കുടല്‍ ആരോഗ്യത്തിന്
കുടല്‍ ആരോഗ്യത്തിന് രാവിലെ ഒരു ടീസ്പൂണ് നെയ്യ് എന്നത് ഏറെ നല്ലതാണ്. ഇത് കുടലിനെ ശാന്തമാക്കാന്‍ കഴിയുന്ന ഒന്നാണ്. ഗ്യാസ്, അസിഡിറ്റി പ്രശ്‌നങ്ങള്‍ക്കുള്ളള നല്ലൊരു പരിഹാരമാണ് രാവിലെ ഒരു ടീസ്പൂണ് നെയ്യ് കഴിയ്ക്കുന്നത്. ബ്യൂട്ടിറിക് ആസിഡിന്റെ മികച്ച ഉറവിടമാണ് നെയ്യ്. വൻകുടൽ കോശങ്ങൾ അവരുടെ പ്രിയപ്പെട്ട ഊർജ്ജ സ്രോതസ്സായി ബ്യൂട്ടിറിക് ആസിഡ് ഉപയോഗിക്കുന്നു.രാവിലെ ഒരു ഗ്ലാസ് ചെറുചൂടുവെള്ളവും ഒരു ടീസ്പൂണ് നെയ്യും കഴിയ്ക്കുന്നത് മലബന്ധം മാറ്റി നല്ല ശോധനയ്ക്ക് സഹായിക്കുന്ന ഒന്നാണ്.
രോഗപ്രതിരോധ സംവിധാനത്തെ
നെയ്യ് നമ്മുടെ രോഗപ്രതിരോധ സംവിധാനത്തെ ശക്തമാക്കുന്നു. മാത്രമല്ല, വൈറസ്, ഇൻഫ്ലുവൻസ, ചുമ, ജലദോഷം എന്നിവയെ തടയുന്ന ആൻറി ബാക്ടീരിയൽ, ഫംഗസ്, ആന്റിഓക്‌സിഡന്റ് ഗുണങ്ങൾ നെയ്യിൽ ഉണ്ട്. കൊഴുപ്പിൽ ലയിക്കുന്ന വിറ്റാമിനുകളായ ഡി, കെ, ഇ, എ എന്നിവ നെയ്യില്‍ അടങ്ങിയിട്ടുണ്ട്. നെയ്യ് മറ്റ് ഭക്ഷണങ്ങളില്‍ നിന്നും പോഷകം വലിച്ചെടുക്കാന്‍ സഹായിക്കുന്നു. രാവിലെ ഇത് കഴിയ്ക്കുന്നത് ശരീരത്തിന് പ്രതിരോധ ശേഷി വര്‍ദ്ധിപ്പിയ്ക്കാന്‍ സഹായിക്കുന്ന ഒന്നാണ്
തലച്ചോറിന്റെ ആരോഗ്യത്തിന്
കുട്ടികള്ക്ക് രാവിലെ ഒരു സ്പൂണ് നെയ്യ് കൊടുക്കുന്നത് നല്ലതാണെന്ന് പറയാന്‍ പ്രത്യേക കാരണമുണ്ട്. നെയ്യ് തലച്ചോറിന്റെ ആരോഗ്യത്തിന് ഏറെ മികച്ചതാണ്. ബുദ്ധിശക്തിയും ഉണര്‍വും നല്‍കാന്‍ ഇതിലെ നല്ല കൊഴുപ്പുകള്‍ സഹായിക്കും. പ്രത്യേകിച്ചും പഠനത്തിനും ഊര്‍ജമുണ്ടാകാനും ഇതേറെ ഗുണകരമാണ്. ഇത് കോശങ്ങളും ടിഷ്യുകളും തകരാറിലാകുന്നത് തടയുകയും ചെയ്യുന്നു.
നെയ്യ് തടി കുറയ്ക്കാനും
നെയ്യ് തടി കുറയ്ക്കാനും നല്ലതാണ്. രാവിലെ വെറും വയറ്റില് ഇതു കഴിയ്ക്കുമ്പോള്‍ അപചയ പ്രക്രിയ, ദഹനം എന്നിവ ശക്തിപ്പെടും. ഇത് അമിത ആഹാരം ഒഴിവാക്കാനുള്ള നല്ലൊരു വഴി കൂടിയാണ്. രാവിലെ വെറും വയറ്റില് അല്ലെങ്കില്‍ രാവിലെ പ്രാതലിനൊപ്പം ഒരു ടീസ്പൂണ് നെയ്യ് കഴിയ്ക്കാം. ഇത് ഗുണം നല്‍കും.നെയ്യിൽ ആരോഗ്യകരമായ ഒമേഗ ഫാറ്റി ആസിഡുകൾ ഉണ്ട്, അത് ശരീരത്തിന്റെ കൊഴുപ്പ് കുറയുന്നു. ഇത് ശരീരഭാരം കുറയ്ക്കാൻ അനുയോജ്യമായ ഭക്ഷണമായി നെയ്യിനെ മാറ്റുന്നു.