How Ashwagandha Helps To Reach Your Weight Loss Goal According To Expert
Ashwagandha: തടി കുറയ്ക്കാൻ അശ്വഗന്ധ ഇങ്ങനെ ഉപയോഗിക്കാം
അശ്വഗന്ധ ഒരു ആയുർവേദ സസ്യമണ്. തടി കുറയ്ക്കാനും ഒപ്പം പല തരത്തിലെ ആരോഗ്യ ഗുണങ്ങൾക്കും ഇത് വിവിധ രീതികളിൽ ഉപയോഗിയ്ക്കാം.
Samayam Malayalam27 Feb 2023, 8:24 pm
അശ്വഗന്ധ (Ashwagandha) ആയുർവേദത്തിൽ ഉപയോഗിച്ചു വരുന്ന ഒരു സസ്യമാണ്. ഏറെ ആരോഗ്യ ഗുണങ്ങളുള്ള ഇത് ഇന്ത്യൻ ജിൻസെംഗ്, വിന്റർ ചെറി തുടങ്ങിയ പേരുകളിലും അറിയപ്പെടുന്ന ഒന്നാണ്.ഇന്ത്യയിലും നേപ്പാളിലും കണ്ടു വരുന്ന ഇത് തടി കുറയ്ക്കാൻ ഏറെ ഗുണം നൽകുന്ന ഒന്നാണെന്ന് വിദ്ഗ്ധർ അഭിപ്രായപ്പെടുന്നു. Dr. G Sushma Kumari (Consultant - Dietetics & Nutrition, CARE Hospitals, Banjara Hills, Hyderabad) അശ്വഗന്ധ ശരീരത്തിലെ ഇൻഫ്ളമേഷൻ കുറയ്ക്കാൻ സഹായിക്കുന്നുവെന്ന് പറയുന്നു. ഇൻഫ്ളമേഷൻ അഥവാ വീക്കം ശരീരം തടിയ്ക്കാൻ ഇടയാക്കുന്ന ഒന്നാണ്. ഇത് ശരീരത്തിലെ മെറ്റബോളിസവും കുറയ്ക്കുന്നു. ഇൻഫ്ളമേഷൻ കുറയ്ക്കുന്നതിനാൽ മെറ്റബോളിസം ശരിയായി നടക്കുന്നു. ഇത് തടി കുറയ്ക്കാൻ സഹായിക്കുന്നു.
സ്ട്രെസ്, ഉത്കണ്ഠ
ഇത് സ്ട്രെസ്, ഉത്കണ്ഠ തുടങ്ങിയ പ്രശ്നങ്ങൾ കുറയ്ക്കാൻ സഹായിക്കുന്ന ഒന്നാണ്. ഇതാണ് തടി കുറയ്ക്കാൻ സഹായിക്കുന്ന ഒരു ഘടകം. സ്ട്രെസ് പോലുള്ള പ്രശ്നങ്ങൾ കോർട്ടിസോൾ ഹോർമോൺ ഉൽപാദനത്തിന് കാരണമാകുന്നു. ശരീരം തടിപ്പിയ്ക്കുന്ന ഒന്നാണ് ഈ ഹോർമോൺ. പലരും സ്ട്രെസ് വരുമ്പോൾ അമിതമായി ഭക്ഷണം കഴിയ്ക്കും. ഇത് തടി കൂടാൻ ഇടയാക്കുന്ന ഒന്നാണ്. അശ്വഗന്ധ സ്ട്രെസ് നിയന്ത്രിയ്ക്കാൻ സഹായിക്കുന്ന ഒന്നാണ്.
ഉപാപചയ പ്രക്രിയ
അശ്വഗന്ധ ശരീരത്തിന്റെ ഉപാപചയ പ്രക്രിയ ശക്തിപ്പെടുത്തുന്ന ഒന്നാണ്. ഇതാണ് തടി കുറയ്ക്കാൻ സഹായിക്കുന്ന മറ്റൊരു ഘടകം. മെറ്റബോളിസം അഥവാ ഉപാപചയ പ്രക്രിയ ശക്തിപ്പെടുമ്പോൾ ശരീരത്തിലെ കൊഴുപ്പ് വേഗത്തിൽ പുറന്തപ്പെടുന്നു. ശരീരത്തിലെ ഇൻഫ്ളമേഷൻ അഥവാ വീക്കം കുറയ്ക്കാനും ഇതേറെ നല്ലതാണ്. ഇൻഫ്ളമേഷൻ ശരീരത്തിൽ കൊഴുപ്പ് അടിഞ്ഞ് കൂടാൻ ഇടയാക്കുന്നു. ഇത് മെറ്റബോളിസം കുറയ്ക്കുകയും ചെയ്യുന്നു. ഇതും തടി കൂട്ടുന്നു. ശരീരത്തിന് മറ്റ് പല ഗുണങ്ങളും അശ്വഗന്ധ നൽകുന്നു. ഇത് ഊർജം വർദ്ധിപ്പിയ്ക്കുന്നു. ക്ഷീണമകറ്റുന്നു. ഇത് തടി കുറയ്ക്കുമെങ്കിലും ഒരു മാജിക് മരുന്നല്ല. ശരിയായ വ്യായാമത്തിനും ഭക്ഷണത്തിനും ഒപ്പം ഇത് ഉപയോഗിയ്ക്കുന്നത് ഗുണം നൽകും. ഇത് കഴിയ്ക്കുന്നതിന് മുൻപ് ഡോക്ടർമാരുടെ ഉപദേശം തേടുന്നത് നല്ലതാണ്. കാരണം അളവ് കൂടിയാൽ ഇത് വയറിളക്കം പോലുള്ള പല പ്രശ്നങ്ങൾക്കും കാരണമാകുന്നു.
