ആര്ത്തവ സമയത്തെ രക്തസ്രാവം
ആര്ത്തവ സമയത്തെ രക്തസ്രാവം പലരേയും അലട്ടുന്ന ഒന്നാണ്. ചിലര്ക്ക് അമിത രക്തസ്രാവം എന്നതാകും പ്രശ്നം. ചിലര്ക്ക് കുറവും. ചിലര്ക്ക് 6-7 ദിവസം വരെ ബ്ലീഡിംഗ് നീണ്ടു നില്ക്കും. മറ്റു ചിലര്ക്കാകട്ടെ, രണ്ടു മൂന്നു ദിവസവും. തിയറി അനുസരിച്ച് 80 മില്ലിയില് കൂടുതല് രക്തം നഷ്ടപ്പെടുകയാണെങ്കില് ഇത് അമിത രക്തസ്രാവം എന്നതിലേയ്ക്ക് പോകുന്നു. ആര്ത്തവ സമയത്തെ അമിത രക്തസ്രാവത്തിന് പല കാരണങ്ങളുമുണ്ട്. ചിലപ്പോള് താല്ക്കാലിക കാരണം എന്നതില് തുടങ്ങി ഗൗരവമായ കാരണങ്ങള് കൂടി ഇത്തരം അമിതാവര്ത്തവത്തിന് പുറകിലുണ്ടാകാം.
ആര്ത്തവ സമയത്ത് നഷ്ടപ്പെടുന്ന രക്തം
ആര്ത്തവ സമയത്ത് നഷ്ടപ്പെടുന്ന രക്തം 60 മില്ലി എന്നതാണ് സാധാരണ കണക്ക്. ഇത് 80 മില്ലിയേക്കാള് കൂടുതലെങ്കില് ഇത് ഹെവി മെന്സ്ട്രല് ബ്ലീഡിംഗ് അഥവാ അമിതാര്ത്തവം എന്ന അവസ്ഥയാണ്. ഇത് എങ്ങനെ കണക്കാക്കാം എന്നതാകും പ്രശ്നം. മെന്സ്ട്രല് കപ് പോലുള്ളവയില് ആര്ത്തവ രക്തത്തിന്റെ കണക്ക് സൂചിപ്പിയ്ക്കുന്നവയുണ്ട്. എന്നാല് പാഡ് പോലുള്ളവയെങ്കില് ഇത്തരം കണക്കെടുപ്പ് നടക്കുകയുമില്ല. ആര്ത്തവ ദിവസങ്ങളില് ഒന്നു രണ്ട് മണിക്കൂര് ഇട വിട്ട് പാഡ് മാറേണ്ട അവസ്ഥയെങ്കില്, അതായത് മാറുന്നതല്ല, മാറേണ്ട അവസ്ഥയെങ്കില്, അത്രയ്ക്ക് രക്തം ഉണ്ടെങ്കില് ഇത് അമിതാര്ത്തവം എന്ന കണക്കില് പെടുത്താം. ഇത് നാം ഉപയോഗിയ്ക്കുന്ന ഏത് ഏത് മെന്സ്ട്രല് വഴികളാണെങ്കിലും.
തുടര്ച്ചയായി
തുടര്ച്ചയായി ഇത് തന്നെയാണ് അവസ്ഥയെങ്കില്, അടുപ്പിച്ച് ദിവസങ്ങളില്, അടുപ്പിച്ച് മാസങ്ങളില് വരുമെങ്കില്, ലീക്കിംഗ് എങ്കില് എല്ലാം തന്നെ അമിതമായ രക്തസ്രാവമെങ്കില് ഇത് ബ്ലീഡിംഗ് കൂടുതല് അതായത് ഹെവി മെന്സ്ട്രല് ബ്ലീഡിംഗ് എന്ന രീതിയില് എടുക്കാം. കട്ട പിടിച്ച് രക്തം എപ്പോഴും പോകുക, രാത്രി കാലങ്ങളില് രണ്ട് മൂന്നു വട്ടം ഇവ മാറേണ്ടി വരിക, നമ്മുടെ ദിനചര്യകളെ ബാധിയ്ക്കുന്ന രീതിയില് ബ്ലീഡിംഗ് എങ്കില് ഇതെല്ലാം അമിതാര്ത്തവമാണ്.
