ലോ ബ്ലഡ് പ്രഷര്‍; കാരണങ്ങളും പരിഹാരവും

ബ്ലഡ് പ്രഷർ അഥവാ രക്ത സമ്മർദ്ദത്തെ കുറിച്ച് അറിയാത്തവർ നമുക്ക് ചുറ്റും കുറവാണ്. എന്നാൽ ഏറ്റവും കൂടുതൽ നാം കേൾക്കുന്നതും സംസാരിക്കുന്നതും ഹൈ ബ്ലഡ് പ്രഷറിനെ പറ്റിയാണ്. എന്നാൽ രക്തസമ്മർദ്ദം കൂടുന്നത് പോലെ തന്നെ അപകടകാരിയാണ് രക്തസമ്മർദ്ദം കുറയുന്ന അവസ്ഥ അല്ലെങ്കിൽ ലോ ബിപി.

തല കറക്കമോ ക്ഷീണമോ ഉണ്ടായാൽ പലരും അത് കാര്യമാക്കാറില്ല. ബ്ലഡ് പ്രഷർ കുറഞ്ഞാൽ തലച്ചോറിലേക്കുള്ള ഓക്സിജന്‍റെയും പോഷകങ്ങളുടെയും ഒഴുക്ക് തടസപ്പെടും. നിർജ്ജലീകരണം, ഹൃദയ സംബന്ധമായ രോഗങ്ങൾ, എന്നിവ മൂലം ലോ ബിപി ഉണ്ടാകാം. പുറം ജോലികൾ ചെയ്യുന്നവർ ഒരു കാരണവശാലും നിർജലീകരണം ഉണ്ടാകാൻ ഇടയാകരുത്. ഗർഭാവസ്ഥരായ സ്ത്രീകളിൽ ബിപി കുറയാനുള്ള സാധ്യത കൂടുതലാണ്. എന്നാൽ തുടർച്ചയായി ബിപി കുറഞ്ഞാൽ അത് അപകടമാണ്.

പരിഹാരം

സാധാരണ ഭക്ഷണത്തിൽ ഉപ്പിന്‍റെ അളവ് കുറയ്ക്കാനാണ് ആവശ്യപ്പെടുന്നതെങ്കിൽ ലോ ബിപി ഉള്ളവർ ഉപ്പിന്‍റെ അളവ് കൂട്ടുക. കൂടുതൽ വെള്ളം കുടിക്കുക.

വീട്ടില്‍ തന്നെ തയ്യാറാക്കി ദിവസവും രണ്ടു നേരം ബീറ്റ്റൂട്ട് സത്ത് കുടിക്കുന്നത് ലോ ബിപി നിയന്ത്രിക്കാൻ സഹായിക്കും. ദിവസവും വ്യായാമം ശീലമാക്കുക. നല്ല കടുപ്പത്തിൽ ഒരു കപ്പ് കാപ്പി കുടിക്കുന്നതും ലോ ബിപി നിയന്ത്രിക്കാൻ നല്ലതാണ്.

Home remedies to cure low blood pressure