ജോലിസ്ഥലത്തും നല്‍കാം നട്ടെല്ലിന് കെയര്‍

ഇരുന്നു കൊണ്ടുള്ള ജോലി കഴുത്തിനും നട്ടെല്ലിനും നല്‍കുന്ന വിഷമതകള്‍ ചില്ലറയല്ല. അല്‍പ്പം ശ്രദ്ധിച്ചാല്‍ ഇവ ഒഴിവാക്കാം. ഓഫീസില്‍ ഇരിക്കുമ്പോഴും ജോലി ചെയ്യുമ്പോഴും നട്ടെല്ലിനെ കെയര്‍ ചെയ്യാനുള്ള ചില ടിപ്സ് ഇതാ:

നട്ടെല്ലിന് സപ്പോര്ട്ട് നല്‍കാം: ബാക്ക് സപ്പോര്‍ട്ട് ഉള്ള കസേര ഉപയോഗിക്കുന്നതാണ് നല്ലെതെന്നാണ് ഡോക്ടര്‍മാര്‍ പറയുന്നത്. കസേരയുടെ ചാരുന്ന ഭാഗം 90 മുതല്‍ 110 ഡിഗ്രീ വരെ ആംഗിളിലായാല്‍ അത്രയും നല്ലത്. ചാരി ഇരിക്കുമ്പോള്‍ കാലുകള്‍ നിലത്ത് ഉറപ്പിച്ച് വെക്കാന്‍ കഴിയുന്നത്ര ഉയരത്തിലായിരിക്കണം കസേരയുടെ പൊക്കം.

കസേര തെരഞ്ഞെടുക്കുക: ഈസി ചെയര്‍, ബീന്‍ ബാഗ്, സോഫ, സ്റ്റിഫ് ആയ ചാരുകളോട് കൂടിയവ എന്നീ കസേരകള്‍ നട്ടെല്ലിന് ഏറെ വിഷമതകള്‍ വരുത്തിവെയ്ക്കും.

ഭക്ഷണത്തിലും ശ്രദ്ധിക്കാം: ഭക്ഷണത്തില്‍ വിറ്റാമിന്‍ ഡി3, ബി12, കാത്സ്യം എന്നവ ഭക്ഷണത്തില്‍ ഉള്‍പ്പെടുത്തുന്നത് എല്ലുകള്‍ക്ക് ബലമുണ്ടാകാന്‍ സഹായിക്കും.

വെള്ളം കുടിക്കുക: ശരീരത്തിന് ആവശ്യമുള്ളത്രയും വെള്ളം കുടിക്കുന്നത് ഏറെ പ്രധാനമാണ്. നട്ടെല്ലിലെ ഡിസ്കുകളുടെ ശരിയായ പ്രവര്‍ത്തനത്തിനും ശരീരത്തില്‍ വേണ്ട അളവില്‍ ജലാംശം ഉണ്ടായിരിക്കണം.

കെയ്യെത്തും ദൂരത്ത്: ഓഫീസില്‍ ആവശ്യമുള്ള സാധനങ്ങളെല്ലാം കൈയ്യെത്തും ദുരത്ത് വെയ്ക്കുക. കസേരയിലിരുന്ന് എത്തിവലിഞ്ഞ സാധനങ്ങള്‍ എടുക്കുന്നത് നട്ടെല്ലിന് കേട് വരുത്തും.

ബാക്ക്പാക്കുകള്‍ സൂക്ഷിക്കുക: ഓഫീസിലേക്ക് കൊണ്ടു പോകുന്ന ബാക്ക്പാക്കുകള്‍ ശരിയാം വിധത്തില്‍ ഉപയോഗിക്കുക. അരയ്ക്ക് താഴേയ്ക്ക് തൂങ്ങിക്കിടക്കുന്ന ബാക്ക്പാക്കുകള്‍ നട്ടെല്ലിന് അമിതഭാരം നല്‍കും.

മുട്ടും പാദങ്ങളും: കസേരയില്‍ ഇരിയ്ക്കുമ്പോള്‍ കാല്‍മുട്ടും പാദങ്ങളും 90 ഡിഗ്രിയിലായിരിക്കണം.