പുരുഷന്മാരിലെ തൈറോയ്ഡ് രോഗം
ഇന്ന് ഇന്ത്യയില് മിക്കവരിലും കണ്ടുവരുന്ന ഒരു രോഗമാണ് തൈറോയ്ഡ്. പലര്ക്കും ഈ രോഗത്തിനെക്കുറിച്ച് ശരിയായ ധാരണയില്ല എന്നതാണ് സത്യാവസ്ഥ. പുരുഷന്മാരില് പ്രധാനമായും ഹൈപ്പോതൈറോയ്ഡിസം, ഹഷിമോട്ടോസ് തൈറോയ്ഡിറ്റീസ് എന്നറിയപ്പെടുന്ന ഓട്ടോഇമ്മ്യൂണ് തൈറോയ്ഡിസം എന്നിവയാണ്. ഈ ഓട്ടോഇമ്മ്യൂണ് തൈറോയ്ഡിസം ഗ്രേവ്സ് ഡിസീസ് എന്നും തൈറോയ്ഡ് കാന്സര് എന്നും അറിയപ്പെടുന്നുണ്ട്.
പുരുഷന്മാരില് ഉണ്ടാകുന്ന ശരീരഭാരത്തിലുണ്ടാകുന്ന വ്യതിയാനങ്ങള്, മുടി കൊഴിച്ചില്, മാനസികപിരിമുറുക്കം, ഉറക്കമില്ലായ്മ എന്നിവയെല്ലാം തൈറോയ്ഡ് രോഗത്തിന്റെ ലക്ഷണങ്ങളാണ്. കൂടാതെ, സ്ത്രീകളിലെന്നപോലെ തന്നെ പുരുഷന്മാരുടെ പ്രത്യുല്പാദന ശേഷിയേയും ഈ രോഗം കാര്യമായി ബാധിക്കുന്നുണ്ട്. ഈ അടുത്ത് മാത്രമാണ് തൈറോയ്ഡും അതിന്റെ പരിശോധനയും എത്രത്തോളം പ്രാധാന്യം അര്ഹിക്കുന്നുണ്ട് എന്ന് പലരും തിരിച്ചറിഞ്ഞത്.
ഹൈപ്പര്തൈറോയ്ഡിസം വന്നാല്
പുരുഷന്മാരില് ഹൈപ്പര് തൈറോയ്ഡിസം ഉള്ളവര് കൃത്യമായ പരിശോധനയും ചികിത്സയും തേടിയില്ലെങ്കില് അത് പ്രത്യുല്പാദനശേഷിയെ ബാധിക്കുന്നു. ഇത് പുരുഷന്മാരില് കാണപ്പെടുന്ന ലെഡിഗ്, സെര്ട്ടോളി എന്നീ കോശങ്ങളേയും അതുപോലെ ജെം സെല്സിനേയും തൈറോയ്ഡ് ഹോര്മോണുകള് ബാധിക്കുന്നുണ്ട്. കൂടാതെ, പുരുഷന്മാരിലെ പ്രത്യുല്പാദന ശേഷിയെ ആധാരമായിട്ടുള്ള ഹോര്മോണുകളാണ് ടെസ്റ്റോസ്റ്റെറോണ്, ലൂട്ടെനൈസിംഗ് ഹോര്മോണ്(LH), ഫോളികിള് സ്റ്റിമുലേറ്റിംഗ് ഹോര്മോണ്(FSH).
ഇവയുടെ പ്രവര്ത്തനം കുറയ്ക്കാനും തൈറോയ്ഡ് ഹോര്മോണുകള് കാരണമാകുന്നുണ്ട്. ചില പഠനങ്ങള് പ്രകാരം പുരുഷന്മാരില് തൈറോയ്ഡ് ഹോര്മോണുകള് കുറഞ്ഞാല് അത് ലൈംഗിക തൃഷ്ണയെ പോലും ബാധിക്കുന്നുണ്ട്. ഇത് ബീജത്തിന്റെ ഗുണനിലവാരം കുറയ്ക്കുന്നതിലേയ്ക്കും ബീജത്തിന്റെ എണ്ണം കുറയ്ക്കുന്നതിലേയ്ക്കും നയിക്കുന്നു.
