കാരണവന്മാര്‍ കഞ്ഞിയില്‍ നെയ്യ് ചേര്‍ത്ത് കഴിയ്ക്കാറുണ്ട്, കാരണം...

പണ്ടു കാലത്ത് ചപ്പാത്തി, പലഹാര ശീലങ്ങളേക്കാള്‍ കഞ്ഞിയെന്ന ഭക്ഷണം ശീലമാക്കിയവരാണ് നമ്മുടെ കാരണവന്മാര്‍. പാടത്തും പറമ്പിലും എല്ലുമുറിയോളം പണിയെടുത്ത് വിശപ്പു മാറ്റാനും വയറു നിറയ്ക്കാനും ഊര്‍ജത്തിനുമെല്ലാായി കഞ്ഞിയെന്ന ശീലം സ്വായത്തമാക്കിയവര്‍. എന്നാല്‍ ഇപ്പോഴത്തെ തലമുറയോട് പറഞ്ഞാല്‍ കഞ്ഞി അഥവാ ചോറ് തടി കൂട്ടും, പ്രമേഹ സാധ്യത കൂട്ടും തുടങ്ങിയ കാര്യങ്ങളാണ് പറയാറുളളതും. കഞ്ഞി അഥവാ ഇതിലുളള ചോറ് കാര്‍ബോഹൈഡ്രേറ്റുകള്‍ അടങ്ങിയതാണ്. തടി കുറയ്ക്കാനും പ്രമേഹത്തിനുമൊന്നും നല്ലതുമല്ല. എന്നാല്‍ ഇതിനും കണ്ടെത്തിയിരുന്നു വഴി. കഞ്ഞിയില്‍ അല്‍പം നെയ്യ് ചേര്‍ക്കു എന്നതായിരുന്നു അത്. കഞ്ഞിയില്‍ നെയ്യ് ചേര്‍ക്കുന്നത്, അല്ലെങ്കില്‍ ചോറില്‍ നെയ്യ് ചേര്‍ക്കുന്നത് സ്വാദിന് മാത്രമല്ല, ആരോഗ്യത്തിനും ഏറെ നല്ലതാണ്.

നെയ്യ് ഇത്തരത്തില്‍ ചേര്‍ക്കുന്നതിന് കാരണങ്ങള്‍ പലതാണ്. ഇതിലൊന്ന് ദഹന പ്രക്രിയ ഇത് എളുപ്പമാക്കുന്നു എന്നതാണ്. കഞ്ഞിയില്‍ നെയ്യ് ചേര്‍ക്കുന്നത് പെട്ടെന്ന് ദഹനം എളുപ്പമാക്കും. കഞ്ഞിയില്‍ മാത്രമല്ല, നാം കഴിയ്ക്കുന്ന ചപ്പാത്തിയില്‍ നെയ്യ് ചേര്‍ക്കുന്നത് ഇത്തരത്തിലെ ഗുണം നല്‍കുന്ന ഒന്നു തന്നെയാണ്. നെയ്യ് വയര്‍ പെട്ടെന്നു നിറഞ്ഞതായുള്ള തോന്നലുണ്ടാക്കും. വിശപ്പു കുറയ്ക്കാനും അമിത ഭക്ഷണം നിയന്ത്രിയ്ക്കുവാനും ഇത് ഇതു സഹായിക്കും.

കഞ്ഞിയില്‍ നെയ്യ് ചേര്‍ക്കുമ്പോഴുണ്ടാകുന്ന മറ്റൊരു ഗുണം ഇത് പ്രമേഹത്തിന് നിയന്ത്രണമായി വര്‍ത്തിയ്ക്കുന്നുവെന്നതാണ്. നെയ്യ് ഗ്ലൂക്കോസ് ഒറ്റയടിയ്ക്ക് രക്തത്തില്‍ ഉയര്‍ത്തുന്നത് തടയുന്നു. മെല്ലെ മാത്രമേ ഇതു സംഭവിയ്ക്കൂ. അതിനാല്‍ തന്നെ പ്രമേഹത്തിന് കാരണമാകുന്നു കഞ്ഞി അല്ലെങ്കില്‍ ചോറെന്ന് പറയുമ്പോള്‍ അതില്‍ അല്‍പം നെയ് ചേര്‍ക്കുന്നത് പ്രമേഹ പ്രശ്‌നങ്ങള്‍ അകറ്റാനുള്ള വഴിയാകുന്നു. പ്രമേഹമുള്ളവര്‍ക്ക് അരി ഭക്ഷണം നല്ലതല്ലെന്നു പറയുമ്പോഴും ഈ രീതിയില്‍ ഇത് കഴിയ്ക്കുന്നത് ഗുണകരമാണെന്ന് വേണം പറയുവാന്‍. ഇത് തടി കുറയ്ക്കാന്‍ സഹായിക്കുന്ന ഒരു വഴിയാണ്. ഭക്ഷണം കുറയുന്നതും, വയര്‍ നിറയുന്നതും.

നെയ്യാകട്ടെ, ശരീരവും വയറുമെല്ലാം തണുപ്പിയ്ക്കുന്ന ഒന്നാണ്. ഗ്യാസ്, അസിഡിറ്റി പ്രശ്‌നങ്ങള്‍ക്കും ഇതു നല്ലൊരു പരിഹാരമാണ്. നെയ്യു തടി കൂട്ടുന്നമെന്ന ധാരണ വേണ്ട. ഇതിലുള്ളത് ഫാറ്റ് സോലുബിള്‍ വൈറ്റമിനുകളാണ്. അതായതു കൊഴുപ്പു വലിച്ചെടുക്കുന്ന വൈറ്റമിനുകള്‍. ഇനി നെയ്യ് കൊഴുപ്പാണ്, കൊളസ്‌ട്രോളാണ് എന്ന ഭയമെങ്കില്‍ ഇതിനുമുണ്ട് മറുപടി. മറ്റേത് എണ്ണകളേക്കാളും ആരോഗ്യകരമായ കൊഴുപ്പാണ് നെയ്യിലേത്. ഇത് നല്ല കൊളസ്‌ട്രോള്‍ വര്‍ദ്ധിപ്പിയ്ക്കുന്ന ഒന്നാണ്. നല്ല കൊളസ്‌ട്രോള്‍ ആരോഗ്യത്തിന് ഏറെ ഗുണകരമാണ്. എന്നാല്‍ നെയ്യിന്റെ അളവില്‍ ശ്രദ്ധ വേണം. അധികം നെയ്യ് എന്നതല്ല, ലേശം നെയ്യ് എന്നതാണ് കണക്ക്. സദ്യകള്‍ക്ക് ആദ്യം നെയ്യ് വിളമ്പുന്നതും സ്വാദ് മാത്രമല്ല, ആരോഗ്യപരമായ ഗുണങ്ങള്‍ കണക്കിലെടുത്തു തന്നയാണ്. Also read: മുഖം വെളുക്കാന്‍ കടലമാവു കൊണ്ട് വീട്ടിലൊരു ബ്ലീച്ച്