ചില കുടുംബങ്ങളില്‍
ചില കുടുംബങ്ങളില്‍ ഇത് കണ്ടു വരാം. മാതാപിതാക്കള്‍ക്കുണ്ടെങ്കില്‍ മക്കള്‍ക്കും എന്ന രീതിയില്‍. വായില്‍ എന്തെങ്കിലും രീതിയിലെ മുറിവുകള്‍ ഉണ്ടാകുന്നത് ഇതിന് കാരണമാകാറുണ്ട്. ഉദാഹരണത്തിന് ബ്രഷ് ഉപയോഗിയ്ക്കുമ്പോള്‍, ആഹാരം കഴിയ്ക്കുമ്പോള്‍ വായിലുണ്ടാകുന്ന മുറിവുകള്‍. ഇതല്ലാതെ വൈറ്റമിന്‍ കുറവാണ് പ്രധാന കാരണം. വൈറ്റമിന്‍ ബി12ന്റെ കുറവാണ് ഇതിനു പ്രധാനമായ കാരണമായി പറയുന്നത്. അയേണ്‍, ഫോളിക് ആസിഡ് കുറവും ഇതിന് കാരണമാകും. സ്ത്രീകള്‍ക്ക് ആര്‍ത്തവ, ഓവുലേഷന്‍ സമയത്തുണ്ടാകുന്ന ഹോര്‍മോണ്‍ വ്യത്യാസങ്ങള്‍ ഇതിനു കാരണമാകാറുണ്ട്.
പുരുഷന്മാര്‍ക്ക്
പുരുഷന്മാര്‍ക്ക് പുകവലി, മുറുക്കാന്‍ എന്നിവയെല്ലാം അള്‍സര്‍ കാരണമാകും. എന്നാല്‍ തുടര്‍ച്ചയായി അള്‍സറും ഇതിനൊപ്പം പുകയില ഉപയോഗവുമെങ്കില്‍ വായിലെ ഇത്തരം അള്‍സറുകളെ ക്യാന്‍സര്‍ സാധ്യതയിലേയ്ക്കു വരെ നയിക്കും. വയറ്റില്‍ ഉണ്ടാകുന്ന അള്‍സറുണ്ടാക്കുന്ന ഒരു വിഭാഗം ബാക്ടീരിയകളും വായിലെ അള്‍സര്‍ കാരണമാകും. സോഡിയം ലോറൈല്‍ സള്‍ഫേറ്റ് എന്ന കെമിക്കല്‍ മൗത്ത് വാഷിലോ പേസ്റ്റിലോ ഉണ്ടെങ്കില്‍ ഇതും വായിലെ അള്‍സറിന് കാരണമാകും. ഇത്തരം പേസ്റ്റുകള്‍ ഒഴിവാക്കാം.
ചില ഭക്ഷണങ്ങളുടെ അലര്‍ജി
ചില ഭക്ഷണങ്ങളുടെ അലര്‍ജിയും ഈ പ്രശ്‌നത്തിന് കാരണമാകും. വായിലെ കുരുക്കള്‍ അള്‍സറായി മാറുന്ന അവസ്ഥ. കാപ്പി, പുളിയുള്ള ഭക്ഷണങ്ങള്‍, പാല്‍ ഉല്‍പന്നങ്ങള്‍, നട്‌സ് എന്നിവയെല്ലാം ഫുഡ് അലര്‍ജിയ്ക്കു കാരണമാകുന്നു. ഇത്തരം ഘട്ടത്തില്‍ ഈ ഭക്ഷണങ്ങള്‍ ഒഴിവാക്കുക. ചില അസുഖങ്ങളുടെ ഭാഗമായും ഇതുണ്ടാകാം. വയറ്റിലെ അള്‍സര്‍ വായിലെ അള്‍സര്‍ സാധ്യത കൂട്ടുന്നു. ഗ്യാസ്‌ട്രൈറ്റിസ് രോഗം സ്ഥിരമെങ്കില്‍, സീലിയാക് അസുഖങ്ങള്‍ എന്നിവയെല്ലാം തന്നെ ഇത്തരം പ്രശ്‌നത്തിന് കാരണമാകും. ഇറിട്ടബിള്‍ ബവല്‍ സിന്‍ഡ്രോം, ടെന്‍ഷന്‍ എന്നിവയെല്ലാം തന്നെ ഇതുണ്ടാകും.
വായില്‍ മുറിവില്ലാതെയും
വായില്‍ മുറിവില്ലാതെയും ചിലപ്പോള്‍ അള്‍സറുണ്ടാകും. വായിലെ മ്യുകസ് മെംമ്പ്രേയ്ന്‍ കട്ടി കുറഞ്ഞു വരുന്നു. ഈ ഭാഗത്തെ പ്രതിരോധ കോശങ്ങള്‍ അമിതമായി വരുന്നു. ഇതിനാല്‍ ഈ ഭാഗത്ത് ഇന്‍ഫ്‌ളമേഷന്‍ കാരണമായി അള്‍സര്‍ വരുന്നു. ഇതില്‍ നടുവില്‍ മഞ്ഞ നിറവും ചുറ്റും ചുവപ്പു നിറവും വരുന്നു. ചിലര്‍ക്ക് ചെറിയ അള്‍സറും ചിലര്‍ക്ക് വലുതുമാകും വരിക. വായ്ക്കകത്ത് അള്‍സര്‍ ക്യാന്‍സറായി മാറുമെയെന്ന ഭയവും പലര്‍ക്കുമുണ്ട്.
സാധാരണ ഗതിയില്‍ ഇത് ക്യാന്‍സറാകില്ല. എന്നാല്‍ ഇതിനൊപ്പം പുകയിലയുടെ ഉപയോഗം ഇതിനു കാരണമാകും. വേദനയുള്ള അവസ്ഥ മാറി, എന്നിട്ടും അള്‍സര്‍ രണ്ടാഴ്ചയായിട്ടും മാറുന്നില്ലെങ്കില്‍ ഇതെല്ലാം ശ്രദ്ധിയ്‌ക്കേണ്ട അവസ്ഥയാണ്. ഇത് ക്യാന്‍സറല്ലെന്ന് ഉറപ്പു വരുത്തുക. കാരണം അറിയേണ്ടത് അത്യാവശ്യമാണ്.
വൈറ്റമിന്‍ കുറവെങ്കില്‍
വൈറ്റമിന്‍ കുറവെങ്കില്‍ ഇത്തരം വൈറ്റമിന്‍ കഴിയ്ക്കുക. ബി12 അടങ്ങിയ പഴങ്കഞ്ഞി, പാല്‍, മീന്‍ തുടങ്ങിയവ കഴിയ്ക്കാം. വായിലെ അപകടകരമായ ബാക്ടീരിയകളാണ് കാരണമെങ്കില്‍ തൈര് കഴിയ്ക്കാം. മോര് വായില്‍ 20 സെക്കന്റ് കവിള്‍ കൊണ്ട് തുപ്പിക്കളയാം. ഇതെല്ലാം ആരോഗ്യകരമായ ബാക്ടീരികളെ സഹായിക്കും. ടെന്‍ഷന്‍ ഒഴിവാക്കാം. ഇത് അള്‍സര്‍ നിയന്ത്രണത്തിന് സഹായിക്കും. ഇതു പോലെ അലര്‍ജിയുള്ള ഭക്ഷണം ഒഴിവാക്കാം. കഞ്ഞിവെള്ളം ചില്ലറക്കാരനല്ല...