ഓറഞ്ച്
വിന്റര്‍ കാലത്ത് ഓറഞ്ച് കഴിയ്ക്കുന്നത് തടി കുറയ്ക്കാന്‍ സഹായിക്കുന്ന ഒന്നാണ്. ഇതില്‍ വൈറ്റമിന്‍ സി അടങ്ങിയിട്ടുള്ളത് തന്നെയാണ് കാരണം. ഓറഞ്ച് രോഗപ്രതിരോധ ശേഷി വർദ്ധിപ്പിക്കുന്നതിന് മാത്രമല്ല ശരീരഭാരം കുറയ്ക്കാനും സഹായിക്കും. കലോറി കുറവും, പൊട്ടാസ്യം, ധാതുക്കൾ, ഫോളേറ്റ്, ഫൈബർ എന്നിവയാൽ സമ്പന്നവുമായിരിക്കുന്നതിനാൽ ഓറഞ്ച് ശരീരഭാരം കുറയ്ക്കുന്നതിനുള്ള മികച്ച പഴമായി മാറുന്നു. ഇതിലെ ഫൈബർ കൂടുതൽ നേരം വിശപ്പ് അനുഭവപ്പെടാതെ നിലനിർത്താൻ സഹായിക്കുകയും ദഹനത്തെ മെച്ചപ്പെടുത്തുകയും ചെയ്യുന്നു. ഓറഞ്ചിൽ നോബിലിറ്റിൻ എന്ന തന്മാത്ര അമിതവണ്ണം കുറയ്ക്കാൻ സഹായിക്കുന്നു എന്നാണ് പഠനങ്ങൾ പറയുന്നത്.
പേരയ്ക്ക
പേരയ്ക്ക മറ്റൊരു ഫലമാണ്. ഇതും വൈറ്റമിന്‍ സി സമ്പുഷ്ടമായതിനാല്‍ തടി കുറയ്ക്കാന്‍ സഹായിക്കുന്ന ഒന്നാണ്. പ്രോട്ടീൻ, നാരുകൾ എന്നിവയുടെ സമൃദ്ധമായ ഉറവിടമാണ് പേരയ്ക്ക. ഇത് വയർ നിറയ്ക്കുകയും അമിതവണ്ണം ഒഴിവാക്കാൻ സഹായിക്കുകയും ചെയ്യുന്നു. പൂർണ്ണമായും പഴുത്ത പേരയ്ക്കയിൽ പഞ്ചസാരയുടെ അളവും കുറവാണ്. ധാരാളം നാരുകള്‍ അടങ്ങിയ ഇത് മെറ്റബോളിസം ശക്തിപ്പെടുത്തുന്നു. തടി കുറയ്ക്കുന്നു.
പോംഗ്രനേറ്റ്
ആന്റിഓക്‌സിഡന്റുകൾ, പോഷകങ്ങൾ, നാരുകൾ എന്നിവയാൽ സമ്പുഷ്ടമായ പോംഗ്രനേറ്റ് അഥവാ മാതളനാരങ്ങയിൽ കലോറിയുടെ അംശം കുറവാണ്. ഇത് തടി കുറയ്ക്കുക എന്നതിനൊപ്പം ശരീരത്തിന് പ്രതിരോധശേഷി നല്‍കുകയും ചെയ്യുന്നു. മാതളനാരകം കൊഴുപ്പിന്റെ ഒരു രൂപമായ ട്രൈഗ്ലിസറൈഡ് കുറയ്ക്കുമെന്നും വിശ്വസിക്കപ്പെടുന്നു.ഇതിനാല്‍ കൊളസ്‌ട്രോള്‍ നിയന്ത്രണത്തിന് ഇതേറെ സഹായകമാണ്.
കറുവാപ്പട്ട, ഉലുവ
കറുവാപ്പട്ട, ഉലുവാ എന്നിവ തണുപ്പു കാലത്ത് തടി കുറയ്ക്കാനും ഒപ്പം രോഗങ്ങള്‍ അകറ്റി നിര്‍ത്താനും സഹായിക്കുന്നവയാണ്. കറുവാപ്പട്ട ശരീരത്തില്‍ ചൂടുല്‍പാദിപ്പിയ്ക്കുന്നു. ഇത് ഉപാപയ പ്രക്രിയ ശക്തിപ്പെടുത്താന്‍ സഹായിക്കുന്നു. ഇതിലെ സിന്നമാല്‍ഡിഹൈഡ് വിസറല്‍ ഫാറ്റി ടിഷ്യൂവില്‍ മെറ്റബോളിസം ശക്തിപ്പെടുത്തി തടി കുറയ്ക്കുന്ന ഒന്നാണ്. ഇതു പോലെ തന്നെ ഉലുവാ രക്തത്തിലെ ഗ്ലൂക്കോസ് തോത് കുറയ്ക്കാന്‍ സഹായിക്കുന്നു. ഇതിലെ ഗ്യാലക്ടോമന്‍ വിശപ്പ് കുറയ്ക്കാന്‍ നല്ലതാണ്. ശരീരത്തിന്റെ ഉപാപചയ പ്രക്രിയ ശക്തിപ്പെടുത്താനും ഇത് നല്ലതാണ്.
ക്യാരറ്റ്
തണുപ്പ് കാലത്ത് തടി കുറയ്ക്കാന്‍ സഹായിക്കുന്ന മറ്റൊരു ഭക്ഷണ വസ്തുവാണ് ക്യാരറ്റ്. വൈറ്റമിന്‍ സി സമ്പുഷ്ടമായ ഇത് ധാരാളം നാരുകള്‍ അടങ്ങിയ ഒന്നു കൂടിയാണ്. പെട്ടെന്ന് വിശപ്പു കുറയ്ക്കാന്‍ സഹായിക്കുന്നു. കലോറി തീരെ കുറവുമാണ്. വയര്‍ പെട്ടെന്ന് നിറഞ്ഞ തോന്നല്‍ ഇതിലെ ഫൈബറുകള്‍ ഉണ്ടാക്കുന്നു. ശരീരത്തിന് പ്രതിരോധ ശേഷി നല്‍കുന്ന മികച്ച ഭക്ഷണ വസ്തുവായതിനാല്‍ തന്നെയും മഞ്ഞു കാലത്ത് ഇത് ഭക്ഷണത്തില്‍ ഉള്‍പ്പെടുത്തുന്നത് ഏറെ നല്ലതാണ്. ഇത് വേവിച്ചോ സാലഡുകളിലോ ജ്യൂസായോ എല്ലാം കഴിയ്ക്കാവുന്നതാണ്.