വിറ്റമിന് സിയുടെ കുറവ് അത്ര നിസ്സാരമല്ല, ഈ പ്രശ്നങ്ങൾ വന്നേക്കാം
Authored byഅഞ്ജലി എം സി | Samayam Malayalam7 Jun 2023, 8:54 am
ശരീരത്തില് വിറ്റമിന് സി കുറഞ്ഞാല് രോഗപ്രതിരോധശേഷി കുറയും എന്ന് മാത്രമാണ് പലരുടേയും ധാരണ. എന്നാല്, നമ്മളുടെ രോഗപ്രതിരോധശേഷിയെ മാത്രമല്ല, നമ്മളുടെ പല ആരോഗ്യത്തേയും ഇത് ബാധിക്കുന്നു എന്ന് തന്നെ പറയാം. അതിനാല്, വിറ്റമിന് സി കുറയാതിരിക്കാന് നമ്മള് ശ്രദ്ധിക്കേണ്ടത് ഏറ്റവും അനിവാര്യം തന്നെ. അതുപോലെ, ഇത് കുറയാതിരിക്കാന് എന്തെല്ലാം കാര്യങ്ങള് ശ്രദ്ധിക്കണം എന്നും നോക്കാം.
ചര്മ്മ പ്രശ്നങ്ങള്
വിറ്റമിന് സി കുറഞ്ഞാല് അത് നമ്മളുടെ ചര്മ്മത്തിന്റെ ആരോഗ്യത്തെ കാര്യമായി ബാധിക്കും. നമ്മളുടെ ചര്മ്മത്തിനെ നല്ല യുവത്വമുള്ളതാക്കി നിലനിര്ത്തണമെങ്കില് കൊളാജീന് അനിവാര്യമാണ്. ഈ കൊളാജീന് ഉല്പാദനം ത്വരിതപ്പെടുത്താന് വിറ്റമിന് സി അനിവാര്യമാണ്.
വിറ്റമിന് സി കുറയുമ്പോള് ചര്മ്മത്തില് നിന്നും കൊളാജീന്റെ അളവും കുറയുന്നു. ഇത് വരണ്ട ചര്മ്മം ഉണ്ടാകുന്നതിലേയ്ക്കും ചര്മ്മത്തില് ചൊറിച്ചില് പോലെയുള്ള പ്രശ്നങ്ങള് ഉണ്ടാകാനും, ചര്മ്മം ചുവന്ന് വരുന്നതിനുമെല്ലാം കാരണമാകുന്നുണ്ട്. അതിനാല്, നമ്മളുടെ ശരീരത്തില് വേണ്ടത്ര വിറ്റമിന് സി നിലനിര്ത്തേണ്ടത് അനിവാര്യം തന്നെ.
നമ്മളുടെ ശരീരത്തില് ഉണ്ടാകുന്ന മുറിവുകള് വേഗത്തില് ഉണങ്ങിയില്ലെങ്കില് അത് അണുബാധയ്ക്ക് കാരണമാകാറുണ്ട്. ഇത്തരത്തില് മുറിവുകള് ഉണങ്ങാന് കൊളാജീന് അനിവാര്യമാണ്. എന്നാല്, ശരീരത്തില് വിറ്റമിന് സി കുറയുമ്പോള് അത് കൊളാജീന് ഉല്പാദനം കുറയ്ക്കുന്നു.
പലരും ശരീരത്തില് മുറിവ് ഉണങ്ങാതിരിക്കുമ്പോള് അത് ശരീരത്തില് പ്രമേഹം ഉള്ളത് കൊണ്ടാണ് എന്ന് തെറ്റിധരിക്കും. എന്നാല്, പ്രമേഹം ഉള്ളത് കൊണ്ട് മാത്രമല്ല, വിറ്റമിന് സി കുറഞ്ഞാലും മുറിവുകള് ഉണങ്ങാന് കാലതാമസം എടുക്കുന്നതാണ്.
ഹൃദയത്തിന്റെ ആരോഗ്യം
ഹൃദയത്തിന്റെ ആരോഗ്യം നിലനിര്ത്തുന്നതില് വിറ്റമിന് സിയ്ക്ക് നല്ല പങ്കുണ്ട്. ഹൃദയത്തെ ബാധിക്കുന്ന അസുഖങ്ങള് കുറയ്ക്കാന് ശരീരത്തില് കൃത്യമായ അളവില് വിറ്റമിന് സി ഉണ്ടാകുന്നത് നല്ലതാണെന്ന് പഠനങ്ങള് പറയുന്നു. പെട്ടെന്ന് ഉണ്ടാകുന്ന രക്തസമ്മര്ദ്ദത്തെ നിയന്ത്രിക്കാന് ഇത് സഹായിക്കും.
