മനസ്സിനെ കൂളാക്കാന്‍ നാലു വഴികള്‍

 ടെന്‍ഷനും സ്ട്രെസ്സും ഇന്ന് ഏതൊരു മേഖലയിലും ഒഴിവാക്കാനാവാത്തതാണ്. തിരക്കു പിടിച്ച ഔദ്യോഗിക ജീവിതത്തില്‍ പ്രത്യേകിച്ചും. സ്ട്രെസ്സിനെയും ടെൻഷനേയും മറി കടന്ന് മനസ്സിനെ കൂളാക്കാൻ ഓഫീസിൽ തന്നെ ചെയ്യാവുന്ന ചില വ്യായാമങ്ങൾ ഇതാ:

ശ്വാസ ക്രമീകരണം
സ്ട്രെസ്സിനെയും ടെന്‍ഷനേയും അകറ്റാനും പരിഭ്രമം ഒഴിവാക്കാനും ശ്വാസം ക്രമീകരിക്കുന്നതിലൂടെ സാധിക്കും. ദീര്‍ഘമായി ശ്വസിക്കുകയും നിശ്വസിക്കുകയും ചെയ്യുന്നത് മനസ്സിന് ശാന്തി നല്‍കും. ടെന്‍ഷന്‍ നിറഞ്ഞ സന്ദര്‍ഭങ്ങളില്‍ പത്തോ ഇരുപതോ തവണ ഗീര്‍ഘമായി ശ്വസിച്ച് മെല്ലെ ശ്വാസം പുറത്തേക്ക് വിടുക.

പ്രാണായാമം
നാസാദ്വാരങ്ങളിലൂടെയുള്ള ശ്വസനത്തെ ക്രമീകരിക്കുന്നതും മനസ്സിനെ ശാന്തമാക്കാന്‍ സഹായിക്കും. രണ്ട് നാസാദ്വാരങ്ങളിലും തടസ്സങ്ങളില്ലെങ്കില്‍ മാത്രമേ ഈ വ്യായാമ മുറ ചെയ്യാവു. ഒരു നാസാ ദ്വാരത്തിലൂടെ ശ്വാസം മെല്ലെ ദീര്‍ഘമായി അകത്തേക്ക് വലിക്കുക. രണ്ട് സെക്കന്‍റുകള്‍ക്ക് ശേഷം മറ്റേ നാസാ ദ്വാരത്തിലൂടെ ഉച്ഛ്വസിക്കുക. ഇത്തരത്തില്‍ ഓരോ ശ്വാസത്തെക്കുറിച്ചും നാം ബോധവാന്മാരാകും. മനസ്സിന് ശാന്തതയും ഉന്മേഷവും ലഭിക്കും.

മസിലുകളെ റിലാക്സ് ചെയ്യാം
സ്റ്റിഫ് ആയിരിക്കുന്ന മസിലുകള്‍ വേദന തരും. അത് ഒഴിവാക്കാന്‍ മസിലുകള്‍ റിലാക്സ് ചെയ്യണം. പേശികളെ അയയ്ക്കുന്നത് ശരീരത്തിന് കൂടുതല്‍ അനായാസത നല്‍കും. ശവാസനം ചെയ്യുന്നത് ഏറെ ഫലപ്രദമാണ്. പേശികള്‍ അയച്ച് മനസ്സിനെ ശാന്തമാക്കി നിരപ്പായ പ്രതലത്തില്‍ കിടക്കുക. ഇറുകിയ വസ്ത്രങ്ങളും ഷൂസും ധരിക്കുന്നത് ഒഴിവാക്കുക.

ധ്യാനം
അധികം ഒച്ചയും ബഹളവും ഇല്ലാത്ത സ്ഥലത്ത് കണ്ണുകള്‍ അടച്ച് ഒരേ പോയിന്‍റില്‍ ശ്രദ്ധ കേന്ദ്രീകരിച്ച് ധ്യാനിക്കുന്നത് ഏറെ നല്ലതാണ്. സ്ട്രെസ്സും ടെന്‍ഷനും അകറ്റാന്‍ മാത്രമല്ല, ശ്രദ്ധ കൂട്ടാനും മനസ്സും ശരീരവും പോസിറ്റീവ് എനര്‍ജിയാല്‍ നിറയ്ക്കാനും ഇതിലൂടെ സാധിക്കും.

Four steps to keep your mind cool:
Exercises that you can do in your office and handle stressful situations.