തൈറോയ്ഡ് കൂടിയാലും പ്രശ്നമോ?
തൈറോയ്ഡ് ഹോര്മോണ് കുറഞ്ഞാല് മാത്രമല്ല, കൂടിയാലും പ്രശ്നം തന്നെയാണ്. തൈറോടോക്സികോസീസ് ഉള്ള വ്യക്തികളില് ആസ്തെനോസൂസ്പെര്മിയ എന്ന അവസ്ഥയിലേയ്ക്ക് എത്തുന്നു. അഥായത്, ബീജത്തിന് ചലിക്കാന് പറ്റാത്ത അവസ്ഥയെയാണ് ആസ്തെനോസൂസ്പെര്മിയ എന്ന് പറയുന്നത്.
കൂടാതെ, 40% ആളുകളില് ഒലിഗോ- തെറാറ്റോസൂസ്പെര്മിയ( ബീജത്തിന്റെ കൗണ്ട് കുറയുന്ന അവസ്ഥ)യും കണ്ടുവരുന്നു. തൈറോയ്ഡ് പ്രശ്നം മൂലം പ്രത്യുല്പാദന ശേഷിയില് ഒരിക്കല് പ്രശ്നം നേരിട്ട വ്യക്തിക്ക് എല്ലാം പൂര്വ്വ സ്ഥിതിയില് ലഭിക്കണമെങ്കില് തൈറോയ്ഡ് ഹോര്മോണുകളുടെ പ്രവര്ത്തനവും നോര്മല് ആക്കേണ്ടത് അനിവാര്യമാണ്.
ചികിത്സാരീതികള് എന്തെല്ലാം?
ഹൈപ്പോതൈറോയ്ഡിസം നോര്മല് സ്റ്റേജിലേയ്ക്ക് എത്തിക്കാന് ഇന്ന് ഹോര്മോണ് റിപ്ലേയ്സ്മെന്റ് മെഡിക്കേഷനും ലഭ്യമാണ്. ഇത് എടുത്താല് പുരുഷന്മാരില് കാണപ്പെടുന്ന ടെസ്റ്റോസ്റ്റെറോണും പുരുഷന്മാരിലെ ഹൈപ്പോതൈറോയ്ഡിസവും നോര്മല് സ്ഥിതിയിലേയ്ക്ക് എത്തുന്നു. ഇത് കൂടാതെ, ആന്റിതൈറോയ്ഡ് ഡ്രഗ്സ്, റേഡിയോ ആക്ടീവ് അയഡിന്, സര്ജറി എന്നിവയിലൂടെയും ഹൈപ്പോതൈറോയ്ഡിസം നിയന്ത്രിക്കാന് സാധിക്കുന്നതാണ്.
ഹൈപ്പോതൈറോയ്ഡിസം നിയന്ത്രിക്കുന്നതിനായി പ്രകൃതിദത്ത മാര്ഗ്ഗങ്ങളും സ്വീകരിക്കാവുന്നതാണ്. അതില് പ്രധാനപ്പെട്ടതാണ് ഡയറ്റ്. പിന്നെ അയഡില് കൃത്യമായി എത്താന് ശ്രദ്ധിക്കുക. അയഡിനും വിറ്റമിന്സും എടുക്കുമ്പോള് അമിതമാകാതിരിക്കാന് ശ്രദ്ധിക്കേണ്ടത് അനിവാര്യമാണ്. ഇവ എടുക്കുന്നതിന് മുന്പ് ഡോക്ടറുടെ അഭിപ്രായം തേടുന്നതും നല്ലതുതന്നെ.