Weight Loss: വണ്ണം കുറയാത്തതാണോ നിങ്ങളുടെ വിഷമം? കലോറി കുറഞ്ഞ ഈ പച്ചക്കറികൾ കഴിക്കൂ ഫലം കാണാം
Samayam Malayalam29 Sept 2022, 6:01 pm
അമിതവണ്ണം കാരണം ബുദ്ധിമുട്ടുന്ന നിരവധി പേരുണ്ട്. വ്യായാമവും ഭക്ഷണ ശീലങ്ങളുമൊക്കെ മാറ്റിയിട്ടും വണ്ണം കുറയ്ക്കാന് കഴിയാത്തവരുടെ സങ്കടം വലുതായിരിക്കും. ജങ്ക് ഫുഡും ജീവിത ശൈലി മാറ്റങ്ങളുമൊക്കെ ആണ് ഈ അമിതവണ്ണത്തിന് വില്ലന്മാരാകുന്നത്. ഡയറ്റില് നിന്ന് പ്രിയപ്പെട്ട പല ഭക്ഷണങ്ങളും ഒഴിവാക്കുകയും മറ്റ് ചിലത് കൂട്ടിച്ചേര്ക്കുകയും വേണ്ടത് വളരെ അത്യാവശ്യമാണ്.
ജീവിതശൈലിയിലെ മാറ്റങ്ങളും കൃത്യമായ ഭക്ഷണവും അമിതവണ്ണം കുറയ്ക്കാന് വളരെയധികം സഹായിക്കും. വണ്ണം കുറയ്ക്കാനായി കൊഴുപ്പും കാര്ബോഹൈട്രേറ്റും പഞ്ചസാരയും അടങ്ങിയ ഭക്ഷണങ്ങള് ഒഴിവാക്കുകയും കലോറി വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുകയുമാണ് ചെയ്യേണ്ടതാണ്. വണ്ണം കുറയ്ക്കാന് ആഗ്രഹിക്കുന്നുണ്ടെങ്കില് ഈ പറയുന്ന ഭക്ഷണങ്ങള് ഒഴിവാക്കേണ്ടത് വളരെ അത്യാവശ്യമാണ്. കലോറി വളരെ കുറഞ്ഞ ഭക്ഷണങ്ങള് ഡയറ്റില് ഉള്പ്പെടുത്തുകയുമാണ് ചെയ്യേണ്ടതാണ്. വണ്ണം കുറയ്ക്കാന് ആഗ്രഹിക്കുന്നുണ്ടെങ്കില് ഈ പറയുന്ന ഭക്ഷണങ്ങള് ഒഴിവാക്കേണ്ടത് വളരെ അത്യാവശ്യമാണ്.
മുഖകാന്തി വെള്ളരിക്ക് കൊണ്ട് വളരെയധികം ഉപയോഗമുണ്ട് അതുപോലെ തന്നെ ശരീര ഭാരം കുറയ്ക്കാനും വെള്ളരിക്ക വളരെ നല്ലതാണ്. ധാരാളം ഫൈബറും വെള്ളവും അടങ്ങിയ പച്ചക്കറിയാണ് വെള്ളരിക്ക. 100 ഗ്രാം വെള്ളരിയില് 15 കിലോറി മാത്രമാണ് ഉള്ളത്. കുറഞ്ഞ കലോറിയുള്ള പച്ചക്കറിയായ വെള്ളരിക്ക ശരീരഭാരം കുറയ്ക്കാന് ആഗ്രഹിക്കുന്നവര്ക്ക് ഡയറ്റില് ധാരാളമായി ഉള്പ്പെടുത്താവുന്നതാണ്. വിശപ്പ് മാത്രമല്ല ദാഹമാറ്റാനും ഇത് സഹായിക്കും. വെള്ളരിക്കയില് അടങ്ങിയിട്ടുള്ള നാരുകള് ഭക്ഷണം ദഹനനാളത്തിലൂടെ വേഗത്തില് കടന്നുപോകാന് അനുവദിക്കുന്നു. ദഹനസംബന്ധമായ പ്രശ്നങ്ങള്, നെഞ്ചെരിച്ചില്, അസിഡിറ്റി, അള്സര്, മലബന്ധം എന്നിവ ഒഴിവാക്കാന് വെള്ളരിക്ക അടങ്ങിയ ലഘുഭക്ഷണങ്ങള് ധാരാളം കഴിക്കുന്നത് ഏറെ നല്ലതാണ്.
