ഭക്ഷണം പറയും സ്വഭാവം

നമ്മുടെ ആരോഗ്യ കാര്യത്തില്‍ പ്രധാനമാണ് ഭക്ഷണം എന്നത്. ആരോഗ്യത്തിനും ആയുസിനും ഇത് പ്രധാനമാണ്. നല്ല ഭക്ഷണവും മോശം ഭക്ഷണവുമുണ്ട്. ഇവയ്ക്ക് ഇതിന്റേതായ ഫലവും. ചിലത് രുചികരമെങ്കിലും അനാരോഗ്യമാകും തരിക. ചിലത് രുചിയില്ലെങ്കിലും ആരോഗ്യം നല്‍കും. ചിലര്‍ക്ക് ചില പ്രത്യേക രുചികള്‍ ഇഷ്ടപ്പെടും. ഭക്ഷണം പറയുന്ന പല കാര്യങ്ങളുമുണ്ട്. ഇതില്‍ ഒരാളുടെ സ്വഭാവത്തെക്കുറിച്ചുള്ള സൂചനകളും പെടുന്നു. ഭക്ഷണ രുചി പ്രകാരം ഒരാളുടെ സ്വഭാവം എങ്ങനെ വിലയിരുത്തപ്പെടുമെന്നു നോക്കൂ.

നെയ്യ്, ചീര, പച്ചക്കറികൾ, പാൽ, , ധാന്യം, പരിപ്പ്, പഴങ്ങൾ ഭക്ഷണങ്ങള്‍ പൊതുവേ സാത്വിക ഭക്ഷണം എന്നറിയപ്പെടുന്നു. ഇത്തരം ഭക്ഷണങ്ങള്‍ ശരിയായ അളവിൽ ഒരാൾ കഴിക്കുന്നുവെങ്കിൽ അയാളുടെ മനസിന്റെ അവസ്ഥ പളുങ്കുപോലെ തെളിഞ്ഞിരിക്കും. ഏത് ചുറ്റുപാടുകളുമായും ഇണങ്ങിച്ചേരും. അൽപ്പംപോലും പതർച്ചയില്ലാതെ ഏത് കാര്യവും ആലോചിച്ച് തീരുമാനമെടുക്കാൻ ഇത്തരം ഭക്ഷണ ശീലമുള്ളവര്‍ക്ക് കഴിയും. Also read: വയസ്സ് 30 കഴിഞ്ഞോ? എങ്കിൽ ഈ 10 ഭക്ഷണങ്ങൾ നിർബന്ധമായും ഡയറ്റിൽ ഉൾപ്പെടുത്തുക

ഉപ്പ്, പുളി, കാരം എന്നിവയെല്ലാം കൂടുതലുള്ള ഭക്ഷണവും, എണ്ണപ്പലഹാരങ്ങളും മാംസവും മറ്റും കഴിക്കുന്നവരുടെ മാനസികാവസ്ഥ ചാഞ്ചല്യമുള്ളതായിരിക്കും. വൈകാരികമായിരിയ്ക്കും ഇവർ കാര്യങ്ങളെ കാണുക. മറ്റുള്ളവർ പറഞ്ഞാൽ അനുസരിക്കാറുമില്ല. തെറ്റായ തീരുമാനങ്ങൾ എടുത്തിട്ട് അതിനുവേണ്ടി പിന്നീട് ദുഖിക്കുന്ന പ്രകൃതമാണ് ഇവരുടേത്.

മിച്ചം വരുന്ന ഭക്ഷണം, പുളിച്ചത്, വീണ്ടും വീണ്ടും ചൂടാക്കിയത്, വൃത്തിയില്ലാത്ത ഭക്ഷണം, എന്നീ ഭക്ഷണങ്ങൾ കഴിക്കുന്നവർ അല്‍പബുദ്ധികളായിരിയ്ക്കും. ഒരു കാര്യത്തിലും
ഉറച്ച തീരുമാനങ്ങളെടുക്കാൻ ഇവർക്കാകില്ല. വേണ്ടതേത്, വേണ്ടാത്തതേത് എന്നിവ തിരിച്ചറിയാൻ പോലും ഇവർക്ക് കഴിയില്ല.