ആരോഗ്യ ഗുണങ്ങൾക്ക് ഫ്ളാക്സ് സീഡ് ഇങ്ങനെ കഴിക്കണം
flax seeds in malayalam : ഫ്ളാക്സ് സീഡ് അഥവാ ചണവിത്ത് പല രീതിയിലും ആരോഗ്യ ഗുണങ്ങൾ നൽകുന്ന ഒന്നാണ്. എന്നാൽ ആരോഗ്യ ഗുണങ്ങൾ കിട്ടാന് കൃത്യമായ രീതിയിൽ കഴിയ്ക്കണം. ഇത് എത്ര, എങ്ങനെ കഴിയ്ക്കണം എന്നറിയൂ. ആരോഗ്യത്തിന് ഇത് ഗുണം നൽകുന്നു.
ഇതില് ഒമേഗ 3 ഫാറ്റി ആസിഡുകള് അടങ്ങിയിട്ടുള്ളതും ഹൃദയാരോഗ്യത്തെ സഹായിക്കും.നാരുകളുടെ ഗുണം പൂര്ണമായും നല്കുന്ന ഒന്നാണ്. ഇതിനാല് തന്നെ കുടല് ആരോഗ്യത്തിനു മികച്ചതുമാണ്. ദിവസവും ഇതു കഴിയ്ക്കുന്നത് പ്രമേഹമുള്പ്പെടെയുള്ള പ്രശ്നങ്ങള്ക്കു മരുന്നാണ്. ഇതു വേവിച്ചു കഴിയ്ക്കാം, പൊടിച്ചു കഴിയ്ക്കാം ഇതുമല്ലെങ്കില് വെള്ളം തിളപ്പിച്ചു കുടിയ്ക്കാം.
മീന് കഴിയ്ക്കാത്തവര്ക്ക് ഒമേഗ 3 ഫാറ്റി ആസിഡ് ലഭ്യമാക്കാനുള്ള നല്ലൊരു വഴിയാണിത്. ഗര്ഭിണികള് ഇതു കഴിയ്ക്കുന്നതും ഏറെ നല്ലതാണ്.ഒമേഗ 3 ഫാറ്റി ആസിഡുകള് ഗര്ഭസ്ഥ ശിശുവിന്റെ ബ്രെയിന് വളര്ച്ചയ്ക്ക് അത്യാവശ്യമാണ്.
പല രീതിയിലും
ഇത് പല രീതിയിലും ഉപയോഗിയ്ക്കാം. പൊടിച്ച് ഉപയോഗിയ്ക്കാം, ഇതിന്റെ ഓയില് ഉപയോഗിയ്ക്കാം, ഇത് മുഴുവനായി ഉപയോഗിയ്ക്കാം. മൂന്നു ടീസ്പൂണ് മുഴുവനായി ഉള്ള ഫ്ളാക്സ് സീഡുകളില് 10 ഗ്രാം ഫ്ളാക്സ്, പൊടിയില് 7 ഗ്രാം, ഓയിലില് 10-12 ഗ്രാം എന്നിങ്ങനെയാണ് ഇതിന്റെ കണക്ക്. ദിവസവും നമുക്ക് 15-30 ഗ്രാം രെയെങ്കിലും ഫ്ളാക്സ് ഉള്ളില് ചെന്നാലേ ഗുണം ലഭിയ്ക്കൂ. ഇതിന് അനുസരിച്ച് ഏതു രീതിയിലാണോ ഇത് ഉപയോഗിയ്ക്കുന്നത് എന്നതിന് അനുസരിച്ച് ഗുണം വ്യത്യാസപ്പെടും. 15 ഗ്രാം ഉള്ളില് എത്തണമെങ്കില് ഒന്നര ടേബിള് സ്പൂണ് മുഴുവന്, പൊടിയെങ്കില് ഒന്നര സ്പൂണ്, ഓയിലെങ്കില് ഒന്നേകാല് സ്പൂണ് ഉപയോഗിയ്ക്കണം.
