പ്രമേഹത്തിന് നെല്ലിക്ക മരുന്നാക്കാം, ഇങ്ങനെ....

ഇൻസുലിൻ മരുന്നുകളുടെ ചെറുത്തുനിൽപ്പിനെ സഹായിക്കുകയും രക്തത്തിലെ പഞ്ചസാരയുടെ അളവിനെ സന്തുലിതമാക്കാനും സഹായിക്കുന്ന ഒന്നാണ് നെല്ലിക്ക. ഇത് ശരീരത്തിൽ നിന്ന് വിഷവസ്തുക്കളെ പുറന്തള്ളി സെല്ലുലാർ മെറ്റബോളിസത്തെ സുഖപ്പെടുത്തുകയും ചെയ്യുന്നു.ശരീരത്തിലെ ഓക്സിഡേറ്റീവ് സമ്മർദ്ദമാണ് പ്രമേഹവും അനുബന്ധ രോഗങ്ങടേയും അടിസ്ഥാന കാരണമെന്ന് ഗവേഷണങ്ങൾ സൂചിപ്പിക്കുന്നു. നെല്ലിക്കയിലെ ആന്റിഓക്‌സിഡന്റുകൾ ഓക്‌സിഡേഷന്റെ ദോഷകരമായ ഫലങ്ങളെ ഇല്ലായ്മ ചെയ്യുന്നു

പ്രമേഹവുമായി ബന്ധപ്പെട്ട ശരീരത്തിലെ കൊഴുപ്പുകളെ കുറയ്ക്കാനും കരളിലെ ട്രൈഗ്ലിസറൈഡുകൾ കുറയ്ക്കാനും ഉപാപചയ പ്രവർത്തനങ്ങൾ മെച്ചപ്പെടുത്താനും സഹായിക്കുന്ന അസ്കോർബിക് ആസിഡ്, ടാന്നിൻസ്, പോളിഫെനോൾസ് തുടങ്ങിയ ആന്റിഓക്‌സിഡന്റുകൾ നെല്ലിക്കയിൽ സമ്പന്നമായി അടങ്ങിയിരിക്കുന്നു. പതിവായി നെല്ലിക്ക കഴിക്കുന്നത് വഴി രക്തത്തിലെ പഞ്ചസാരയുടെ അളവിലുള്ള വ്യത്യാസം തുടക്കത്തിൽ കുറവായിരിക്കും എങ്കിലും പ്രമേഹവുമായി ബന്ധപ്പെട്ട സങ്കീർണതകൾ മുഴുവനും ഇത് നിയന്ത്രണത്തിലാക്കുന്നു.

പാൻക്രിയാസിൽ ഉത്പാദിപ്പിക്കപ്പെടുന്ന ഇൻസുലിൻ രക്തത്തിലെ പഞ്ചസാരയുടെ അളവിനെ നിയന്ത്രിക്കുന്നതിൽ ഏറ്റവുമധികം സഹായിക്കുന്ന ഒന്നാണ്. അതുകൊണ്ടുതന്നെ പാൻക്രിയാസ് ഗ്രന്ഥികളിൽ ഏതെങ്കിലും തരത്തിലുള്ള വീക്കമോ പ്രശ്നങ്ങളോ ഉണ്ടാവുമ്പോൾ ഇത് പാൻക്രിയാറ്റിസ് രോഗത്തിന് കാരണമാവുകയും ഇൻസുലിൻ ഉൽപാദിപ്പിക്കുന്ന കോശങ്ങളെ പരിക്കേൽപ്പിക്കുകയും ചെയ്യും. ഇതുവഴി ഇൻസുലിൻ ഉൽപാദനം കുറയുകയും രക്തത്തിലെ പഞ്ചസാരയുടെ അളവ് ഗണ്യമായ രീതിയിൽ കൂടുകയും ചെയ്യും. പാൻക്രിയാറ്റെറ്റിസ് രോഗം വരാതെ സംരക്ഷിക്കാൻ നെല്ലിക്കയിലെ ഔഷധ ഗുണങ്ങൾക്ക് ശേഷിയുണ്ട്.

കാർബോഹൈഡ്രേറ്റ് മെറ്റബോളിസത്തെ നിയന്ത്രിക്കുന്ന ക്രോമിയം എന്ന ധാതു ഘടകം നെല്ലിക്കയിൽ ഉയർന്ന അളവിൽ അടങ്ങിയിട്ടുണ്ട് എന്ന് കണ്ടെത്തിയിരിക്കുന്നു. ഇത് ശരീരത്തെ ഇൻസുലിൻ പ്രവർത്തനങ്ങളെ കൂടുതൽ മികവുറ്റതാക്കുന്നു എന്നും രക്തത്തിലെ പഞ്ചസാരയുടെ അളവ് ഉയരുന്നത് ഒഴിവാക്കാൻ സഹായിക്കുന്നു എന്നും കണ്ടെത്തിയിട്ടുണ്ട്. ശക്തമായ ആന്റിഓക്‌സിഡന്റായ വൈറ്റമിന്‍ സിയുടെ സാന്നിധ്യമാണ് നെല്ലിക്കയിലെ സവിശേഷ ഗുണങ്ങൾക്ക് കാരണം. വൈറ്റമിന്‍ സി അളവും പ്രമേഹവും തമ്മിൽ കാര്യമായ ബന്ധമുണ്ടെന്ന് ആർക്കൈവ്സ് ഓഫ് ഇന്റേണൽ മെഡിസിനിൽ പ്രസിദ്ധീകരിച്ച ഒരു പഠനത്തിൽ പറയുന്നു.

നെല്ലിക്ക ദിവസവും വെറുംവയറ്റില്‍ ചവച്ചരച്ചു കഴിയ്ക്കുന്നത് പ്രമേഹത്തിനുള്ള നല്ലൊരു പരിഹാരമാണ്. ഇതല്ലെങ്കില്‍ നെല്ലിക്കയുടെ നീര് കുടിയ്ക്കാം. നെല്ലിക്കാ ജ്യൂസുണ്ടാക്കി കഴിയ്ക്കാം. നെല്ലിക്ക ഒന്നു രണ്ട് സ്പൂണ്‍ ഒരു ഗ്ലാസ് ഇളം ചൂടുവെള്ളത്തില്‍ ചേര്‍ത്തിളക്കി കുടിയ്ക്കാം. ഇതില്‍ ഒരു നുള്ള് മഞ്ഞള്‍പ്പൊടി ചേര്‍ക്കുന്നത് കൂടുതല്‍ ഗുണം നല്‍കും. നെല്ലിക്ക കൊണ്ട് ചമ്മന്തിയുണ്ടാക്കി കഴിയ്ക്കാം. ഇതെല്ലാം തന്നെ പ്രമേഹത്തെ നിയന്ത്രിയ്ക്കാന്‍ നല്ലതാണ്.Also read: ചെന്തെങ്ങിന്‍ വെള്ളം വെറും വയറ്റില്‍ ശീലമാക്കൂ...