ഹോര്മോണ്
ഈസ്ട്രജന് ഹോര്മോണ് കൂടുകയും പ്രൊജസ്ട്രോണ് ഹോര്മോണ് കുറയുകയും ചെയ്യുന്ന അവസ്ഥയിലാണ് ഇത്തരം അമിതാര്ത്തവമുണ്ടാകുന്നത്. ഇത് പല കാരണങ്ങളുമുണ്ടാകാം. ഹോര്മോണ് ഇംബാലന്സ് ഉണ്ടാകുന്ന തൈറോയ്ഡ്, ഫൈബ്രോയ്ഡ് എന്ന അവസ്ഥകളെങ്കില് ഇതുണ്ടാകാം. ഇതു പോലെ ആദ്യമായി ആര്ത്തവമാകുന്ന പെണ്കുട്ടികളില് കൃത്യമായ അണ്ഡവിസര്ജനം ശരിയാകുന്നത് വരെ ചിലപ്പോള് ഇത്തരം അവസ്ഥയുണ്ടാകും. ഇതു പോലെ അമിത വണ്ണമെങ്കില് ഇത്തരം അവസ്ഥയുണ്ടാകാം.
അണ്ഡാശയത്തിലെ പ്രശ്നങ്ങള്
അണ്ഡാശയത്തിലെ പ്രശ്നങ്ങള്, യൂട്രൈന് മുഴകള് അഥവാ ഫൈബ്രോയ്ഡുകള്, എന്ഡോമെട്രിയോസിസ് അവസ്ഥകളിലും ഇത്തരം അവസ്ഥയുണ്ടാകാം. ചോക്ലേറ്റ് സിസ്റ്റ് , അഡിനോമയോസിസ് എന്നിവയെല്ലാം തന്നെ എന്ഡോമെട്രിയോസിസ് വകഭേദങ്ങളാണ്. ഇത്തരം അവസ്ഥകളെങ്കിലും ഇത്തരം ഹെവി മെന്സ്ട്രല് ബ്ലീഡിംഗ് കാരണമാകാം. ഇതു പോലെ ഗര്ഭാശയപാത്രത്തിലെ പോളിപ്സ് ഇതിന് കാരണമാകും. കരള് രോഗങ്ങളെങ്കില് ഇത്തരം ബ്ലീഡിംഗ് വരാം. ഗര്ഭപാത്രത്തിലോ പെല്വിസിലോ അണുബാധകളെങ്കിലും ഇത്തരം അവസ്ഥയുണ്ടാകാം. ഇത്തരം അണുബാധകളെങ്കില് വജൈനല് ഡിസ്ചാര്ജ് കൂടി ഉണ്ടാകാം. ഇതു പോലെ വയറുവേദനയുമുണ്ടാകാം. സാധാരണ ഗതിയില് ആര്ത്തവമുണ്ടാകുന്ന ഒരാള്ക്ക് പെട്ടെന്ന് ഒരു മാസം അമിതാര്ത്തവമെങ്കില് അറിയാതെ സംഭവിച്ച ഗര്ഭധാരണവും തുടര്ന്നുണ്ടായ അബോര്ഷനുമാകാം. ഇതു പോലെ തന്നെ ഗര്ഭകാലത്ത് അബോര്ഷനല്ലാതെ പ്ലാസന്റ് പ്രീവിയ ഇതു പോലെ ബ്ലീഡിംഗ് ഉണ്ടാക്കും. മറുപിള്ള അഥവാ പ്ലാസന്റ താഴെ വരുന്ന അവസ്ഥയാണിത്.
ബ്ലീഡിംഗ്
ഇതു പോലുള്ള ബ്ലീഡിംഗ് യൂട്രൈന് ക്യാന്സര് ലക്ഷണം കൂടിയാകാം. ഇതിനാല് തന്നെ ഇത്തരം ആര്ത്തവം അവഗണിയ്ക്കരുതെന്നര്ത്ഥം. നമ്മുടെ സാധാരണ ദിവസത്തെ ബാധിയ്ക്കുന്ന രീതിയില് ആര്ത്തവ ബ്ലീഡിംഗ് എങ്കില്, ഇതു പോലെ ആര്ത്തവ സമയത്ത് വല്ലാത്ത ക്ഷീണം, രണ്ട് ആര്ത്തവങ്ങള്ക്കിടയില് ബ്ലീഡിംഗ് എങ്കില്, ആര്ത്തവ വിരാമം സംഭവിച്ച ശേഷം ബ്ലീഡിംഗ് എങ്കിലും ഡോക്ടറെ കാണണം. അത്തരം ബ്ലീഡിംഗ് വച്ചു കൊണ്ടിരിയ്ക്കരുത്. നിര്ബന്ധമായും ഡോക്ടറുടെ സഹായം തേടി കൃത്യമായി ചികിത്സ തേടേണ്ടതുമാണ്.