രാത്രി കിടന്നുറങ്ങിക്കഴിഞ്ഞാൽ നിങ്ങൾ പല്ലിറുമ്മാറുണ്ടോ? അതിപ്പോ നിങ്ങളോട് ചോദിച്ചിട്ട് കാര്യമില്ലാല്ലോ, നിങ്ങളുടെ അടുത്ത് കിടക്കുന്നയാളോട് വേണം ചോദിക്കാൻ അല്ലേ. ശരിയാണ് പലർക്കും ഇത്തരത്തിലുള്ള ഒരു ശീലം ഉണ്ടാകും ഉറങ്ങിക്കഴിഞ്ഞാൽ പല്ലിറുമ്മുന്നത്. കൂർക്കം വലി പോലെത്തന്നെ വളരെ ഏറെ പ്രശ്നം സൃഷ്ടിക്കുന്ന ഒന്നാണ് പല്ലിറുമ്മലും. പലപ്പോഴും കുട്ടികളിലായിരിക്കും ഇത്തരത്തിലുള്ള പ്രശ്നങ്ങൾ കൂടുതലായും കണ്ടു വരുന്നത്.
പലരും ദേഷ്യം തീർക്കാനാണ് പല്ലിറുമ്മാറ്, എന്നാൽ ഉറക്കത്തിൽ ആരോട് ദേഷ്യം തീർക്കാനാണ് പല്ലിറുമ്മുന്നത് എന്ന് ചോദിക്കാൻ വരട്ടെ, ആദ്യത്തെ അവസ്ഥ സ്വാഭാവികമായ രീതിയിലുള്ള ഒരു പ്രതികരണ മുറയും രണ്ടാമത്തേത് ഒരു അസ്വാഭാവിക പ്രക്രിയ കൂടിയാണ്. ആദ്യം തന്നെ പറഞ്ഞുവല്ലോ ഇത്തരത്തിലുള്ള പ്രശ്നങ്ങൾ കൂടുതലായും കണ്ടു വരുന്നത് കുട്ടികളിലാണ്.
തട്ടുകടയിൽ നിന്നും ഹോട്ടലുകളിൽ നിന്നും ഭക്ഷണം പേപ്പറുകളിൽ നിന്ന് പൊതിഞ്ഞു വാങ്ങരുത്, അപകടം...
പല്ല് കടിക്കലിനെക്കുറിച്ച് അറിയാം...
എന്താണ് പല്ല് കടിക്കൽ? പല്ല് കടിക്കുന്നതിനെ വൈദ്യ ശാസ്ത്രപരമായി പറയുകയാണെങ്കിൽ ബ്രക്സിസം എന്നാണ് അറിയപ്പെടുന്നത്. ഒരു വ്യക്തി പല്ല കടിക്കുന്ന അവസ്ഥ പലപ്പോഴും സുഖകരമായി തോന്നാറില്ല എന്നത് മാത്രമല്ല അടുത്ത് കിടക്കുന്നവർക്ക് പല തരത്തിലുള്ള അസ്വസ്ഥതകൾ ഉണ്ടാക്കുകയും ചെയ്യുന്നു. കുട്ടികളിലും മുതിര്ന്നവരിലും ബ്രക്സിസം സംഭവിക്കുന്നു. മിക്കവരും ഉറക്കത്തിലാണ് പല്ല് കടിക്കുന്നത്. ഉറക്കത്തിൽ സംഭവിക്കുന്ന ഇത്തരം അവസ്ഥകളെ സ്ലീപ് ബ്രക്സിസം എന്ന് വിളിക്കുന്നു. കുട്ടികളുടെ ഉറക്കത്തില് ബ്രക്സിസം ഉണ്ടാകാനുള്ള കാരണം അവരുടെ വായിലെ പേശികളുടെ നിയന്ത്രണം ഇല്ലാത്തത് കൊണ്ടാണെന്ന് ആരോഗ്യ വിദഗ്ദർ പറയുന്നു.
ഉറക്കത്തിൽ പല്ല് കടിക്കുന്നത് നിരുപദ്രവകാരിയായി കണക്കാക്കപ്പെടുന്നുണ്ടെങ്കിലും മിക്ക കേസുകളിലും കുട്ടികള് സ്വാഭാവികമായും അതിനെ മറികടക്കുന്നു. കുട്ടികളാണ് രാത്രി ഉറക്കത്തിൽ പല്ല് കടിക്കുന്നതെങ്കിൽ രക്ഷിതാക്കള്ക്ക് ഒരു വലിയ പ്രശ്നമാണ്. ചിലപ്പോള് പല്ലുകള് കഠിനമായി കടിക്കുന്നത് കുട്ടിക്ക് തലവേദനയോ പല്ലിന്റെ ഇനാമല് ക്ഷീണമോ ഉണ്ടാക്കുകയും ചെയ്യുന്നു. കഠിനമായ കേസുകളില് ഇത് ടെമ്പോറോമാണ്ടിബുലാര് ജോയിന്റ് ഡിസീസ് എന്നതിന് കാരണമാകും. കുഞ്ഞുങ്ങളിലും കുട്ടികളിലും പല്ല് കടിക്കുന്നത് തടയാനോ നിയന്ത്രിക്കാനോ ഉള്ള ചില വഴികള് പരിചയപ്പെടാം.
