കണ്‍ജങ്ടീവ് ഹൃദയ പ്രശ്‌നങ്ങള്‍
കണ്‍ജങ്ടീവ് ഹൃദയ പ്രശ്‌നങ്ങള്‍ കുട്ടികള്‍ക്കുണ്ടാകാന്‍ സാധ്യത പലപ്പോഴും ജനനത്തോട് കൂടി തന്നെയാണ്. അതായത് ജന്മനാ ഇത്തരം പ്രശ്‌നവുമായി ജനിയ്ക്കുന്ന കുട്ടികള്‍. ഇവര്‍ക്ക് വേണ്ട ചികിത്സകള്‍ ലഭ്യമാക്കിയില്ലെങ്കില്‍ കോറോണറി ആര്‍ട്ടറിയില്‍ ബ്ലോക്ക് വന്ന് അറ്റാക്ക് വരാനുള്ള സാധ്യത കൂടുതലാണ്. ജന്മനാ 1 ശതമാനം കുട്ടികളില്‍ മാത്രമാണ് ഈ പ്രശ്‌നം കണ്ടു വരുന്നത്. ഇടതു ഭാഗത്തെ ആര്‍ട്ടറിയിലുണ്ടാകുന്ന പ്രശ്‌നം കാരണവും ഇതുണ്ടാകാം. അനോമലസ് ഒറിജിന്‍ ഓഫ് ലെഫ്‌ററ് കൊറോണറി ആര്‍ട്ടറി എന്നാണ് ഇത് അറിയപ്പെടുന്നത്. ഹൃദയത്തിലെ അയോട്ടയുമായി ബന്ധപ്പെടേണ്ട ആര്‍ട്ടറി പകരം പള്‍മണറി ആര്‍ട്ടറിയുമായി ബന്ധപ്പെട്ടു വരുന്നു. ഇതിനാല്‍ ഹൃദയത്തിന് വേണ്ടത്ര രക്തം ലഭിയ്ക്കുന്നുമില്ല. ഇത് അറ്റാക്കിന് കാരണമാകുന്നു.
അക്വയേഡ് ഹാര്‍ട്ട് ഡിസീസ്
അക്വയേഡ് ഹാര്‍ട്ട് ഡിസീസ് എന്നത് ജന്മനാ ഉള്ള തകരാറല്ല, പകരം ജനിച്ച ശേഷമുണ്ടാകുന്ന പ്രശ്‌നമാണ്. ഇതില്‍ ഒന്ന് റ്യുമാറ്റിക് ഹാര്‍ട്ട് ഡിസീസ് എന്ന ഒന്നാണ്. ഇതാണ് കുട്ടികളില്‍ കൂടുതലായി കണ്ടു വരുന്ന ഹൃദയ പ്രശ്‌നം. റ്യുമാറ്റോയ്ഡ് ഫീവര്‍ കാരണമാണ് ഇതുണ്ടാകുന്നത്. ഇത് നീണ്ടു നില്‍ക്കുമ്പോള്‍, അതായത് വേണ്ട രീതിയില്‍ ചികിത്സ തേടാതിരിയ്ക്കുമ്പോള്‍ ഹൃദയത്തെ ബാധിയ്ക്കാം. ഇത് ഹൃദയത്തിന്റെ ചേമ്പറുകളെ ദുര്‍ബലവുമാക്കാം. ഇത് ഹൃദയാഘാതത്തിലേയ്ക്ക് നയിക്കാം.
കാവസാക്കി രോഗം
കാവസാക്കി രോഗം കുട്ടികള്‍ക്ക് ഹൃദയ പ്രശ്‌നങ്ങള്‍ക്കുള്ള സാധ്യതയുണ്ടാക്കുന്ന ഒന്നാണ്. ഇത് കൊറോണറി ആര്‍ട്ടറികളില്‍ വീക്കമുണ്ടാക്കുന്നു. ഇതിന്റെ ഒരു ലക്ഷണം പെട്ടെന്നുണ്ടാകുന്ന പനിയാണ്. ചര്‍മത്തില്‍ തടിപ്പുകള്‍, കണ്ണുകളുടെ വെള്ള ഭാഗത്ത് ചുവപ്പും അസ്വസ്ഥതയും, വായിലും ചുണ്ടിലും തൊണ്ടയിലും അസ്വസ്ഥതയും വീക്കവും, ലിംഫ് ഗ്ലാന്റുകള്‍ വീര്‍ക്കുക, കാലിലും കയ്യിലുമുള്ള എഡിമ, അതായത് നീരു വന്ന അവസ്ഥ എന്നിവയും കാവസാക്കി കാരണം പ്രശ്‌നമുണ്ടാകുമ്പോള്‍ വരുന്ന ലക്ഷണങ്ങളാണ്.
എന്ന കണ്ടീഷനുകളും കുട്ടികളില്‍
മയോകാര്‍ഡൈറ്റിസ്, പെരികാര്‍ഡൈറ്റിസ് എന്ന കണ്ടീഷനുകളും കുട്ടികളില്‍ കാണാറുണ്ട്. ആദ്യത്തേത് ഹാര്‍ട്ട് മസിലുകള്‍ക്കുണ്ടാകുന്ന വീക്കമാണ്. രണ്ടാമത്തേത് ഹൃദയ അറകളിലുണ്ടാകുന്ന വീക്കവും. ഇതല്ലാതെ നെഞ്ചിന് ആക്‌സിഡന്റ് കാരണമോ കഠിനമായ വീഴ്ച കാരണമോ അല്ലാത്ത രീതിയിലോ ആഘാതങ്ങള്‍ ശക്തിയായി ഏല്‍ക്കുന്നതും പെട്ടെന്നുള്ള അറ്റാക്കിന് വഴിയൊരുക്കാം. ഇത് കുട്ടികള്‍ക്കും മുതിര്‍ന്നവര്‍ക്കും ഒരു പോലെ വരാന്‍ സാധ്യതയുള്ള ഒന്നാണ്. കുട്ടികള്‍ക്കുണ്ടാകുന്ന ഹൃദയ പ്രശ്‌നങ്ങള്‍ തളര്‍ച്ച, വിശപ്പു കുറവ്, വിളര്‍ച്ച, ശ്വാസസംബന്ധമായ തടസങ്ങള്‍, ഹൈപ്പോടെന്‍ഷന്‍, പള്‍സ് വീക്കാകുക, ഹൃദയമിടിപ്പിന്റെ താളം തെറ്റുക എന്നിവയെല്ലാമാണ്. ഇത്തരം കാര്യങ്ങള്‍ കുട്ടികളില്‍ കണ്ടാല്‍ ഉടന്‍ കാരണമറിയാന്‍ മെഡിക്കല്‍ സഹായം തേടുകയും ചികിത്സ തേടുകയും ചെയ്യുക. വേണ്ട സമയത്ത് ചികിത്സ കിട്ടിയാല്‍ കുട്ടിയെ നമുക്ക് രക്ഷിച്ചെടുക്കുവാന്‍ കഴിയും. .ginger combo pack for hair growth: മുടി തഴച്ച് വളരാന്‍ ഇഞ്ചി ഒറ്റമൂലി