തുളസി
ആയുര്വേദ ഗുണങ്ങള് വളരെയധികം അടങ്ങിയിട്ടുള്ളതാണ് തുളസി. പല ആരോഗ്യ പ്രശ്നങ്ങള്ക്കും പരിഹാരം നല്കുന്നതാണ് തുളസി. രക്തസമ്മര്ദ്ദം ഉയര്ത്താന് തുളസി വളരെയധികം സഹായിക്കും. രക്തസമ്മര്ദ്ദം കുറയുമ്പോള് തുളസിയിട്ട ചായ കുടിക്കുന്നത് ഗുണം ചെയ്യും.
ഉപ്പ്
കുറഞ്ഞ രക്തസമ്മര്ദ്ദം നിയന്ത്രണത്തിലാക്കാന് നിരവധി മരുന്നുകളും ചികിത്സകളും ലഭ്യമാണ്. അര ടീസ്പൂണ് ഉപ്പ്, അതായത് കല്ല് ഉപ്പ് (2.4 ഗ്രാം) ഒരു ഗ്ലാസ് വെള്ളത്തില് ഇട്ട് കുടിക്കുന്നത് താഴ്ന്ന രക്തസമ്മര്ദ്ദം സാധാരണ നിലയിലാക്കാന് സഹായിക്കും. നാരങ്ങ വെള്ളത്തില് ഉപ്പിട്ട് കുടിക്കുന്നതും രക്തസമ്മര്ദ്ദം കൂട്ടാന് സഹായിക്കും. ഗര്ഭിണികള്ക്ക് ഇത്തരത്തില് പ്രശ്നമുണ്ടായാല് ഡോക്ടറെ സമീപിച്ച ശേഷം മാത്രമേ ഉപ്പ് കഴിക്കാന് പാടുള്ളൂ.
ഇരട്ടിമധുരം
നിരവധി ഔഷധ ഗുണങ്ങളുള്ളതാണ് ഇരട്ടി മധുരം. ഇതിന്റെ വേര് രക്തസമ്മര്ദ്ദം കുറയ്ക്കാന് സഹായിക്കും. ശരീരത്തെ സംരക്ഷിക്കാനുള്ള ശേഷി ഇരട്ടി മധുരത്തിനുണ്ട്. ഇരട്ടി മധുരം കൊണ്ട് ചായ ഉണ്ടാക്കി കുടിക്കുന്നത് ഗുണം ചെയ്യും.
ജ്യൂസുകള്
പച്ചക്കറികള് ആരോഗ്യത്തിന് എത്ര നല്ലതാണെന്ന് പറഞ്ഞ് അറിയിക്കേണ്ട കാര്യമില്ല. ബീറ്റ്റൂട്ട് ജ്യൂസും കാരറ്റ് ജ്യൂസും രക്തസമ്മര്ദ്ദം ഉയര്ത്താന് വളരെയധികം സഹായിക്കും. ആരോഗ്യത്തിന് ഏറ്റവും മികച്ചത് കൂടിയാണ് ഈ പാനീയങ്ങള്.
ശ്രദ്ധിക്കുക: അടിയന്തര ചികിത്സ എന്ന നിലയിൽ ഇവയെല്ലാം ചെയ്യാമെങ്കിലും രോഗിയെ എത്രയും വേഗം ആശുപത്രിയിൽ എത്തിക്കുന്നതാണ് ഏറ്റവും ഉചിതം.