പ്രമേഹമെങ്കില്‍ ചെറുപയര്‍ ദോശ കഴിയ്ക്കൂ, കാരണം......

പ്രമേഹത്തിന് ഏറെ ഗുണകരമാണ് ചെറുപയര്‍. പ്രമേഹത്തിന് മാത്രമല്ല, പല ആരോഗ്യപരമായ ഗുണങ്ങള്‍ ഒത്തിണങ്ങിയ ഒന്നാണ് ചെറുപയര്‍. ചെറുപയര്‍ മുളപ്പിച്ചതാണ് ഏറെ ഗുണകരം. ചെറുപയര്‍ പ്രാതലിന് ഉപയോഗിയ്ക്കുന്നത് പ്രമേഹത്തിന് ഗുണം നല്‍കും. ഇത് ഉപയോഗിച്ച് ദോശയുണ്ടാക്കാം. ചെറുപയര്‍ ദോശയുണ്ടാക്കി കഴിയ്ക്കുന്നത് ഏറെ ഗുണകരമാണ്. ഇതുണ്ടാക്കാനും ഏറെ എളുപ്പമാണ്. ചെറുപയര്‍ കുതിര്‍ത്തി മുളപ്പിയ്ക്കുക. ഇത് നല്ലതു പോലെ അരയ്ക്കാം.

മുളപ്പിച്ച ചെറുപയര്‍ കൊണ്ടുള്ള വിഭവങ്ങള്‍ കഴിയ്ക്കുന്നത്‌ അസിഡിറ്റി പ്രശ്നങ്ങളെ ഇല്ലാതാക്കാൻ സഹായിക്കുന്നു. ഇത്തരത്തിൽ മുളപ്പിച്ച പയറ് വർഗ്ഗങ്ങൾ കഴിക്കുന്നത് വഴി ആസിഡിന്റെ അളവ് കുറച്ച് പിഎച്ച് നില നിയന്ത്രിച്ച് നിർത്തുന്നു. അസിഡിറ്റിയാണ് മിക്ക രോഗങ്ങൾക്കുമുള്ള കാരണം എന്ന് ആദ്യം തന്നെ അറിഞ്ഞിരിക്കുക.നല്ല ദഹനത്തിനും നല്ല ശോധനയ്ക്കുമെല്ലാം ഇതേറെ ഗുണകരമാണ്.

മുളച്ച് വരുന്ന പയറ് വർഗ്ഗങ്ങളിൽ ഒമേഗ 3 ഫാറ്റി ആസിഡ് ധാരാളം അടങ്ങിയിട്ടുണ്ട്. അത് കൊണ്ട് തന്നെ ഇത് ഹൃദയത്തിന് വളരെ ഏറെ ഗുണങ്ങൾ ചെയ്യുന്നു. ഇവ നല്ല കൊളസ്ട്രോൾ കൂട്ടാൻ സഹായിക്കുന്നു എന്ന് മാത്രമല്ല അതോടൊപ്പം തന്നെ രക്തക്കുഴലുകളിലെയും ധമനികളിലെയും ചീത്ത കൊളസ്ട്രോൾ കുറയ്ക്കുന്നു. ആന്റി ഇൻഫ്ലമേറ്ററി ഗുണങ്ങളും ഒമേഗ 3 ഫാറ്റി ആസിഡിനുണ്ട് എന്ന് തിരിച്ചറിയുക. ഇവ ഹൃദയത്തിന്റെ പ്രവര്‍ത്തനത്തിന് ഏറെ ഗുണകരമാണ്.

സ്വാദിനു വേണമെങ്കില്‍ അല്‍പം ഇഞ്ചിയും വെളുത്തുള്ളിയും ചുവന്നുള്ളിയും കറിവേപ്പിലയുമെല്ലാം ചേര്‍ത്തരയ്ക്കാം. ഇവയെല്ലാം തന്നെ പ്രമേഹത്തെ നിയന്ത്രിയ്ക്കാന്‍ സഹായിക്കുന്നവയാണ്. പിന്നീട് ഇതില്‍ ലേശം ഉപ്പും ചേര്‍ത്ത് രണ്ടു മണിക്കൂര്‍ ശേഷം ദോശയാക്കി ഉണ്ടാക്കാം. പ്രാതലിന് ഇത് പ്രമേഹമുള്ളവര്‍ക്ക് ഏറെ നല്ലതാണ്. പ്രാതലിനല്ലെങ്കില്‍ രാത്രി ഇത് കഴിയ്ക്കാം. രക്തത്തിലെ ഷുഗര്‍ തോത് നിയന്ത്രിച്ചു നിര്‍ത്താന്‍ ഇതേറെ നല്ലതാണ്. കൊളസ്‌ട്രോള്‍ ഉള്ളവര്‍ക്കും ഇതേറെ നല്ല ഭക്ഷണം തന്നെയാണ്.