പെട്ടെന്ന് രക്തസമ്മര്ദ്ദം വര്ദ്ധിച്ചാല് ഇത് ഹൃദയധമനികളില് ബ്ലോക്ക് ഉണ്ടാകുന്നതിന് കാരണമാവുകയും ഇത്, ഹാര്ട്ട് അറ്റാക്ക് വരുന്നതിന് കാരണമാവുകയും ചെയ്യുന്നു. അതിനാല് വിറ്റമിന് സി ശരീരത്തില് നിലനിര്ത്തുന്നത് നല്ലതാണ്.
അനീമിയ
ശരീരത്തില് കൃത്യമായി രക്തമില്ലെങ്കില് വിളര്ച്ച ഉണ്ടാകുന്നതിന് കാരണമാകുന്നു. അതുപോലെ, നഖങ്ങളുടെ ആരോഗ്യം പതിയെ നശിക്കാന് ആരംഭിക്കുന്നു. ചര്മ്മത്തില് വരെ വിളര്ച്ച ബാധിച്ച നിറം പിടികൂടുന്നു. വായയില് അള്സര് വരുന്നതിനും ശ്വസിക്കാന് ബുദ്ധിമുട്ട് അനുഭവപ്പെടുകയും ചെയ്യുന്നു. ഇത് മാത്രമല്ല, നമ്മളുടെ അവയവങ്ങളെല്ലാം പ്രവര്ത്തിക്കാന് വേണ്ട ഓക്സിജന് എത്തിക്കുന്നത് രക്തമാണ്. രക്തക്കുറവ് ഓക്സിജന് കൃത്യമായി എത്താത്തതിന് കാരണമാകുന്നു.
ശരീരത്തിലേയ്ക്ക് കൃത്യമായി അയേണ് എത്തണം. ഇത് എത്തണമെങ്കില് ശരീരത്തില് വിറ്റമിന് സി വേണം. വിറ്റമിന് സിയുടെ സഹായത്തോടെയാണ് ശരീരത്തിലേയ്ക്ക് അയേണ് ആഗിരണം ചെയ്യപ്പെടുന്നത്. അതിനാല്, വിറ്റമിന്സി അടങ്ങിയ ആഹാരങ്ങള് കഴിക്കുന്നത് നല്ലതാണ്.
നല്ല സിട്രസ് പഴങ്ങള് കഴിച്ചാല് അതില് നിന്നും നമ്മള്ക്ക് ശരീരത്തിന് വേണ്ട വിറ്റമിന് സി ലഭിക്കുന്നതാണ്. ദിവസേന നെല്ലിക്ക കഴിക്കുന്നത് വിറ്റമിന് സി ശരീരത്തില് എത്തിക്കുന്നതിന് സഹായിക്കുന്നു. അതുപോലെ, ബെറീസ്, ബ്രോക്കോളി, പൊട്ടാറ്റോ എന്നിവയിലെല്ലാം തന്നെ വിറ്റമിന് സി അടങ്ങിയിരിക്കുന്നു. അതിനാല്, ഇത്തരം ആഹാരങ്ങള് പരമാവധി നിങ്ങളുടെ ഡയറ്റിന്റെ ഭാഗമാക്കുന്നത് നല്ലതാണ്.
പത്ര പ്രവര്ത്തന മേഖലയുടെ ചുവട് പിടിച്ച് മാധ്യമ രംഗത്തേയ്ക്ക് കയറി വന്ന വ്യക്തിയാണ് അഞ്ജലി. സ്കൂള് കാലഘട്ടം മുതല് സാഹിത്യത്തിലും എഴുത്തിലും സജീവമായിരുന്ന അഞ്ജലി, തന്റെ എഴുത്തിനോടും അറിവിനോടുമുള്ള പ്രിയമാണ് മാധ്യമ രംഗത്തേയ്ക്ക് തിരിയാന് പ്രേരിപ്പിച്ചത്. മാധ്യമ മേഖലയില് മൂന്ന് വര്ഷത്തെ പ്രവര്ത്തി പരിചയമുള്ള അഞ്ജലി ലൈഫ്സ്റ്റൈൽ ആണ് കൈകാര്യം ചെയ്യുന്നത്. ഇത് കൂടാതെ, പുസ്തകങ്ങളും വായനയും ഏറെ ഇഷ്ടപ്പെടുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.