ഇത് ദിവസവും
ഇത് ദിവസവും 40 ഗ്രാം, അല്ലെങ്കില് ചുരുങ്ങിയത് 10 ഗ്രാമെങ്കിലും കഴിച്ചാല് ഗുണം ലഭിയ്ക്കും. ദിവസവും കഴിച്ചില്ലെങ്കില് ആഴ്ചയില് ഒന്നു രണ്ടു ദിവസം കഴിയ്ക്കാം. പ്രത്യേകിച്ചും ഇതു കഴിച്ചാല് അസ്വസ്ഥതയെങ്കില്. രണ്ടു നിറത്തില് ഇതു ലഭിയ്ക്കും, ഗോള്ഡന് നിറത്തിലും ബ്രൗണ് നിറത്തിലും. ബ്രൗണ് നിറത്തിലേതാണ് കൂടുതല് ലഭ്യമായത്. രണ്ടും തമ്മില് വലിയ ഗുണ വ്യത്യാസമില്ല. ഇവ കടകളിലും ഓണ്ലൈനിലുമെല്ലാം ലഭ്യമാണ്. മുഴുവനായുള്ളത് റൂം ടെംപറേച്ചറില് ഒരു വര്ഷം വരെ കേടു കൂടാതെ വയ്ക്കാം. എന്നാല് മറ്റുള്ളവ പെട്ടെന്നു കാറും. ഇവ സ്റ്റീല്, ഗ്ലാസ് ജാറില് വയ്ക്കുക. ഇത് വാങ്ങി വറുത്തു വയ്ക്കാം. ആവശ്യത്തിന് പൊടിച്ചെടുക്കാം. ഓയിലും പൊടിയും ഫ്രിഡ്ജില് വയ്ക്കാം.
ഇതിന്റെ ഓയില്
നല്ലതു പോലെ ഉണങ്ങിയത് മാത്രം കഴിയ്ക്കുക. അല്ലാത്തത് ദോഷം വരും. ഇത് മുഴുവനായി കഴിയ്ക്കുന്നതിനേക്കാള് പൊടിച്ചു കഴിയ്ക്കാം. മുഴുവനായി കഴിച്ചാല് നല്ലതു പോലെ കടിച്ചു ചവച്ചു കഴിയ്ക്കണം. കാരണം എന്നാലേ ഒമേഗ 3 ഫാറ്റി ആസിഡുകള് ലഭിയ്ക്കൂ. ഇതിന്റെ ഓയില് ചൂടാക്കാന് പറ്റില്ല. എന്നാല് സാലഡുകളില് ഉപയോഗിയ്ക്കാം. ഇത് ചൂടാക്കിയാല് ശരീരത്തിന് ദോഷം വരുത്തുന്ന പല ഘടകങ്ങളും ഉള്പാദിപ്പിയ്ക്കുന്നു. അതായത് പാകം ചെയ്യാന് ഉപയോഗിയ്ക്കരുത്. ഇത് ചര്മത്തിലും പുരട്ടാം. ചര്മത്തിന് നല്ലതാണ്. ഒന്നോ രണ്ടോ ടീസ്പൂണ് ഓയില് കഴിയ്ക്കാം. ഇതല്ലെങ്കില് ക്യാപ്സൂള് വാങ്ങാം. ഇത് ഒരെണ്ണം കഴിയ്ക്കാം. ഇതിന് വലിയ രുചിയൊന്നും കാണില്ല. മാത്രമല്ല, ഓയിലില് ഫാറ്റ് ഉണ്ട്. ഇതു കഴിച്ചാല് മറ്റു ഫാറ്റുകള് നിയന്ത്രിയ്ക്കുക.
ഇതിന്റെ ജെല്
എന്നാല് ഫ്ളാക്സ് സീഡ് പൊടി നല്ലതാണ്. ഇത് ഉപ്പുമാവിലോ ദോശ മാവിലോ ഇട്ട് കഴിയ്ക്കാം. എന്നാല് ഇതിന്റെ അളവും കഴിയ്ക്കുന്ന എണ്ണവും അനുസരിച്ചാണ് ഗുണമുണ്ടാകുക. ഇത് കഴിയ്ക്കാന് നിത്യേന ഉപയോഗിയ്ക്കാവുന്ന രീതി സ്വീറ്റായി തയ്യാറാക്കാം. ഇതില് കപ്പലണ്ടിയും ശര്ക്കരയുമെല്ലാം ചേര്ത്തുണ്ടാക്കി കപ്പലണ്ടി മിഠായി പോലെ കഴിയ്ക്കാം. ഇതിനൊപ്പം ഫ്ളാക്സ് സീഡുകളും ചേര്ത്തിളക്കാം. ലേശം നെയ്യും ചേര്ക്കാം. സ്വാദിഷ്ടമായ മധുര പദാര്ത്ഥമാണിത്. ഇതിന്റെ ജെല് മുഖത്തിനും മുടിയ്ക്കുമെല്ലാം ഏറെ നല്ലതുമാണ്. ഓവുലേഷന് ശേഷം ഗര്ഭമുറപ്പാക്കാന്, ഭ്രൂണം ഉറയ്ക്കാന്