തടി കുറയ്ക്കാൻ
അശ്വഗന്ധ തടി കുറയ്ക്കാൻ സഹായിക്കുന്ന നാല് കൂട്ടുകൾ തയ്യാറാക്കാം. ആദ്യത്തേത് അശ്വഗന്ധ ടീ ആണ്. ഇതിനായി ഒരു ടീസ്പൂൺ ഉണങ്ങിയ അശ്വഗന്ധ വേരിന്റെ പൗഡർ, ഒരു കപ്പ് വെള്ളം, തേൻ അല്ലെങ്കിൽ ചെറുനാരങ്ങാനീര് എന്നിവ വേണം. തേനും നാരങ്ങയും വേണമെങ്കിൽ ചേർത്താൽ മതിയാകും. വെള്ളം തിളയ്ക്കുമ്പോൾ ഇതിലേയ്ക്ക് അശ്വഗന്ധ പൊടി ചേർത്തിലക്കി തിളപ്പിയ്ക്കാം. ഇത് പിന്നീട് ഊറ്റിയെടുത്ത് കുടിയ്ക്കാം.
അശ്വഗന്ധ ഗ്രീൻ സ്മൂത്തിയാണ് അടുത്തത്. ഇതിനായി വേണ്ടത് 1 സ്കൂപ് അശ്വഗന്ധ പൗഡർ, ഒരു കപ്പ് മധുരമില്ലാത്ത ബദാം മിൽക്, അരകപ്പ് ചീര, അര കപ്പ് ഫ്രോസൻ പൈനാപ്പിൾ, അര പഴം, ഒരു ടേബിൾ സ്പൂൺ ചിയ സീഡുകൾ എന്നിവയാണ്. ഇതെല്ലാം ചേർത്തടിച്ച് കുടിയ്ക്കാം. തടി കുറയ്ക്കാനും ആരോഗ്യത്തിനും ഗുണകരമാണിത്.
ഓട്സ്
അടുത്തത് അശ്വഗന്ധ ഓട്സ് ആണ്. ഇതിന് അര കപ്പ് ഓട്സ്, ഒരു സ്കൂപ്പ് അശ്വഗന്ധ പൊടി, ഒരു കപ്പ് മധുരമില്ലാത്ത ബദാം മിൽക്, ഒരു ടേബിൾ സ്പൂൺ ചിയ സീഡുകൾ, 1 ടേബിൾ സ്പൂൺ തേൻ, അര കപ്പ് മിക്സ്ഡ് ബെറികൾ എന്നിവയാണ്. ഇതെല്ലാം ചേർത്തിളക്കി കുടിയ്ക്കാം. രാത്രിയിൽ ഇത് കഴിയ്ക്കുന്നത് തടി കുറയ്ക്കാൻ നല്ലതാണ്. അത്താഴത്തിന് പകരം ഉപയോഗിയ്ക്കാവുന്ന ഒന്നാണിത്. ഇതല്ലെങ്കിൽ രാവിലെ കഴിയ്ക്കാം. രാത്രിയിൽ ഇത് തയ്യാറാക്കി ഫ്രിഡ്ജിൽ വയ്ക്കാം.
അശ്വഗന്ധ സാലഡ് രൂപത്തിലും കഴിയ്ക്കാം. ഇതിനായി 1 ടീസ്പൂൺ അശ്വഗന്ധ പൗഡർ, കാൽ കപ്പ് ഒലീവ് ഓയില്, 2 ടേബിൾ സ്പൂണ് ആപ്പിൾ സിഡെർ വിനെഗർ, 1 ടേബിൾ സ്പൂൺ തേൻ ഉപ്പ്, കുരുമുളക് പൊടി എന്നിവ വേണം. ഇതെല്ലാം ചേർത്തിളക്കി സാലഡ് ഡ്രസിംഗിന് ഉപയോഗിയ്ക്കാം. ഇതും നല്ലതാണ്. തടി കുറയ്ക്കാൻ ഇതും ഏറെ ഗുണകരമാണ്. തടി കുറയ്ക്കുന്നതിന് ഒപ്പം ഏറെ ആരോഗ്യ ഗുണങ്ങൾ കൂടി നൽകുന്നവയാണ് ഇത്തരം സാലഡുകൾ.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.