ആരോഗ്യകരമായ ഭക്ഷണശീലം
പ്രതിരോധ ശേഷി എല്ലായ്പ്പോഴും സ്വയം ആരോഗ്യമുള്ളതാക്കി നിലനിർത്തുന്നത് വഴി കാലാനുസൃതമായി ഉണ്ടാവുന്ന ജലദോഷം, പനി, അണുബാധ തുടങ്ങിയ പ്രശ്നങ്ങളിൽ നിന്നെല്ലാം നമുക്ക് സംരക്ഷണം നൽകുകയും ശരീരത്തിന് ഉള്ളിൽ നിന്ന് ഗുണങ്ങൾ പകരുകയും ചെയ്യുന്നു. ആരോഗ്യകരമായ ജീവിതശൈലി നേടിയെടുക്കുന്ന കാര്യത്തിൽ നമ്മുടെ ദൈന്യദിന ഭക്ഷണശീലം ഒരു പ്രധാന പങ്ക് വഹിക്കുന്നുണ്ട്. എല്ലാ അവശ്യ പോഷകങ്ങളും അടങ്ങിയ സമീകൃതാഹാരം നമ്മുടെ മൊത്തത്തിലുള്ള മനസ്സിൻ്റെയും ശരീരത്തിൻ്റെയും ആരോഗ്യത്തെ ഉത്തേജിപ്പിക്കുന്നു. ആരോഗ്യ വിദഗ്ധരുടെ അഭിപ്രായത്തിൽ, ശരീരത്തിന് ആരോഗ്യം പകരുന്ന ഒരു ഭക്ഷണക്രമം നിലനിർത്തുന്നതിനായി ശരിയായ സമയത്ത് പോഷകസമൃദ്ധമായ പച്ചക്കറികൾ, പഴങ്ങൾ തുടങ്ങിയവ ശരിയായ അളവിൽ കഴിക്കേണ്ടതുണ്ട്.
അടുക്കളയിലേയ്ക്ക്
രോഗ പ്രതിരോധശേഷി വർദ്ധിപ്പിക്കാനായി നമുക്ക് ചെയ്യാൻ കഴിയുന്ന കൂടുതൽ കാര്യങ്ങളുണ്ട്. നമ്മുടെ അടുക്കളയിലെ സുഗന്ധവ്യഞ്ജനങ്ങളുടെ പട്ടികയിൽ പോഷകഗുണമുള്ള ധാരാളം കറിക്കൂട്ടുകളും സുഗന്ധവ്യഞ്ജനങ്ങളും ഉണ്ടെന്ന കാര്യം അറിയാമല്ലോ. സുഗന്ധവ്യഞ്ജനങ്ങളെല്ലാം പണ്ടുമുതലേ ആയുർവേദ വൈദ്യശാസ്ത്രത്തിന്റെ ഭാഗം കൂടിയാണ്. നമ്മുടെ രോഗപ്രതിരോധശേഷി സ്വാധീനിക്കാൻ ശേഷിയുള്ള പ്രധാന ചെരുവകളിൽ ചിലതാണ് അടുക്കളയിലെ മഞ്ഞളും, കറുവപ്പട്ടയും ഇഞ്ചിയുമൊക്കെ. ഇന്ന് നമുക്ക് മഞ്ഞൾ-കറുവാപ്പട്ട-ഇഞ്ചി എന്നീ മൂന്ന് ചേർത്തുകൊണ്ട് തയ്യാറാക്കാൻ കഴിയുന്ന ഒരു ഹെൽത്തി ഡ്രിങ്കിനെപ്പറ്റി അറിഞ്ഞാലോ ?ഒട്ടനവധി ആന്റിഓക്സിഡന്റുകളും ആൻറി ഇൻഫ്ളമേറ്ററി ഗുണങ്ങളും ഉൾക്കൊള്ളുന്ന ഈ ലഘു പാനീയം നിങ്ങളുടെ പ്രതിരോധശേഷി വർദ്ധിപ്പിക്കാൻ സഹായിക്കും.
