കണ്ണിന്‍റെ ആരോഗ്യത്തിനായി ഇവ ഭക്ഷണത്തിലുള്‍പ്പെടുത്താം.

ഒരു വ്യക്തിയുടെ കണ്ണില്‍ അയാളുടെ ആരോഗ്യം പ്രതിഫലിക്കുമെന്നാണ് പറയാറ്. ഭക്ഷണക്രമത്തിലെ മാറ്റങ്ങളാണ് കണ്ണിന്‍റെ ആരോഗ്യത്തെ സ്വാധീനിക്കുന്നത്. കണ്ണിന്‍റെ ആരോഗ്യത്തിന് പ്രധാനമായും വേണ്ടത് വൈറ്റമിന്‍ എ, വൈറ്റമിന്‍ ഡി എന്നിവയാണ്. അതുകൊണ്ടുതന്നെ ഇലക്കറികള്‍ പച്ചക്കറികള്‍ ,മത്സ്യം തുടങ്ങിയവ ധാരാളമായി ഭക്ഷണത്തില്‍ ഉള്‍പ്പെടുത്തണം...കണ്ണിന്‍റെ ആരോഗ്യത്തിന് അത്യന്താപേക്ഷിതമായ ഭക്ഷണങ്ങള്‍ ഏതാണെന്നു നോക്കാം..

കാരറ്റ്

കണ്ണിന്‍റെ ആരോഗ്യത്തിന് ഏറ്റവും അത്യന്താപേക്ഷിതമായ ഒന്നാണ് കാരറ്റ്. കാരറ്റില്‍ ധാരാളം ആന്‍റി ഒാക്സിഡെന്‍റുകളും കരോട്ടിനും അടങ്ങിയിട്ടുണ്ട്. സൂര്യാഘാതത്തില്‍ നിന്നും കണ്ണുകളെ രക്ഷിക്കാനും തിമിരം ബാധിക്കുന്നതു തടയാനും കാരറ്റിനു കഴിയും



ഒാറഞ്ച്

വൈറ്റമിന്‍ സി ധാരാളം അടങ്ങിയ ഒാറഞ്ച് ,മാതള നാരങ്ങ തുടങ്ങിയവയും കണ്ണിന്‍റെ ആരോഗ്യത്തിന് നല്ലതാണ്. നേത്ര കോശങ്ങള്‍ക്ക് സംരക്ഷണം നല്‍കാനും ഇൗ പഴങ്ങള്‍ കഴിക്കുന്നതിലൂടെ സാധ്യമാവു



ഉണക്കിയ പഴങ്ങള്‍

ബദാം ,കശുവണ്ടി തുടങ്ങിയ ഉണക്കിയ പഴങ്ങളും ,സൂര്യ കാന്തി വിത്തും നിത്യേന ഭക്ഷണത്തിലുള്‍പ്പെടുത്തുന്നത് കണ്ണുകളുടെ ആരോഗ്യം മെച്ചപ്പെടുത്തും. തിമിരമടക്കമുളള നേത്ര രോഗങ്ങളെ പ്രതിരോധിക്കാന്‍ ഇത് ഉത്തമമാണ്.



ഇലക്കറികള്‍

ഇലക്കറികളും കണ്ണും തമ്മിലും അഭേദ്യമായ ബന്ധമുണ്ട്. ചീരയുള്‍പ്പെടെയുളള ഇലക്കറികളില്‍ ധാരാളം ആന്‍റി ഒക്സിഡന്‍റുകളും വൈറ്റമിന്‍ സിയും ബീറ്റാ കരോട്ടിനും അടങ്ങിയിട്ടുണ്ട് .ഇവ തിമിരമുള്‍പ്പെടെയുളള നേത്ര രോഗങ്ങളെ തടയുമെന്ന് മാത്രമല്ല അള്‍ട്രാ വയലയറ്റ് രശ്മികളില്‍ നിന്ന് കണ്ണുകളെ സംരക്ഷിക്കുകയും ചെയ്യുന്നു