വെളുത്തുള്ളി
പാല് സമീകൃതാഹാരമാണ്. എന്നാല് പാല് പലര്ക്കും ഗ്യാസ് പ്രശ്നമുണ്ടാക്കും. തണുത്ത പാല് ഇതിനൊരു പരിഹാരമാണ്. ഇതു പോലെ തന്നെ വെളുത്തുള്ളി ഗ്യാസ്, അസിഡിറ്റി പ്രശ്നങ്ങള്ക്ക്് നല്ലതാണ്. നല്ല ദഹനത്തിനും ഇതു നല്ലതാണ്. പാലില് വെളുത്തുള്ളിയിട്ടു തിളപ്പിച്ചു കുടിയ്ക്കുന്നത് ഗ്യാസ് പ്രശ്നത്തിനുള്ള നല്ല പരിഹാരമാണ്. പാല് അസിഡിറ്റി വരുത്താതിരിയ്ക്കാന് സഹായിക്കുന്ന വഴിയുമാണിത്. പാലിന്റെ ഔഷധ ഗുണം വര്ദ്ധിപ്പിയ്ക്കുന്ന ഒന്നു കൂടിയാണ് ആന്റി ഓക്സിഡന്റുകള് അടങ്ങിയ വെളുത്തുള്ളി ചേര്ത്തു കഴിയ്ക്കുന്നത്. വെളുത്തുളളി അരിഞ്ഞ് തൈരില് ചേര്ത്തു കഴിയ്ക്കുന്നതും വെളുത്തുള്ളിയല്ലി ചുട്ടു കഴിയ്ക്കുന്നതുമെല്ലാം തന്നെ ഏറെ ഗുണം നല്കുന്നു.
അയമോദകം
ഗ്യാസ് ട്രബിളിന് ഉത്തമ പരിഹാര മാർഗ്ഗമാണ് അയമോദകം. അയമോദകമിട്ട് തിളപ്പിച്ച വെള്ളം ചെറു ചൂടിൽ കുടിയ്ക്കുന്നത് ഗ്യാസ് ട്രബിളിനെ ഇല്ലാതാക്കാൻ സഹായിക്കും. ഇത് ദിവസവും ശീലമാക്കുന്നത് വളരെ നല്ലതാണ്.അയമോദകവും ലേശം ഇന്തുപ്പും കൂടി കഴിയ്ക്കുന്നതും ഗ്യാസ് പ്രശ്നങ്ങള്ക്കുള്ള നല്ലൊരു പരിഹാരമാണ്. വായുകോപം, ദഹനക്കേട്, കുടലിലെ അണുബാധ എന്നിവ മൂലം ഉണ്ടാകുന്ന വേദനയ്ക്കും അയമോദകം ഫലപ്രദമാണ്.
ഗ്യാസ് ട്രബിളിന്റെ പ്രശ്നം ഉള്ളവർ രാവിലെ എഴുന്നേറ്റ ഉടനെ രണ്ടു ഗ്ലാസ്സ് തിളപ്പിച്ചാറ്റിയ വെള്ളം കുടിയ്ക്കുന്നത് ഏറെ നല്ലതാണ്.ഇത് ആമാശയത്തിൽ തങ്ങി നിൽക്കുന്ന ദഹന രസത്തെ നേർപ്പിയ്ക്കുകയും ഗ്യാസ്ട്രബിളിനെ ഇല്ലാതാക്കുകയും ചെയ്യുന്നു.
ഇഞ്ചി
ഇഞ്ചി വയറിന്റെ പല പ്രശ്നങ്ങള്ക്കുമുള്ള മരുന്നാണ്. ഇഞ്ചി ചെറുതായി നുറുക്കുക. ഇത് നെയ്യില് വറുക്കുക. പിന്നീട് ലേശം പഞ്ചസാരയും ചേര്ത്ത് ഇടയ്ക്കിടെ കഴിയ്ക്കാം. ഗ്യാസ്, അസിഡിറ്റി പ്രശ്നനത്തിനും നല്ല ദഹനത്തിനുമെല്ലാം ഇതേറെ നല്ലതാണ്. ഇതു പോലെ ഇഞ്ചി നീരും ചെറുനാരങ്ങാനീരും സമം കലര്ത്തി ഇതില് ലേശം ഇന്തുപ്പു ചേര്ത്ത് കഴിയ്ക്കുന്നതും ഗ്യാസ്, അസിഡിറ്റി പ്രശ്നങ്ങള്ക്ക് മരുന്നാണ്. ഏറെ ഗുണകരമാണ് ഇത്തരം വഴികള്. Also read: കൊറോണ വൈറസ് വായുവിലൂടെ പകരുമോ, വാസ്തവമിതാ...
തേന്
തേന് ഗ്യാസ്, അസിഡിറ്റി പ്രശ്നങ്ങള്ക്ക് നല്ലതാണ്. ഇതിന്റെ ആല്ക്കലൈന് സ്വഭാവമാണ് ഇതിനു സഹായിക്കുന്നത്. കുടലിനെ ശാന്തമാക്കാന്, കുടലിലെ അസിഡിക് സ്വാഭാവം മാറ്റാന് ഇതിനാകും. തേന് പച്ചവെള്ളത്തില് ചേര്ത്തു കഴിച്ചാല് ഗ്യാസിന് നല്ല പരിഹാരമാണ്. .ഇതു പോലെ ചുക്ക്, ജീരകം, ഏലയ്ക്ക, ഗ്രാമ്പൂ എന്നിവയെല്ലാം തന്നെ നല്ലൊരു മരുന്നാണ്. ഇവയെല്ലാം തുല്യ അളവിലെടുത്ത് പൊടിച്ചു കഴിയ്ക്കാം. വേണമെങ്കില് ഇതില് ലേശം തേന് ചേര്ക്കാം. വയറിന്റെ ആരോഗ്യത്തിന് ഉത്തമമാണിത്.
കുരുമുളക്
ഇഞ്ചി, കുരുമുളക്, ജീരകം എന്നിവ ചേര്ന്നാലും ഇതിനു പരിഹാരമാകും. കുരുമുളകും ജീരകവും തുല്യ അളവിലെടുത്ത് പൊടിച്ച് ഇത് ഇഞ്ചി നീരില് കലര്ത്തി കഴിയ്ക്കാം. ദഹന പ്രശ്നങ്ങള്ക്കും ഗ്യാസ്, അസിഡിറ്റി പ്രശ്നങ്ങള്ക്കുമെല്ലാം തന്നെ ഇതു നല്ലൊരു മരുന്നാണ്. ഇതുപോലെ ഇന്തുപ്പും അയമോദകവും ഇതിനുള്ള നല്ല മരുന്നാണ്. ഇന്തുപ്പ് ഔഷധ ഗുണങ്ങളുള്ള ഒന്നാണ്. ഇതും അല്പം അമയോദകം അഥവാ അജെവെയ്ന് കലര്ത്തി ഇടയ്ക്കു കഴിയ്ക്കാം. ഗ്യാസ് പെട്ടെന്നു ശമിയ്ക്കും.