Chicken Food Poisoning:ചിക്കനില് നിന്നുള്ള ഭക്ഷ്യവിഷബാധ ഒഴിവാക്കാന്...
Chicken: ചില കാര്യങ്ങൾ ശ്രദ്ധിച്ചാൽ നമുക്ക് ഭക്ഷ്യവിഷബാധ പോലുള്ള പല കാര്യങ്ങളും ഒഴിവാക്കാനാകും. ഇതെക്കുറിച്ചറിയൂ.
Samayam Malayalam20 Jan 2023, 3:35 pm
അടുത്തിടെയായി ചിക്കന് വിഭവങ്ങളും ചിക്കനുമെല്ലാം തന്നെ വാര്ത്തകളില് ഇടം പിടിച്ചിട്ടുണ്ട്. ഇതുകൊണ്ടുണ്ടാക്കിയ പല വിഭവങ്ങളും മരണകാരണവും ഭക്ഷ്യവിഷബാധാ കാരണവും ആയിത്തീര്ന്നത് തന്നെ കാരണം. നോണ് വെജ് പ്രേമികളെ, ചിക്കന് പ്രേമികളെ തന്നെ ഭയപ്പെടുത്തുന്ന വാര്ത്തകളാണ് ഇവ. ചിക്കന് കഴിയ്ക്കാന് എടുക്കുന്പോള് മനസിലേയ്ക്കു വരിക ഇത്തരം ചിന്തകളായിരിയ്ക്കും. ചിക്കന് പാകം ചെയ്യുന്ന രീതി മാത്രമല്ല, കേടായ ചിക്കന് കൊണ്ടുണ്ടാക്കുന്നതും ഇത്തരം പ്രശ്നങ്ങള്ക്ക് കാരണമാകുന്നു. കടകളില് നിന്നും വാങ്ങുന്ന ചിക്കന്റെ ഗുണനിലവാരം ഉറപ്പ് വരുത്താന് ഒരു പരിധി വരെ നമുക്ക് കഴിഞ്ഞെന്ന് വരില്ല. എന്നാല് വാങ്ങുന്ന ചിക്കന് കൈകാര്യം ചെയ്യുന്പോള് നാം ശ്രദ്ധിച്ചാല് ഒരു പരിധി വരെ ഈ അപകടങ്ങള് നമുക്ക് ഒഴിവാക്കാം. ഇതിനായി നാം ചെയ്യേണ്ട ചില പ്രത്യേക കാര്യങ്ങളുണ്ട്. ഇതെക്കുറിച്ചറിയൂ.
ചിക്കന്
ചിക്കന് നാം ഫ്രഷായി വാങ്ങുന്നതാണെങ്കില് ഇത് രോഗം ബാധിച്ച കോഴികളുടേത് അല്ലെന്ന് ഉറപ്പു വരുത്താന് നോക്കുക. നാം വാങ്ങുന്ന ചിക്കന് കുറേ നേരം അന്തീരക്ഷോഷ്മാവില് വയ്ക്കരുത്. ഇത് വിനാഗിരിയോ നാരങ്ങാനീരോ ഇവയ്ക്കൊപ്പം ഉപ്പും മഞ്ഞള്പ്പൊടിയുമെല്ലാം കലര്ത്തി വെള്ളത്തില് അല്പനേരം മുക്കി വച്ച ശേഷം നല്ലതു പോലെ പല തവണ കഴുകിയെടുക്കണം. ഇങ്ങനെ ചെയ്യുന്പോള് തന്നെ ഒരു പരിധി വരെ ബാക്ടീരികള് നശിയ്ക്കും. സാധാരണ വെള്ളത്തില് ഇത് കഴുകുന്പോള് ബാക്ടീരിയകള് നശിക്കില്ലെന്ന് മാത്രമല്ല, ഈ വെള്ളം ആകുന്നിടത്തൊക്കെ ബാക്ടീരിയ ആകുകയും ചെയ്യും.ചിക്കന് കഴുകുന്ന വെള്ളം മറ്റ് പാത്രങ്ങളിലോ ഭക്ഷണ വസ്തുക്കളിലോ ആകാതെ ശ്രദ്ധിയ്ക്കാം.
