ഇലക്കറികള്‍
ചീര അടക്കമുള്ള ഇലക്കറികള്‍ ഭക്ഷണക്രമത്തിന്റെ നിർബന്ധിത ഭാഗമാക്കി മാറ്റണം. ഇരുമ്പിനു പുറമെ, ചീരയിൽ ഫൈബർ, വിറ്റാമിൻ സി എന്നിവയും അടങ്ങിയിട്ടുണ്ട്. ഇത് നമ്മുടെ ശരീരത്തിന്റെ രോഗപ്രതിരോധ ശേഷി വർദ്ധിപ്പിക്കുന്നു. 100 ഗ്രാം ചീരയിൽ 2.7 മില്ലിഗ്രാം ഇരുമ്പ് അടങ്ങിയിട്ടുണ്ട്.ബ്രൊക്കോളി പോലുള്ള പച്ച നിറത്തിലെ പച്ചക്കറികളും ഇലക്കറികളുമെല്ലാം തന്നെ അയേണ്‍ വര്‍ദ്ധിപ്പിയ്ക്കാന്‍ സഹായിക്കുന്നവയാണ്.
ദാല്‍ അഥവാ പരിപ്പ്
ദാല്‍ അഥവാ പരിപ്പ് അയേണ്‍ സമ്പുഷ്ടമായ ഒരു പ്രധാന ഭക്ഷ്യവസ്തുവാണ്. സസ്യ പ്രോട്ടീന്‍ സമ്പുഷ്ടമായ ഇത് ഇരുമ്പിന്റെ സമ്പന്നമായ ഉറവിടം കൂടിയാണ് അവ. ഒരു കപ്പ് വേവിച്ച പരിപ്പിന് 6 മില്ലിഗ്രാം വരെ ഇരുമ്പ് ശരീരത്തിനായി നൽകാൻ കഴിയും, ഇത് ശരീരത്തിലെ പോഷകത്തിന്റെ ദൈനംദിന ആവശ്യത്തിന്റെ 37 ശതമാനത്തോളം വരും.പരിപ്പും ഇതു പോലെ പയര്‍ വര്‍ഗങ്ങളും ഭക്ഷണത്തില്‍ ഉള്‍പ്പെടുത്താം.
ഫ്‌ളാക്‌സ് സീഡുകള്‍
ഫ്‌ളാക്‌സ് സീഡുകള്‍, മത്തങ്ങ, ചിയ തുടങ്ങിയ വിത്തുകൾ ഹീമോഗ്ലോബിൻ അളവ് വർദ്ധിപ്പിക്കാൻ സഹായിക്കുന്ന ഇരുമ്പ്, സിങ്ക്, ഫോളേറ്റ് തുടങ്ങിയ പോഷകങ്ങൾ അടങ്ങിയ ഊർജ്ജം നിറഞ്ഞ ഭക്ഷണങ്ങളാണ്. കൂടാതെ, ഈ വിത്തുകളിൽ പ്രോട്ടീൻ, ഡയറ്ററി ഫൈബർ, മഗ്നീഷ്യം, പൊട്ടാസ്യം, ഫോസ്ഫറസ് എന്നിവയും അടങ്ങിയിരിക്കുന്നു.
നെല്ലിക്ക
നെല്ലിക്ക, എള്ള്, ശര്‍ക്കര തുടങ്ങിയവയും അയേണ്‍ സമ്പുഷ്ടമാണ്. വൈറ്റമിൻ സി, അയൺ, കാൽസ്യം തുടങ്ങിയ പോഷകങ്ങൾ അടങ്ങിയ ഒരു സൂപ്പർഫുഡ് ആണ് നെല്ലിക്ക. ഇത് ശരീരത്തിലെ ഹീമോഗ്ലോബിന്‍ തോത് വര്‍ദ്ധിപ്പിയ്ക്കുന്നു. ശര്‍ക്കരയും അയേണ്‍ സമ്പുഷ്ടമാണ്. പഞ്ചസാരയ്ക്ക് പകരം ഉപയോഗിയ്ക്കാവുന്ന ഒന്നു കൂടിയാണിത്. ഉണക്ക മുന്തിരിയാണ് രക്തോല്‍പാദനത്തിന് സഹായിക്കുന്ന മറ്റൊരു ഭക്ഷണ വസ്തു.