ക്യാരറ്റ്
അടുക്കളയില് ഏറ്റവും സുലഭമായി ലഭിക്കുന്നതാണ് ക്യാരറ്റ്. കണ്ണിന്റെ കാഴ്ചയ്ക്കും മുഖ സൗന്ദര്യത്തിനുമൊക്കെ ക്യാരറ്റ് ഒരു മികച്ച പച്ചക്കറിയാണ്. ഫൈബര് ധാരാളം അടങ്ങിയ ക്യാരറ്റ് വണ്ണം കുറയ്ക്കാന് സാധിക്കും. കലോറി കുറവുള്ളതാണ് ക്യാരറ്റ്. ധാരാളം ഡയറ്റി ഫൈബര് അടങ്ങിയിട്ടുണ്ട്. കുറഞ്ഞ നാരുകളുള്ള ഭക്ഷണങ്ങളെ അപേക്ഷിച്ച് ക്യാരറ്റ് കഴിക്കുമ്പോള് വേഗത്തില് വയറ് നിറഞ്ഞതായി തോന്നും.
തക്കാളി
വീട്ടിലെ എല്ലാ കറികളിലും ഉള്പ്പെടുത്തുന്നതാണ് തക്കാളി. പക്ഷെ ഈ തക്കാളി ശരീരഭാരം കുറയ്ക്കാന് സഹായിക്കുമെന്ന് ആര്ക്കെങ്കിലും അറിയാമോ? 100 ഗ്രാം തക്കാളിയില് വെറും 19 കലോറിയാണ് അടങ്ങിയിട്ടുള്ളത്. വൈറ്റമിന് സിയും ഫൈറ്റോന്യൂട്രിയന്റസും ധാരളമുള്ള തക്കാളി ഫാറ്റ് കില്ലറാണ്. ആന്റി ഓക്സിഡന്റ് കൂടിയാണ് തക്കാളി എന്നതാണ് മറ്റൊരു പ്രത്യേകത. ഇത് ശരീരഭാരം കുറയക്കാന് വളരെയധികം സഹായിക്കും.
വെണ്ടയ്ക്ക
വെണ്ടയ്ക്കയില് ധാരാളം നാരുകള് അടങ്ങിയിട്ടുള്ളതിനാല് ശരീരത്തിന്റെ അമിതഭാരം കുറയ്ക്കുന്നതിന് ഇത് സഹായിക്കുന്നു. ശരീരത്തിന് ആവശ്യമുള്ള ധാതുക്കള് നല്കുകയും കൊഴുപ്പിന്റെ അംശത്തെ കുറയ്ക്കുകയും ചെയ്യുന്നു. വെണ്ടയ്ക്കയില് അടങ്ങിയിട്ടുള്ള യുജെനോള് ദഹനത്തെ സുഗമമാക്കുന്നു. മലബന്ധത്തെ തുടര്ന്നുള്ള പ്രശ്നങ്ങള് പരിഹരിക്കാനും വെണ്ടയ്ക്ക് സഹായിക്കും. കൂടാതെ കാത്സ്യം, പൊട്ടാസ്യം, പ്രോട്ടീന്, വിറ്റാമിനുകള്, ധാതുക്കള് എന്നിങ്ങനെ ശരീരത്തിന് അവശ്യം വേണ്ട പല ഘടകങ്ങളും വെണ്ടയ്ക്കയില് അടങ്ങിയിരിക്കുന്നു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.