ജീരകം
ഇത്തരം വീട്ടുവൈദ്യങ്ങളില്‍ പെട്ട ഒന്നാണ് തൈര്, ജീരകം എന്നിവ. രണ്ടും ആരോഗ്യത്തിന് ഗുണകരമാണ്. തൈര് പോഷകങ്ങളുടെ കലവറയാണ്. ഇതിലെ പ്രോട്ടീന്‍ തടി കുറയ്ക്കാന്‍ സഹായിക്കുന്നു. സാധാരണ പ്രോട്ടീന്‍ ഭക്ഷണ വസ്തുക്കള്‍ തടി കുറയ്ക്കാന്‍ നല്ലതാണ്. ജീരകം ശരീരത്തിലെ അപചയ പ്രക്രിയ ശക്തിപ്പെടുത്തുന്നതിനും കൊഴുപ്പ് അലിയിച്ച് കളയുന്നതിനും ഏറെ നല്ലതാണ്. ഇതിനാല്‍ ജീരക വെളളം കുടിയ്ക്കുന്നത് കാര്യമായ ഗുണം ചെയ്യുമെന്ന് പറയുന്നു.
തൈര് കഴിച്ചാൽ ലഭിക്കുന്ന ഗുണങ്ങൾ ഇവയാണ്
ഇവ രണ്ടും ചേരുമ്പോള്‍
എന്നാല്‍ ഇവ രണ്ടും ചേരുമ്പോള്‍ കൊഴുപ്പ് കുറയ്ക്കുകയെന്ന ഗുണം ഇരട്ടിയാകുന്നു. അതായത് തൈരില്‍ അല്‍പം ജീരകം ചേര്‍ത്ത് കഴിയ്ക്കുന്നത്. മുഴുവന്‍ ജീരകമോ അല്‍പം ജീരകപ്പൊടിയോ ഇട്ട് കഴിച്ചാല്‍ മതിയാകും. സാന്ദ്രത കൂടിയ ജീരകം സപ്ലിമെന്റുകള്‍ തടി കുറയ്ക്കാന്‍ സഹായകമാണെന്ന് ക്ലിനിക്കല്‍ പഠനങ്ങള്‍ തെളിയിച്ചിട്ടുണ്ട്. തൈരില്‍ 3 ഗ്രാം ജീരകം ചേര്‍ത്ത് കഴിയ്ക്കുന്നത് ഇതില്ലാതെ തൈര് കഴിയ്ക്കുന്നതിനേക്കാള്‍ തടി കുറയ്ക്കാന്‍ സഹായകമാണെന്നും ഇത്തരം പഠനത്തില്‍ തെളിഞ്ഞിട്ടുണ്ട്. നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് അമിതവണ്ണമുള്ള 88 സ്ത്രീകളില്‍ നടത്തി പഠനത്തില്‍ ഇവര്‍ 3 ഗ്രാം ജീരകപ്പൊടി വീതം രണ്ട് ഭക്ഷണത്തില്‍ തൈരില്‍ ചേര്‍ത്ത് 3 മാസം അടുപ്പിച്ച് കഴിച്ചത് തടി കുറയ്ക്കാന്‍ സഹായിച്ചതായി പഠനങ്ങളില്‍ തെളിഞ്ഞിട്ടുണ്ട്.
കൊളസ്‌ട്രോള്‍
തൈരില്‍ ജീരകം ചേര്‍ത്ത് കഴിയ്ക്കുന്നത് നല്ല കൊളസ്‌ട്രോള്‍ വര്‍ദ്ധിപ്പിയ്ക്കാനും മോശം കൊളസ്‌ട്രോളായ എല്‍ഡിഎല്‍ കുറയ്ക്കാനും സഹായിക്കുന്നു. ഇത് കൊളസ്‌ട്രോള്‍ വര്‍ദ്ധിപ്പിയ്ക്കുന്ന ട്രൈഗ്ലിസറൈഡുകള്‍ കുറയ്ക്കാനും നല്ലതാണ്. ഇതുപോലെ പ്രമേഹത്തിനും ഗുണം നല്‍കുന്ന ഒന്നാണിത്. ഇതെല്ലാം തന്നെ ഒരു വിധത്തില്‍ അല്ലെങ്കില്‍ മറ്റൊരു വിധത്തില്‍ തടി കൂട്ടുന്ന ഘടകങ്ങള്‍ തന്നെയാണ്. ഇതെല്ലാം നിയന്ത്രിയ്ക്കാന്‍ തൈര്-ജീരകം കോമ്പോയ്ക്ക് സാധിയ്ക്കും.
വയറിന്റെ ആരോഗ്യത്തിന്
വയറിന്റെ ആരോഗ്യത്തിന് ഇത് മികച്ചതാണ്. ജീരകം ദഹനം വര്‍ദ്ധിപ്പിയ്ക്കുന്ന ഒന്നാണ്. തൈര് നല്ല ബാക്ടീരിയകളുടെ വര്‍ദ്ധനവിന് സഹായിക്കുന്ന ഒന്നാണ്. ഇവ രണ്ടും ഗ്യാസ്, അസിഡിറ്റി പ്രശ്‌നങ്ങള്‍ അകറ്റാന്‍ നല്ലതാണ്. തൈര് ദഹിയ്ക്കാന്‍ അല്‍പം സമയം വേണ്ട ഭക്ഷണ വസ്തുവാണ്. ഇതാണ് രാത്രിയില്‍ തൈര് ഒഴിവാക്കണമെന്ന് ആയുര്‍വേദം നിഷ്‌കര്‍ഷിയ്ക്കുന്നത്. എന്നാല്‍ ഇതില്‍ അല്‍പം ജീരകം ചേര്‍ത്ത് കഴിയ്ക്കുന്നത് ദഹനം എളുപ്പമാക്കാന്‍ സഹായിക്കുന്ന ഒന്നാണ്. ജീരകം വറുത്ത് പൊടിച്ച് ഈ പൊടി തൈരില്‍ ചേര്‍ത്ത് കഴിച്ചാല്‍ മതി.