ചിക്കന് കഴുകിയ ശേഷം
ചിക്കന് കഴുകിയ ശേഷം കൈ നല്ലതു പോലെ സോപ്പിട്ട് കഴുകി അണുവിമുക്തമാക്കണം. ഇതിന് ശേഷം മാത്രം മറ്റ് പ്രതലങ്ങളില് തൊടുക. ചിക്കന് കഴുകി വച്ച് കൈ വൃത്തിയാക്കാതെ ഇതുണ്ടാക്കാന് ആവശ്യമായ മറ്റ് ചേരുവകള് അരിയുന്നത് ഒഴിവാക്കണം. മാംസം, മീന് എന്നിവ മുറിയ്ക്കുന്ന കത്തിയും പാത്രങ്ങളും മറ്റ് ആവശ്യങ്ങള്ക്കോ മറ്റ് ഭക്ഷണ വസ്തുക്കള് എടുക്കുന്നതിനോ ഉപയോഗിയ്ക്കാതിരിയ്ക്കുക. ഈ കത്തിയും പാത്രങ്ങളുമെല്ലാം തന്നെ നല്ലതു പോലെ അണുവിമുക്തമാക്കണം. നല്ല വെയിലില് വച്ച് ഉണക്കിയെടുക്കുക.
ചിക്കന് ഉടന് തയ്യാറാക്കുന്നില്ലെങ്കില്
ചിക്കന് ഉടന് തയ്യാറാക്കുന്നില്ലെങ്കില് ഫ്രിഡ്ജിലേയ്ക്ക് മാറ്റുക. കുറേ നേരം ഇത് പുറത്ത് വയ്ക്കുന്നത് അണുക്കള് വളരാന് കാരണമാകും. ഇതല്ലെങ്കില് മസാല പുരട്ടി അധികം കഴിയും മുന്പേ തയ്യാറാക്കുക. ചിക്കന് പാകം ചെയ്യുന്പോഴും ശ്രദ്ധ വേണം. ഇത് ഉയര്ന്ന ചൂടില് വേവിയ്ക്കാതെ ഇളം ചൂടിലോ ഇടത്തരം ചൂടിലോ സമയമെടുത്ത് വേവിയ്ക്കുക. 165 ഡിഗ്രി ഫാരെന്ഹീറ്റ് എല്ലാ ഭാഗത്തേയ്ക്കും ഏറ്റാല് മാത്രമേ ഇതിലെ ബാക്ടീരികള് നശിക്കൂ. ഇതിനാല് ചിക്കന് നല്ലതു പോലെ സമയമെടുത്ത് വേവേണ്ടത് അത്യാവശ്യമാണ്.
ആരോഗ്യത്തിന്
പാചകം ചെയ്ത ചിക്കന് വേവിയ്ക്കാത്തതിനൊപ്പം വയ്ക്കരുത്. ഇതു പോലെ പാകം ചെയ്ത് കഴിഞ്ഞ ശേഷം ചൂടോടെ കഴിയ്ക്കുന്നതാകും നല്ലത്. കൂടതല് നേരം ചൂടാറിക്കഴിഞ്ഞാല് ഇതില് ബാക്ടീരിയകള് വളരാനുള്ള സാധ്യത വര്ദ്ധിയ്ക്കുകയാണ് ചെയ്യുന്നത്. ചിക്കന് അടക്കമുള്ള നോണ് വെജ് വിഭവങ്ങള് അപ്പോഴത്തെ ആവശ്യത്തിന് തയ്യാറാക്കി കഴിയ്ക്കുക. കൂടുതല് തയ്യാറാക്കി പിന്നീട് ഇത് ഫ്രിഡ്ജില് വച്ച് കുറേ ദിവസങ്ങള് കഴിയ്ക്കുന്നത് ആരോഗ്യത്തിന് കേടാണ്. വയറിന് പ്രത്യേകിച്ചും. നിങ്ങൾക്ക് എത്ര നേരം മൂത്രം പിടിച്ച് വയ്ക്കാൻ സാധിയ്ക്കും..
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.