കഠിനമായ തലവേദനയുണ്ടാവുക
സംസാരത്തില് വ്യക്തതയില്ലാതെ വരിക, പെട്ടെന്ന് സംസാരിക്കാന് കഴിയാതെ വരിക, സംസാരിക്കുന്നത് വ്യക്തമാകാതെ വരിക, പറയുന്നത് മന സിലാക്കുവാന് പറ്റാതെ ഇരിക്കുക, പെട്ടെന്നുണ്ടാകുന്ന മരവിപ്പ്, മുഖത്തിനോ കൈകള്ക്കോ കാലുകള്ക്കോ ഉണ്ടാകുന്ന തളര്ച്ച, പ്രത്യേകിച്ച് ഒരു വശത്ത് മാത്രമായി, പെട്ടെന്നുണ്ടാകുന്ന ആശയക്കുഴയക്കുഴപ്പം, ഒരു കണ്ണിനോ രണ്ടു കണ്ണുകള്ക്കുമോ കാഴ്ചയ്ക്ക് പ്രശ്നമുണ്ടാകുക, പെട്ടെന്ന് നടക്കാന് ബുദ്ധിമുട്ടുണ്ടാവുക, തലകറക്കം പോലെ തോന്നുക, ശരീരത്തിന്റെ തുലനം തെറ്റുക, പെട്ടെന്ന് കഠിനമായ തലവേദനയുണ്ടാവുക തുടങ്ങിയവ പക്ഷാഘാതത്തിന്റെ ലക്ഷണങ്ങളാണ്.
രക്തപ്രവാഹം തടസപ്പെടാന്
പെട്ടെന്നു തന്നെ രക്തക്കുഴലുകള്ക്ക് തടസം വന്ന് രക്തപ്രവാഹം തടസപ്പെടാന്കൊളസ്ട്രോള്, പുകവലി, രക്താതിമ്മര്ദ്ദം, കൂടുന്നത്, ഡയബറ്റിസ്, ജീവിതരീതി, വ്യായാമക്കുറവ് എന്നിവമൂലം രക്തക്കുഴലില് കൊഴുപ്പടിഞ്ഞ് ബ്ലോക്കുണ്ടാകുന്നു. ഇതോടൊപ്പം ഹൃദയത്തില് രക്തം കട്ട പിടിച്ച് രക്തക്കട്ട രൂപീകരിച്ച്ഉണ്ടായി അത് തലച്ചോറിലേക്കു പോയി സ്ട്രോക്ക് സംഭവിക്കുന്നു. അധികം ശക്തിയില്ലാത്ത പക്ഷാഘാതമാണെങ്കില് ശരീരം തളരുക പോലെയുള്ള പ്രശ്നങ്ങളുണ്ടാകുന്നു. ചിലര്ക്ക് ചിലപ്പോള് ഒരു കൈ, അല്ലെങ്കില് കാല് തളരുക, വായ കോടിപ്പോകുക തുടങ്ങിയവ മാത്രമാകാം. വളരെ ശക്തിയായ സ്ട്രോക്ക് ആണെങ്കില് പെട്ടെന്നുതന്നെ മരണം സംഭവിക്കാന് ഇടയുണ്ട്.
സ്ട്രോക്ക് സംഭവിച്ച്
സ്ട്രോക്ക് സംഭവിച്ച് എത്ര പെട്ടെന്ന് ചികിത്സ ലഭ്യമാക്കുന്നുവെന്നതിന് അനുസരിച്ച് രോഗിയെ രക്ഷപ്പെടുത്താന് സാധിയ്ക്കും. ഇതിനായി സ്ട്രോക്ക് സംഭവിച്ച് നാലര മണിക്കൂറിനുള്ളില് തന്നെ രക്തക്കട്ടകള് അലിയിച്ച് തലച്ചോറിലേയ്ക്കുള്ള രക്തപ്രവാഹം തടസപ്പെട്ട അവസ്ഥ മാറ്റി രക്തപ്രവാഹം പഴയ നിലയിലേക്കാക്കാം. ഇതല്ലാതെ സര്ജറിയിലൂടെ ബ്രെയിനില് എത്തിയ രക്തക്കട്ടകള് നീക്കുന്നതാണ് മറ്റൊരു വഴി. പെട്ടെന്ന് തന്നെ ചികിത്സ ലഭ്യമാക്കുകയെന്നതാണ് സ്ട്രോക്കിന്റെ ആഘാതം കുറയ്ക്കാന് സഹായിക്കുന്ന പ്രധാനപ്പെട്ട വഴി.
സ്ട്രോക്ക് സാധ്യത
സ്ട്രോക്ക് സാധ്യത കുറയ്ക്കാനായി ഏറ്റവും ആദ്യം ചെയ്യേണ്ടത് കാര്യങ്ങളിലൊന്നാണ് പുകവലി ഉപേക്ഷിക്കുന്നത്. മദ്യപാനം സ്ട്രോക്കിന് ഒരു പ്രധാന കാരണം ആയി മാറും എന്ന് നിരവധി പഠനങ്ങൾ ചൂണ്ടിക്കാണിക്കുന്നു.വേറൊന്നും ഇല്ലെങ്കിലും, ഒരു ദിവസം കുറഞ്ഞത് 30 മിനിറ്റെങ്കിലും നടക്കുന്ന ശീലത്തിൽ ഏർപ്പെടാൻ ശ്രമിക്കുക. സ്ട്രെസ് പോലുള്ള പ്രശ്നങ്ങള് അകറ്റി നിര്ത്തണം. സ്ട്രെസ് വര്ദ്ധിയ്ക്കുന്നത് ബിപി കൂടാനും ഇത് പെട്ടെന്ന് തന്നെ തലച്ചോറിലേയ്ക്കുളള രക്തധമനികളില് പ്രഷര് കൂടി പൊട്ടാനുമെല്ലാം ഇടയാക്കുന്നു. ഇതു പോലെ ആരോഗ്യകരമായ ഭക്ഷണ ശീലം, തൂക്കം എന്നിവയും ഏറെ പ്രധാനമാണ്.