നേടാൻ നമുക്ക് സാധിക്കും.
എന്നാൽ ഇതുപോലെതന്നെ നമ്മുടെ വീട്ടിൽ ലഭ്യമായ പോഷക ഗുണങ്ങൾ അടങ്ങിയിരിക്കുന്ന ചില ചേരുവകളും അണുബാധയ്ക്ക് എതിരെ പോരാടാൻ അസ്വസ്ഥതകളെ ശമിപ്പിക്കാനും സഹായകമാണ്. സ്വകാര്യ ഭാഗങ്ങളിൽ ഉണ്ടാകുന്ന ഇത്തരം അണുബാധകൾ നിങ്ങളെയും ബുദ്ധിമുട്ടിക്കുന്നുണ്ടെങ്കിൽ, വീട്ടിൽ തന്നെ എളുപ്പത്തിൽ ലഭ്യമായ ഈ വീട്ടുവൈദ്യങ്ങളിൽ ചിലത് പരീക്ഷിക്കുക:
തൈര്
പ്രകൃതിദത്തമായ പ്രോബയോട്ടിക് ഗുണങ്ങൾ അടങ്ങിയിട്ടുള്ളതിനാൽ തൈരിലെ നല്ല ബാക്ടീരിയകൾ ശരീരത്തിൻ്റെ പ്രതിരോധശേഷി വർദ്ധിപ്പിക്കുകയും PH ബാലൻസ് നിലനിർത്തുകയും ചെയ്യുന്നു. ഇത് യോനി പ്രദേശത്തെ ബാക്ടീരിയ അല്ലെങ്കിൽ യീസ്റ്റിന്റെ വളർച്ച തടയുകയും ചെയ്യുന്നു. ശരീരത്തിന് പ്രകൃതിദത്ത ഗുണങ്ങൾ നൽകുന്നതിനുള്ള സ്വാഭാവികസ്ഥിതി പുന:സ്ഥാപിക്കുകയും ചെയ്യുന്നു. വീട്ടിൽ തന്നെ തയ്യാറാക്കിയ തൈര് നേരിട്ട് ബാധിത പ്രദേശങ്ങളിൽ പുരട്ടുക. അല്ലെങ്കിൽ തൈരിലേക്ക് ഒരു ടാംപോൺ മുക്കിയെടുത്ത് 20-30 മിനിറ്റ് നേരം ഇത് ധരിക്കുക. തുടർന്ന് തണുത്ത വെള്ളത്തിൽ കഴുകുക. മികച്ച ഫലങ്ങൾക്കായി ദിവസത്തിൽ രണ്ടു തവണയെങ്കിലും ഇത് ചെയ്യുക.
RELATED: ഓരോ സ്ത്രീയും അറിയണം ആർത്തവകാലത്തെ ഇത്തരം ശുചിത്വകാര്യങ്ങൾ
ടീ ട്രീ ഓയിലും തേനും
ആൻറി ഫംഗസ്, ആൻറി ബാക്ടീരിയൽ, ആൻറി വൈറൽ ഗുണങ്ങളാൽ സമ്പന്നമായതാണ് ടീ ട്രീ ഇലകൾ. ഇതിൽ നിന്നും ലഭിക്കുന്ന എണ്ണയ്ക്ക് ചർമ്മത്തെ പരിപോഷിപ്പിക്കാനുള്ള സ്വാഭാവിക ഗുണങ്ങളുണ്ട്. താപനില അധികമുള്ള ചർമ്മത്തിന് ഈർപ്പം നൽകാൻ തേനിലെ ഗുണങ്ങൾ സഹായിക്കും. ഇങ്ങനെയൊക്കെയാണെങ്കിലും തന്നെയും ടീ ട്രീ ഓയിൽ നിങ്ങൾ ഉപയോഗിക്കുകയാണെങ്കിൽ അത് ചെറുചൂടുള്ള വെള്ളത്തിൽ ലയിപ്പിച്ച ശേഷമാകണം എന്ന കാര്യം ശ്രദ്ധിക്കേണ്ടതാണ്. ഇളം ചൂടുള്ള വെള്ളത്തിൽ 2-3 തുള്ളി ടീ ട്രീ ഓയിൽ ചേർക്കുക, അതിലേക്ക് ഒരു സ്പൂൺ തേൻ കൂടി ചേർത്ത് ഒരു പഞ്ഞി ഉപയോഗിച്ച് രോഗബാധിത ഭാഗത്ത് പുരട്ടുക.
