ഓട്സ്
ഏതു പ്രായക്കാര്ക്കും, കുഞ്ഞുങ്ങള്ക്ക് മുതല് പ്രായമായവര്ക്ക് വരെ കഴിയ്ക്കാവുന്ന ഒന്നാണ് ഓട്സ് എന്നത്. ഏതു രോഗമുള്ളവര്ക്കും കഴിയ്ക്കാവുന്ന ഭക്ഷണത്തിന്റെ ഗണത്തില് പൊതുവേ പെടുത്തിയിരിയ്ക്കുന്ന ഒന്ന്. ഓട്സിന് ദോഷവശങ്ങള് ഒന്നും തന്നെയില്ലെന്നതാണ് പൊതുവേയുളള കാഴ്ചപ്പാട്. ധാരാളം പോഷകങ്ങള് അടങ്ങിയ ഇത് തടി കുറയ്ക്കാന് അടക്കം സഹായിക്കുന്ന ഒന്നാണ്. പ്രമേഹം, കൊളസ്ട്രോള് തുടങ്ങിയ പല രോഗങ്ങള് ഉള്ളവര്ക്കും ഇത് ആരോഗ്യകരമായി കഴിയ്ക്കാവുന്ന ഒന്നാണ്. എന്നാല് ഓട്സ് കഴിയ്ക്കുന്ന രീതി ചിലപ്പോള് അനാരോഗ്യകരമായി മാറാം.
കാച്ചി
പൊതുവേ നാം ഓട്സ് കാച്ചിക്കഴിയ്ക്കുന്ന ശീലമുളളവരാണ്. പാലും പഞ്ചസാരയും ചേര്ത്ത് കഴിയ്ക്കുന്ന രീതി. ചിലരിത് ഉപ്പിട്ട് കഴിയ്ക്കും. ചിലര് വെള്ളം ചേര്ത്ത് കാച്ചിക്കഴിയ്ക്കും. എന്നാല് ഓട്സ് കാച്ചിക്കഴിയ്ക്കുമ്പോള് ഓട്സിന്റെ ഗുണം ഇല്ലാതാകുകയാണ് ചെയ്യുന്നത്. മാത്രമല്ല, ഇത് ദോഷമായി മാറുകയും ചെയ്യുന്നു. കാരണം ഓട്സ് കാച്ചുമ്പോള് ഇതിന്റെ ഗ്ലൈസമിക് ഇന്ഡെക്സ് വര്ദ്ധിയ്ക്കുന്നു. അതായത് പ്രമേഹ സാധ്യതയുണ്ടാക്കുന്ന, രക്തത്തിലെ ഷുഗര് വര്ദ്ധിപ്പിയ്ക്കുന്ന ഒന്നാണ് ഗ്ലൈസമിക് ഇന്ഡെക്സ് എന്നത്. ഓട്സിന് ഇത് പൊതുവേ കുറവാണെങ്കിലും കാച്ചുമ്പോള് ഇതിന്റെ ഗ്ലൈസമിക് ഇന്ഡെക്സ് കൂടുന്നു. അതായത് കഞ്ഞി പോലുള്ളവ കഴിയ്ക്കുമ്പോഴുള്ള അതേ ഫലം തന്നെയാണ് ഓട്സ് കാച്ചിക്കഴിയ്ക്കുമ്പോള് ഉണ്ടാകുന്നതും. പ്രമേഹത്തിന് കഴിയ്ക്കാവുന്ന ഇത് പ്രമേഹം വരുത്തുന്നതായി മാറുന്നു. ഇതു പോലെ തടി കുറയ്ക്കാന് സഹായിക്കുന്ന ഗുണം കൂടി നഷ്ടപ്പെടുകയും ചെയ്യുന്നു.
മറ്റേതെങ്കിലും രീതിയില്
ഓട്സ് കാച്ചിക്കഴിച്ചാലേ പ്രശ്നമുള്ളൂ. ഇത് മറ്റേതെങ്കിലും രീതിയില് കഴിയ്ക്കാം. ഉപ്പുമാവാക്കി കഴിയ്ക്കാം. ധാരാളം പച്ചക്കറികള് ചേര്ത്ത് ഉപ്പുമാവാക്കി കഴിയ്ക്കാം. പുട്ടാക്കി കഴിയ്ക്കാം. ഇഡ്ഢലി, ദോശ രൂപത്തില് കഴിയ്ക്കാം. ഇതെല്ലാം തന്നെ ആരോഗ്യകരമായ പാചക രീതികളാണ്. ഇനി കാച്ചിക്കഴിയ്ക്കുകയാണെങ്കില് തന്നെ ഇതില് പച്ചക്കറികളും പഴങ്ങളുമെല്ലാം ധാരാളം ചേര്ത്ത് കഴിയ്ക്കാം. ഒരു പരിധി വരെ ഇത് കാച്ചികഴിയ്ക്കുമ്പോഴുള്ള ദോഷങ്ങള് ഇല്ലാതാക്കും. ഇതു പോലെ ഇതില് പഞ്ചസാരയും ഇതു പോലെയുളള കൃത്രിമ മധുരങ്ങളുമെല്ലാം ചേര്ക്കാതിരിയ്ക്കുക. ഇതെല്ലാം ഓട്സിന്റെ ഗുണം കളയുന്ന ഒന്നാണ്.
ശരീരഭാരം കുറയ്ക്കാൻ
ശരീരഭാരം കുറയ്ക്കാൻ ഇതിൽ അടങ്ങിയ ഫൈബർ സഹായിക്കും എന്ന് വ്യക്തമാക്കുന്നു. അതിനാൽ, ഓട്സ് വിത്തുകളും നട്ട്സുകളുമായി ചേർത്ത് കഴിക്കുന്നത് കൂടുതൽ ഗുണം ചെയ്യുന്നു.ശരീരഭാരം കുറയ്ക്കുകയാണ് നിങ്ങളുടെ ലക്ഷ്യമെങ്കിൽ ഇതിലേക്ക് പഞ്ചസാരയോ തേനോ ചേർക്കരുത്. പകരം, ഇത് മധുരമാക്കാൻ, നിങ്ങൾക്ക് ഏത്തപ്പഴവും ബെറിയും ചേർക്കാം. നിങ്ങൾക്ക് മറ്റ് പഴങ്ങൾ, പാൽ, പല തരം വിത്തുകൾ, നട്ട്സുകൾ എന്നിവ ചേർത്ത് ഇതിന്റെ പോഷക ഗുണങ്ങൾ കൂടുതൽ വർദ്ധിപ്പിക്കുകയും ചെയ്യാം.പ്രമേഹമെങ്കില് ചെറുപയര് ദോശ കഴിയ്ക്കൂ, കാരണം