നട്‌സില്‍ നാം പൊതുവേ ആരോഗ്യകരമായി കണക്കാക്കുന്ന ഒന്നാണ് ബദാം അഥവാ ആല്‍മണ്ടസ്. ദിവസവും ഇതു കഴിയ്ക്കുന്നത് ആരോഗ്യകരമായ ഏറെ ഗുണങ്ങള്‍ നല്‍കുക തന്നെ ചെയ്യും. ദിവസവും ബദാം വെറുംവയറ്റില്‍ കഴിയ്ക്കുന്നതാണു കൂടുതല്‍ നല്ലത്. എന്തു ഭക്ഷണമെങ്കിലും വെറും വയറ്റില്‍ കഴിച്ചാല്‍ ഗുണം ഇരട്ടിയാണ്. ഇത് ശരീരം പെട്ടെന്നു വലിച്ചെടുക്കും. ബദാമിന്റെ ഗുണങ്ങള്‍ മുഴുവന്‍ ശരീരത്തില്‍ ലഭ്യമാക്കുവാനുള്ള എളുപ്പ വഴിയും ഇതു തന്നെയാണ്. ബദാം കൊളസ്‌ട്രോള്‍ കൂട്ടുമോ കുറയ്ക്കുമോ എന്ന സംശയം പലര്‍ക്കുമുണ്ട്. ഇതെക്കുറിച്ച് കൊളസ്‌ട്രോള്‍ കുറയ്ക്കാന്‍ ബദാം എങ്ങനെ കഴിയ്ക്കണം എന്നതിനെ കുറിച്ചറിയൂ...
കൊളസ്‌ട്രോള്‍ കുറയ്ക്കാന്‍
ബദാം ആരോഗ്യകരമായി കഴിച്ചാല്‍ കൊളസ്‌ട്രോള്‍ കുറയ്ക്കാന്‍ സഹായിക്കുന്ന ഭക്ഷണമാണെന്ന കാര്യത്തില്‍ സംശയമില്ല. ചീത്ത കൊളസ്‌ട്രോള്‍ അഥവാ എല്‍ഡിഎല്‍ കൊളസ്‌ട്രോള്‍ കുറയ്ക്കാനും അതേ സമയം ഗുണം നല്‍കുന്ന എല്‍ഡിഎല്‍ കൊളസ്‌ട്രോള്‍ കൂട്ടാനും ഇതേറെ നല്ലതാണ്. ഇതില്‍ അണ്‍സാച്വറേറ്റഡ് ഫാറ്റ് അടങ്ങിയിട്ടുണ്ട്. ഇതാണ് നല്ല കൊളസ്‌ട്രോളിന് സഹായിക്കുന്നത്. ഇതിലെ വൈറ്റമിന്‍ ഇ അടങ്ങിയിട്ടുണ്ട്. ഇത് കൊഴുപ്പിന്റെ അളവ് കുറയ്ക്കും. ഇതു പോലെ ലിവര്‍ ഫാറ്റു കുറയ്ക്കാനും ഇതേറെ നല്ലതാണ്. ഇത് പതിവായി തന്നെ കഴിയ്ക്കാം. ഇതു മാത്രമല്ല, രക്തത്തിലെ ഷുഗര്‍ അളവ് കുറയ്ക്കാനും രക്തത്തിലേയ്ക്കു പതുക്കെ മാത്രം ഷുഗര്‍ കടത്തി വിടാനും ഇതിനു സഹായിക്കും. മാത്രമല്ല, ശരീരത്തിലെ ഇന്‍സുലിന്‍ റെസിസ്റ്റന്‍സിന് തടയിടാനും ബദാമിന് കഴിയും. ഇതിനാല്‍ തന്നെ കൊളസ്‌ട്രോളിനും പ്രമേഹത്തിനുമെല്ലാം തടയിടാന്‍ സഹായിക്കും.
ബദാം കഴിയ്‌ക്കേണ്ട രീതി
കൊളസ്‌ട്രോള്‍ കുറയ്ക്കാന്‍ ബദാം കഴിയ്‌ക്കേണ്ട രീതി പ്രധാനമാണ്. ഇത് മുതിര്‍ന്ന ആള്‍ക്ക് 23 വരെ കഴിയ്ക്കാം. കുട്ടികള്‍ക്ക് 5 വരെ കഴിയ്ക്കാം. ഇത് രാത്രിയില്‍ വെള്ളത്തില്‍ ഇട്ട് കുതിര്‍ത്ത് രാവിലെ കഴിയ്ക്കാം. ഇതിലെ ഫൈറ്റിക് ആസിഡ് അലിയിക്കാനാണ് ഇത് കുതിര്‍ത്തുന്നത്. ഫൈറ്റിക് ആസിഡ് ന്യൂട്രലൈസ് ചെയ്തില്ലെങ്കില്‍ ഇത് ശരീരം മറ്റു പോഷകങ്ങള്‍ വലിച്ചെടുക്കുന്നതിനെ തടയും. ഇത് വെള്ളതിലിടുമ്പോള്‍ മുള വരിക, അതായത് ജെര്‍മിനേഷന്‍ എന്ന പ്രക്രിയ നടക്കും. ഇതിനാല്‍ തന്നെ ഫൈറ്റിക് ആസിഡ് ഇല്ലാതാകും.
