സ്തനവലിപ്പം
സ്തനവലിപ്പം പല ഘടകങ്ങളാലുമാണ് നിര്‍ണയിക്കപ്പെടുന്നത്. ഇതില്‍ പാരമ്പര്യം മുതല്‍ കഴിയ്ക്കുന്ന ഭക്ഷണങ്ങള്‍ വരെ പെടാം. സ്ത്രീകളില്‍ ഗര്‍ഭകാല, പ്രസവ ശേഷം സ്തന വലിപ്പം വര്‍ദ്ധിയ്ക്കുന്നത് സാധാരണയുമാണ്. എന്നാല്‍ ജൈഗാന്റോമാസ്റ്റിയ എന്ന ഈ അവസ്ഥ അസാധാരണമായ, സ്ത്രീയ്ക്ക് ആരോഗ്യപരമായ പല പ്രശ്‌നങ്ങള്‍ക്ക് പോലും വഴിയൊരുക്കുന്ന സ്തനവലിപ്പമാണ്. ലോകത്ത് ഇത്തരത്തിലെ വളരെ കുറച്ച് കേസുകള്‍ മാത്രമാണ് റിപ്പോര്‍ട്ട് ചെയ്യപ്പെട്ടിട്ടുള്ളത്.
കാരണങ്ങള്‍
ഇതിന്റെ അടിസ്ഥാനപരമായ കാരണങ്ങള്‍ ഇപ്പോഴും കണ്ടെത്തിയിട്ടില്ലെന്നതാണ് വാസ്തവം. ഗര്‍ഭകാലത്തും പെണ്‍കുട്ടികള്‍ക്ക് ആര്‍ത്തവമാകുമ്പോഴും ചില മരുന്നുകള്‍ കാരണവുമെല്ലാം ഇത്തരം അവസ്ഥ റിപ്പോര്‍ട്ട് ചെയ്യപ്പെടുന്നു. പുരുഷന്മാരില്‍ ജൈഗാന്റോമാസ്റ്റിയ റിപ്പോര്‍ട്ട് ചെയ്യപ്പെട്ടിട്ടില്ല. ഇത് അപകടകരമല്ലെങ്കിലും സ്ത്രീകള്‍ക്ക് ശാരീരിക,മാനസിക ബുദ്ധിമുട്ടുകളുണ്ടാക്കുന്നു. പലര്‍ക്കും ഇത് വേണ്ട രീതിയില്‍ പരിഹരിച്ചില്ലെങ്കില്‍ ശാരീരികമായ പ്രയാസങ്ങളുമുണ്ടാക്കുന്നു. ഇതിന് പരിഹാരമായി മാറിട വലിപ്പം കുറയ്ക്കുയെന്നതാണ്. ഇത്തരം അവസ്ഥയുള്ളവര്‍ പലരും മാറിട വലിപ്പം കുറയ്ക്കുന്നതിനായുള്ള ശസ്ത്രക്രിയകള്‍ക്ക് വിധേയരാകാറുണ്ട്. മാമോപ്ലാസ്റ്റി എന്നാണ് ഇത് അറിയപ്പെടുന്നത്.
ആരോഗ്യ പ്രശ്‌നങ്ങള്‍ക്ക്
ഇത്തരം അവസ്ഥ ചില ആരോഗ്യ പ്രശ്‌നങ്ങള്‍ക്ക് കാരണമാകുന്നുണ്ട്. കഴുത്തിനും നടുവിനും വേദന, നടക്കാനോ ഓടാനോ വ്യായാമം ചെയ്യാനോ ഉളള ബുദ്ധിമുട്ട്, മാറിടത്തിന് ചുറ്റുമുള്ള ചര്‍മത്തിന് ഉണ്ടാകുന്ന അണുബാധകള്‍, മാറിട വേദന, മാറിടങ്ങള്‍ താഴേയ്ക്ക് തൂങ്ങുക, മുലയൂട്ടാനുള്ള ബുദ്ധിമുട്ട് എന്നിവയ്‌ക്കെല്ലാം ഇട വരുത്താറുമുണ്ട്. ശരീരത്തിന്റെ ആകെയുള്ള ആകൃതിയെ, ഇരിപ്പിനേയും നില്‍പ്പിനേയുമെല്ലാം ഈ അവസ്ഥ ബാധിയ്ക്കാം.
കൊഴുപ്പ്
പൊതുവേ മാറിടത്തില്‍ അടിഞ്ഞു കൂടുന്ന കൊഴുപ്പാണ്, ഈ ഭാഗത്ത് കൊഴുപ്പ് കോശങ്ങള്‍ അധികമാകുന്നാണ് മാറിട വലിപ്പം കൂടാന്‍ കാരണമാകുന്നത്. തടി കൂടുമ്പോള്‍ സ്വാഭാവികമായും മാറിട വലിപ്പം കുറയും. എന്നാല്‍ മുകളില്‍ പറഞ്ഞ ജൈഗാന്റോമാസ്റ്റിയ എന്ന അവസ്ഥയാണെങ്കില്‍ തടി കുറച്ചത് കൊണ്ട് മാറിട വലിപ്പം കുറയില്ല. അതായത് ശരീരത്തിന്റെ ആകെയുള്ള തടിയല്ല, ഇത്തരത്തില്‍ മാറിട വലിപ്പം കൂടുന്നതിന് കാരണം. ഇതിനാല്‍ തന്നെ തടി കുറയ്ക്കുന്നത് മാറിട വലിപ്പം കുറയാന്‍ സഹായിക്കില്ലെന്നര്‍ത്ഥം.