നിത്യ വഴുതന എന്ന് പറയുമ്പോള് നെറ്റി ചുളിക്കേണ്ടതില്ല, നിങ്ങളറിയാത്ത പലതും ഉണ്ട് ഇതില്!
ശാന്തമായി ഉറങ്ങാനുള്ള ടിപ്സ്...
ഉറക്കത്തിൽ പല്ല് കടിക്കുന്ന കുട്ടികൾക്ക് ശാന്തമായി ഉറങ്ങുന്നതിനുള്ള ടിപ്പുകൾ പറഞ്ഞു കൊടുക്കകു. സംഗീതം, വായന പോലുള്ളവ പരീക്ഷിക്കാൻ ശ്രമിക്കുക. ഇത് കുട്ടികളുടെ രാത്രി ഉറക്കത്തിലെ പല്ലിറുമ്മലിനെ ഇല്ലാതാക്കാൻ സഹായിക്കും.
കഫീൻ അടങ്ങിയ ഭക്ഷണങ്ങൾ ഒഴിവാക്കുക
കുട്ടികൾക്ക് കഫീൻ അടങ്ങിയ ഭക്ഷണങ്ങൾ നൽകുന്നത് പരമാവധി ഒഴിവാക്കാൻ ശ്രദ്ധിക്കുക. കോളസ്, ചോക്ലേറ്റ് തുടങ്ങിയ ഭക്ഷണങ്ങൾ ധാരാളം കഴിക്കുന്നതിലൂടെ കുട്ടികൾ ഇത്തരത്തിൽ ഉറക്കത്തിൽ പല്ലിറുമ്മാനുള്ള സാധ്യത വളരെ കൂടുതലാണ്. അത് കൊണ്ട് തന്നെ കുട്ടികൾക്ക് ഇത്തരത്തിൽ കഫീൻ അടങ്ങിയ ഭക്ഷണങ്ങൾ കൊടുക്കുന്നത് പരമാവധി ഒഴിവാക്കാൻ ശ്രദ്ധിക്കുക.
ച്യുയിംഗം കഴിക്കുന്നത് ഒഴിവാക്കുക
കുട്ടികൾക്ക് ച്യുയിംഗ് കഴിക്കുന്ന ശീലം ഉണ്ടെങ്കിൽ അത് ഒഴിവാക്കുന്നതായിരിക്കും ഏറ്റവും നല്ലത്. കാരണം ച്യുയിംഗ് കഴിക്കുന്ന കുട്ടികൾ പല്ലിറുമ്മാനുള്ള സാധ്യത കൂടുതലാണ്. ച്യുയിംഗം ചവക്കുന്ന സമയത്ത് താടിയെ അമിതമായി മുറുകെപ്പിടിക്കുന്നത്, രാത്രി ഉറക്കത്തിൽ പല്ല് കടിക്കാനുള്ള സാധ്യത വർധിപ്പിക്കുന്നു. അത് കൊണ്ട് തന്നെ ഇത്തരം സന്ദർഭങ്ങളെ അമിതമായി പ്രോത്സാഹിപ്പിക്കാതിരിക്കുക.
പല്ല് കടിക്കുന്നത് മുതിർന്നവരാണെങ്കിൽ...
മുതിർന്ന കുട്ടികൾ പല്ല് കടിക്കുന്നുണ്ടെങ്കിൽ പ്രത്യേകം ശ്രദ്ധിക്കേണ്ടിയിരിക്കുന്നു. അമിതമായ ഉത്കണ്ഠയും മാനസിക സമ്മർദ്ദവുമായിരിക്കും മുതിർന്നവർ പല്ല കടിക്കാനുള്ള കാരണം. അത് കൊണ്ട് തന്നെ മാനസികമായ സമ്മർദ്ദങ്ങളെ ഇല്ലാതാക്കുന്നത് ഇത്തരത്തിലുള്ള പ്രശ്നങ്ങൾക്ക് പരിഹാരം കാണാവുന്നതാണ്.
കഞ്ഞിവെള്ളം ചില്ലറക്കാരനല്ല...
നിർജ്ജലീകരണം
നിർജ്ജലീകരണം വഴി രാത്രി ഉറക്കത്തിൽ പല്ല് കടിക്കാനുള്ള സാധ്യത വളരെ കൂടുതലാണ്. പലപ്പോഴും വേനൽ കാലത്തും മറ്റും ആവശ്യമായ വെള്ളം കുടിക്കാതെ വരുമ്പോൾ ഇത്തരത്തിലുള്ള പ്രശ്നങ്ങൾ കണ്ട് വരാറുണ്ട്. അത് കൊണ്ട് തന്നെ നിർജ്ജലീകരണാവസ്ഥ ഇല്ലാതാക്കി പല്ലിറുമ്മലിനെ ഇല്ലാതാക്കാൻ സാധിക്കും. അത് കൊണ്ട് ശ്രദ്ധിക്കേണ്ട കാര്യം എന്താണെന്ന് വെച്ചാൽ ധാരാളം വെള്ളം കുടിക്കുക എന്നതാണ്. വെള്ളം കുടിക്കുന്നത് ആരോഗ്യകരമായും വളരെ ഏറെ ഗുണം ചെയ്യും എന്ന് അറിഞ്ഞിരിക്കുക.