ഇത് കുതിര്‍ത്തി കഴിഞ്ഞാല്‍
ഇത് കുതിര്‍ത്തി കഴിഞ്ഞാല്‍ പിന്നെ തൊലി കളയേണ്ട ആവശ്യമില്ല. ഇത് പെട്ടെന്നു ദഹിച്ചോളും. മാത്രമല്ല, ഫൈറ്റിക് ആസിഡ് മാറിപ്പോകുന്നു. തടി കുറയ്ക്കാന്‍ രണ്ടു ഭക്ഷണങ്ങള്‍ക്കിടയിലുള്ള ഇടവേളയില്‍ കഴിയ്ക്കാം. ഉദാഹരണത്തിന് രാവിലെ 11ന്. അതായത് രാവിലെയും ഉച്ചയ്ക്കും ഇടയിലുള്ള സമയത്ത്. കൊളസ്‌ട്രോള്‍ പരിഹാരത്തിനായി ഇത് രാവിലെ വെറും വയറ്റില്‍ കഴിയ്ക്കാം. കുതിര്‍ത്താല്‍ തൊലി കളയേണ്ട ആവശ്യമില്ല. ഇതിലെ കൊഴുപ്പ് ആരോഗ്യകരമായതിനാല്‍ തന്നെ കൊളസ്‌ട്രോള്‍ വര്‍ദ്ധിപ്പിയ്ക്കുമെന്ന ഭയം വേണ്ട. ഇതിന്റെ ആന്റി ഓക്‌സിഡന്റ് ഗുണങ്ങള്‍ അടക്കമുള്ളവ തൊലിയ്ക്കടിയിലാണ് ഉള്ളത്. ഇതു നീക്കിയാല്‍ ഈ ഗുണം ലഭിയ്ക്കാതെയാകും.
ഇതു കഴിയ്ക്കുമ്പോള്‍
ഇതു പോലെ ഇതു കഴിയ്ക്കുമ്പോള്‍ വറുത്തു കഴിയ്ക്കരുത്. ഉപ്പു ചേര്‍ക്കരുത്. ഐസ്‌ക്രീം പോലുള്ളവയില്‍ ചേര്‍ത്തു കഴിയ്ക്കാതെ ഇത് തനിയെ കഴിയ്ക്കുന്നതാണ് നല്ലത്. ബദാമിന് ഇന്‍ഫ്‌ളമേഷന്‍ കുറയ്ക്കാന്‍ സഹായിക്കും. രക്തക്കുഴവുകളില്‍ ഇത് കുറയുന്നത് ഹൃദ്രോഗം തടയാന്‍ സഹായിക്കും. സ്‌ട്രോക്ക് പോലുള്ള അവസ്ഥകള്‍ക്കും ഇതേറെ നല്ലതാണ്. എല്ലിന്റെ ആരോഗ്യത്തിനും ബ്രെയിന്‍ ആരോഗ്യത്തിനുമെല്ലാം തന്നെ ഇതേറെ നല്ലതാണ്.
ചര്‍മ കോശങ്ങള്‍ക്കു മുറുക്കം നല്‍കുന്ന കൊളാജന്‍ ഉല്‍പാദനത്തിന് ഇതേറെ സഹായിക്കുന്നു. ഇതിലെ വൈറ്റമിന്‍ ഇ ചര്‍മ കോശങ്ങള്‍ക്ക് ഏറെ നല്ലതാണ്. ഇതു ചര്‍മത്തിലെ ചുളിവുകള്‍ അകറ്റുന്നു. ചര്‍മത്തിന് തിളക്കവും മൃദുത്വവും ചെറുപ്പവുമെല്ലാം നില നിര്‍ത്താന്‍ ബദാം കഴിയ്ക്കുന്നത് ഏറെ നല്ലതാണ്. കോണ്ടംസ് വിരലില്‍ ഇട്ടു ഗര്‍ഭം തടയാന്‍ നോക്കിയാല്‍....