കറ്റാർ വാഴ ജെൽ
കറ്റാർ വാഴ ഇലകളിൽ നിന്ന് പുറത്തെടുത്ത നേർത്ത ജെല്ലിന് അവിശ്വസനീയമായതും ശാന്തമാകുന്നതുമായ മോയ്സ്ചറൈസിംഗ് ഗുണങ്ങളുണ്ട്. ഇത് ആന്റി-മൈക്രോബയൽ ഗുണങ്ങൾക്ക് പേരുകേട്ട ഒന്നാണ്. ചർമത്തിൽ അണുബാധയുണ്ടാക്കുന്ന ബാക്ടീരിയകളുടെയും ഫംഗസുകളുടെയുമെല്ലാം വളർച്ചയെ പ്രതിരോധിക്കാൻ ഇതിന് കഴിവുണ്ട്. ചർമത്തിലെ വീക്കവും സംവേദനങ്ങളും ലഘൂകരിക്കാനും തണുത്ത ഗുണങ്ങൾ നൽകാനുമെല്ലാം പുതുതായി വേർതിരിച്ചെടുത്ത കറ്റാർ വാഴ ജെല്ലിന് സാധിക്കും. ഒരു കറ്റാർ വാഴ ഇലയിൽ നിന്ന് ജെല്ല് വേർതിരിച്ചെടുത്ത് നേരിട്ട് ബാധിത പ്രദേശങ്ങളിൽ പുരട്ടുക.
ആപ്പിൾ സിഡെർ വിനെഗർ
ശരീരത്തെ ആന്തരികമായും ബാഹ്യമായും ചികിത്സിക്കാൻ ഉപയോഗപ്രദമായ ആൻറി ബാക്ടീരിയൽ, ആന്റി ഫംഗൽ ഗുണങ്ങൾ ആപ്പിൾ സിഡെർ വിനെഗറിൽ കുടികൊള്ളുന്നു. ഇതിലെ ബയോ ആക്റ്റീവ് ചേരുവകൾ വിഷവസ്തുക്കളോട് പൊരുതുകയും അണുബാധയ്ക്ക് കാരണമാകുന്ന ഫംഗസ്, ബാക്ടീരിയ എന്നിവയിൽ നിന്ന് സംരക്ഷണം നൽകുകയും ചെയ്യുന്നു. നിങ്ങളുടെ യോനിഭാഗത്തെ വാജിനൽ ഫ്ലോറ സന്തുലിതാവസ്ഥയിലാക്കി മാറ്റാനും ഇത് സഹായിക്കുന്നു. ഒന്നുകിൽ നിങ്ങൾക്ക് ഒരു ഗ്ലാസ് ഇളം ചൂടുവെള്ളത്തിൽ ഒരു സ്പൂൺ ആപ്പിൾ സിഡെർ വിനെഗർ മിക്സ് ചെയ്തു കുടിക്കാവുന്നതാണ്. അല്ലെങ്കിൽ അര കപ്പ് ആപ്പിൾ സിഡെർ വിനെഗർ ഒരു ബക്കറ്റ് ഇളം ചൂടുള്ള വെള്ളത്തിലേക്ക് ചേർത്ത ശേഷം യോനിഭാഗങ്ങൾ പതിവായി കഴുകുന്നത് ശീലമാക്കാം.
Also read: സ്തനങ്ങളിലെ വേദന: ഈ കാരണങ്ങൾ അറിഞ്ഞിരിക്കുക
വെളിച്ചെണ്ണ
ആന്റി ഫംഗസ്, ആൻറി ബാക്ടീരിയൽ, ആന്റി വൈറൽ തുടങ്ങിയ ഗുണങ്ങളാൽ സമ്പന്നമായ വെളിച്ചെണ്ണയ്ക്ക് സുഖപ്പെടുത്തൽ ഗുണങ്ങളുണ്ട്. സ്വകാര്യ ഭാഗങ്ങളിൽ ഉണ്ടാവുന്ന യീസ്റ്റ് അണുബാധകളെ ചെറുക്കാൻ ഈ ഫാറ്റി ഓയിൽ സഹായിക്കും. ആരോഗ്യകരമായ പോഷകങ്ങൾ ലോഡ് ചെയ്ത വെളിച്ചെണ്ണ യോനിയിലെ ഫംഗസ് അല്ലെങ്കിൽ ബാക്ടീരിയകളുടെ വളർച്ചയെ തടസ്സപ്പെടുത്തുതോടൊപ്പം വരണ്ട ചർമ്മത്തിൻ്റെ പ്രകോപനങ്ങളെ കുറയ്ക്കുകയും ചെയ്യുന്നു. രോഗബാധിത പ്രദേശത്ത് ശുദ്ധമായ വെളിച്ചെണ്ണ പുരട്ടി മസാജ് ചെയ്ത് 30 മിനിറ്റ് കാത്തിരിക്കാം. അതിനു ശേഷം തണുത്ത വെള്ളത്തിൽ കഴുകുക. കാൻഡിഡ് ഫംഗസ് ഒഴിവാക്കാൻ ദിവസത്തിൽ രണ്ടുതവണ വീതമെങ്കിലും ഇത് ചെയ്യുന്നത് പതിവാക്കുക.