വെണ്ടയ്ക്ക ആഹാരത്തിലുള്‍പ്പെടുത്തിയാലുളള ഗുണങ്ങള്‍

നമ്മള്‍ വെണ്ടയ്ക്ക കൊണ്ട് പലതരത്തിലുള്ള കറികളും തോരനും മെഴുക്കുപുരട്ടിയും കിച്ചടിയുമെല്ലാം ഉണ്ടാക്കാറുണ്ട്. ഏതു തരത്തിലായാലും വെണ്ടയ്ക്ക ഭക്ഷണത്തിലുള്‍പ്പെടുത്തിയാലുളള ഗുണങ്ങൾ ഏറെയാണ്. ഫൈബറിന്‍റെ അളവ് വെണ്ടക്കയില്‍ വളരെ കൂടുതലാണ്. ഒട്ടേറെ വൈററമിനുകളുടെ കലവറയായ വെണ്ടക്കയില്‍ കാല്‍സ്യം, അയണ്‍, മഗ്നീഷ്യം, പൊട്ടാസ്യം, സിങ്ക്‌ എന്നിവയും ഉയര്‍ന്ന തോതില്‍ അടങ്ങിയിട്ടുണ്ട്.

വെണ്ടയ്ക്കയുടെ ഗുണങ്ങളെന്തൊക്കെയാണെന്ന് നോക്കാം.

1. വെണ്ടയ്ക്ക പതിവായി ആഹാരത്തില്‍ ഉൾപ്പെടുത്തുന്നത് കണ്ണുകളുടെ ആരോഗ്യത്തിനു നല്ലതാണ്.

2. ചർമ്മസംരക്ഷണത്തിന് ഏറ്റവും നല്ലതാണ് വെണ്ടയ്ക്ക. ത്വക്ക് രോഗങ്ങൾ ഇല്ലാതാക്കാം

3. എല്ലുകളുടെയും ശരീരത്തിന്റെയും ആരോഗ്യം നിലനിര്‍ത്താനാവശ്യമായ വൈറ്റമിനുകളാലും മിനറലുകളാലും സമ്പുഷ്‌ടമാണ്‌ വെണ്ടയ്‌ക്ക.

4. വെണ്ടയ്ക്കയിൽ നാരുകള്‍ അടങ്ങിയിട്ടുള്ളതിനാല്‍ ദഹന സംബന്ധമായ പ്രശ്നങ്ങൾ അകറ്റാൻ നല്ലതാണ്.

5. ശ്വാസകോശസംബന്ധമായ പ്രശ്നങ്ങളില്‍ നിന്ന് ആശ്വാസം നേടുന്നതിന് വെണ്ടയ്ക്കയിലുളള ആന്‍റിഓക്സിഡന്‍റുകളും വിറ്റാമിൻ സിയും സഹായകമാണ്.

6. വെണ്ടയ്ക്ക പതിവായി കഴിക്കുന്നത് മലബന്ധം, ഗ്യാസ് തുടങ്ങിയവയ്ക്കുളള സാധ്യത കുറയ്ക്കുന്നു. ശരീരത്തിൽ അടിഞ്ഞുകൂടുന്ന അമിതകൊഴുപ്പ് ഇല്ലാതാക്കുന്നതിനും വെണ്ടയ്ക്കയിലെ നാരുകൾ സഹായകമാണ്.

7. രക്തസമ്മർദം കുറയ്ക്കുന്നതിനും ഹൃദയാരോഗ്യം മെച്ചപ്പെടുത്തുന്നതിനും വെണ്ടക്ക ഗുണകരമാണ്.