Also read: ഇവയൊന്നും തൈരുമായി ചേർത്ത് കഴിക്കരുത്, അപകടമാണ്
മഞ്ഞൾ-കറുവാപ്പട്ട-ഇഞ്ചി ചായയുടെ ആരോഗ്യ ഗുണങ്ങൾ
ഈ മൂന്ന് സുഗന്ധവ്യഞ്ജനങ്ങളും ആന്റിഓക്സിഡന്റുകളും ആൻറി-ഇൻഫ്ലമേറ്ററി പ്രോപ്പർട്ടികൾ കൊണ്ടു നിറഞ്ഞതാണ്. ഇത് നിങ്ങളുടെ പ്രതിരോധശേഷിയെ മെച്ചപ്പെടുത്താനും ശരീരത്തെ വീക്കത്തിൽ നിന്ന് സംരക്ഷിക്കാനും സഹായിക്കും. ജലദോഷം, പനി എന്നിവയുടെ ലക്ഷണങ്ങളിൽ നിന്ന് കൂടുതൽ സംരക്ഷണം നൽകാൻ ഈ ഘടകങ്ങൾക്ക് കഴിവുണ്ട്. ഈ സുഗന്ധവ്യഞ്ജനങ്ങളെല്ലാം നമ്മുടെ ഭക്ഷണത്തിൽ ഉൾപ്പെടുത്തുന്നത് വഴി ദഹനം, ഉപാപചയം എന്നിവ മെച്ചപ്പെടുകയും മൊത്തത്തിലുള്ള ആരോഗ്യസ്ഥിതി പ്രോത്സാഹിപ്പിക്കുകയും ചെയ്യുന്നു. വിദഗ്ദ്ധരുടെ അഭിപ്രായത്തിൽ ഈ പാനീയം കുടിക്കുന്നത് വഴി ആരോഗ്യകരമായ മെറ്റബോളിസം നിലനിർത്താൻ കഴിയുകയും ശരീരഭാരം കുറയ്ക്കുന്നതിനു സഹായിക്കുകയും ചെയ്യുന്നു. കറുവപ്പട്ട, മഞ്ഞൾ എന്നിവ പോഷകങ്ങളാൽ സമ്പുഷ്ടമാണ്, ഇത് ദഹനനാളത്തിലെ കാർബണുകളുടെ തകർച്ചയെ മന്ദീഭവിപ്പിക്കുകയും പ്രമേഹത്തെ നിയന്ത്രിച്ചു നിർത്തുകയും ചെയ്യുന്നു.
Also read: ആയുർവേദം പറയുന്നു, വെള്ളം കുടിക്കേണ്ടത് ഇങ്ങനെ
മഞ്ഞൾ-കറുവാപ്പട്ട-ഇഞ്ചി ചായ എങ്ങനെ ഉണ്ടാക്കാം?
വേണ്ടത് :
അര ഇഞ്ച് കറുവപ്പട്ട
അരക്കഷണം ഇഞ്ച് ഇഞ്ചി
അര ഇഞ്ച് മഞ്ഞൾ അല്ലെങ്കിൽ അർ ടീസ്പൂൺ മഞ്ഞൾപ്പൊടി
വെള്ളം
തയ്യാറാക്കേണ്ട രീതി
സ്റ്റെപ്പ് 1
എല്ലാ ചേരുവകളും കുറഞ്ഞത് 15 മിനിറ്റ് വെള്ളത്തിലിട്ട് തിളപ്പിക്കുക. ഇടത്തരം അല്ലെങ്കിൽ കുറഞ്ഞ തീയിലാവണം ഇത് ചെയ്യേണ്ടത്
സ്റ്റെപ്പ് 2
തയ്യാറായ ചായ ഒരു കപ്പിൽ അരിച്ചെടുത്ത് ഒഴിക്കുക. രുചി മെച്ചപ്പെടുത്താനായി നിങ്ങൾക്ക് വേണമെങ്കിൽ കുറച്ച് തേനും നാരങ്ങയും ചേർക്കാം.
സ്റ്റെപ്പ് 3
രുചിയും ആനുകൂല്യങ്ങളും ഉയർത്താനായി നിങ്ങൾക്ക് കുറച്ചു ഗ്രീൻ ടീ ഇലകളും ഇതിലേക്ക് ഉൾപ്പെടുത്താവുന്നതാണ്.
അവശ്യ പോഷകങ്ങൾ ധാരാളമായി ലോഡ് ചെയ്ത സുഗന്ധവ്യഞ്ജനങ്ങൾ ഉൾക്കൊള്ളുന്ന ഈയൊരു പാനീയം ഭക്ഷണത്തോടൊപ്പം ഒരു ഹെർബൽ ടീ രൂപത്തിൽ നമുക്ക് കഴിക്കുന്നത് നിങ്ങൾക്ക് മികച്ച ഗുണങ്ങൾ പകരും. രോഗവ്യാപനത്തിൻ്റെ ഈ ദിനങ്ങളിൽ നിങ്ങളുടെ രോഗപ്രതിരോധശേഷി മെച്ചപ്പെടുത്തികൊണ്ട് സീസണൽ അണുബാധകളിൽ നിന്ന് നിങ്ങളെ സംരക്ഷിക്കാനും ശരീരത്തെ സാന്ത്വനിപ്പിക്കാനും ഇതിൻ്റെ ഉപയോഗം വഴി സാധിക്കും.