വെര്‍ട്ടിഗോ: കുനിയുമ്പോഴുണ്ടാകുന്ന തലചുറ്റലിന് ഇതു ചെയ്തു നോക്കൂ

ചെവിയുടെ ബാലന്‍സ് ഭാഗത്തായി കാല്‍സ്യം കല്ലുകള്‍ പിടിച്ചിരിയ്ക്കുന്നു. എന്നാല്‍ നാം പെട്ടെന്ന് കുനിയുകയോ മറ്റോ ചെയ്യുമ്പോള്‍ ഇവ ബാലന്‍സ് ചെയ്യുന്ന സഞ്ചികളിലേയ്ക്ക് കയറിപ്പോകും. തല ആ പൊസിഷനില്‍ നീക്കുമ്പോള്‍ ഈ കല്ലുകള്‍ തട്ടി ഭിത്തിയില്‍ തട്ടി തല കറക്കമുണ്ടാകുന്നു. പൊസിഷണല്‍ വെര്‍ട്ടിഗോ എന്നാണ് ഇത് അറിയപ്പെടുന്നത്. അതായത് ആ പ്രത്യേക പൊസിഷനില്‍ വരുമ്പോഴുണ്ടാകുന്ന തല കറക്കം. ഇത് ബെഡില്‍ കിടത്തിയുള്ള രീതിയില്‍ തന്നെ ഡോക്ടര്‍ക്ക് മനസിലാക്കാന്‍ സാധിയ്ക്കും.

പൊസിഷണല്‍ വെര്‍ട്ടിഗോയ്ക്ക് പ്രത്യേക വ്യായാമമുണ്ട്. ഏത് സഞ്ചിയിലാണ് ഈ കല്ലുകള്‍ എന്നു മനസിലാക്കി ആ പ്രത്യേക ഭാഗത്തിനുള്ള വ്യായാമം കൊണ്ടു തന്നെ ഇതു ചികിത്സിച്ചു മാറ്റാം. ഇതിന് വീട്ടില്‍ തന്നെ നമുക്കു ചെയ്യാം. ഇത് പൊസിഷനല്‍ വെര്‍ട്ടിഗോയ്ക്കു മാത്രമുള്ളതാണെന്നത് പ്രധാനം. ഇത് ഈ കാരണം കൊണ്ടുണ്ടാകുന്നതെന്ന് ഉറപ്പു വരുത്തി ഈ പ്രശ്‌നത്തിന് ചെയ്യാവുന്ന വ്യായാമമാണിത്. തല ചുറ്റല്‍ പല കാരണങ്ങള്‍ കൊണ്ടുണ്ടാകാം. എന്നാല്‍ പൊസിഷണല്‍ വെര്‍ട്ടിഗോ എന്ന കാരണത്താല്‍ ഉണ്ടാകുന്നതിന് മാത്രമുള്ള പരിഹാരമാണിതെന്നും ഓര്‍ക്കുക.

ഇതിനായി കട്ടിലിന്റെ വശത്ത് കാലു താഴേയ്ക്കാക്കി ഇട്ടിരിയ്ക്കുക. ഇരു വശത്തും കിടക്കാന്‍ പാകത്തിന് തലയിണ വയ്ക്കുക. തല ഡിഗ്രി തിരിച്ച് ആ വശത്തെ തലയിണയിലേക്ക് തല വച്ചു കിടക്കണം. കിടക്കുന്നത് വശം തിരിഞ്ഞാകും. എന്നാല്‍ മുഖം മുകളിലോട്ട് വയ്ക്കണം. കാലുകള്‍ മുകളിലേയ്ക്ക് കയറ്റി വയ്ക്കാം. വശത്തേയ്ക്കു കിടന്ന് കാലുകള്‍ കയറ്റി വച്ച് വശം തിരിഞ്ഞു കിടക്കുക, മുഖം മുകളിലേയ്ക്കാക്കുക. ഇതാണ് സംഗതി. പിന്നീട് എഴുന്നേറ്റിരിയ്ക്കുക. മറു വശത്തേയ്ക്ക് ഈ പറഞ്ഞ രീതിയില്‍ കിടക്കുക. ഇരു വശത്തും 30 സെക്കന്റ് വച്ച് കിടന്നാല്‍ മതിയാകും. അതായത് മനസില്‍ 30 സെക്കന്റ് എണ്ണുന്നതു വരെ. ഇത് അഞ്ചു തവണ ചെയ്യണം.

മിക്കവാറും പേര്‍ക്ക് ഇത് ഈ വ്യായാമം കൊണ്ടു തന്നെ മാറും. ഇല്ലാത്തവര്‍ക്ക് ഒപ്പം ചിലപ്പോള്‍ മരുന്നു കൂടി നല്‍കേണ്ടി വന്നേക്കും. ചെറിയ തോതിൽ തല കറങ്ങുന്ന അവസ്ഥ അത്ര അപകരകരമല്ല. എന്നാൽ പെട്ടന്ന് തല ചുറ്റുന്ന അവസ്ഥ ഉണ്ടെങ്കിൽ അത് സൂക്ഷിക്കേണ്ടതാണ്. ചെറിയ തോതില്‍ തല കറക്കം അനുഭവപ്പെട്ട് തുടങ്ങുമ്പോള്‍ തന്നെ അത് വെര്‍ടിഗോ ആണോ എന്ന് പരിശോധിയ്ക്കേണ്ടതുണ്ട്. തലകറക്കം പല കാരണങ്ങളാല്‍ അനുഭവപ്പെടാറുള്ളതിനാല്‍ ശരീര തുലനം നഷ്ടമായതാണോ കാരണം എന്ന് തിരിച്ചറിയുക പ്രധാനമാണ്. മുട്ടുവേദനയ്ക്ക് എരിക്കില മുറിവെണ്ണ പ്രയോഗം...