തൈറോയ്ഡിനും തടിയ്ക്കും പരിഹാരമായി ചെമ്പരത്തി പാനീയം..

ഇതിനായി വേണ്ടത് ചെമ്പരത്തിയാണ്. ഒപ്പം ഇഞ്ചി, ശര്‍ക്കര, നാരങ്ങ, എന്നിവയും വേണം.ചെമ്പരത്തി പണ്ടു കാലം മുതല്‍ തന്നെ നാം മുടി സംരക്ഷണത്തിന് ഉപയോഗിച്ചു വരുന്ന ഒന്നാണ്. എന്നാല്‍ ഇത് ആരോഗ്യത്തിന് കൂടി ഏറെ ഗുണകരവുമാണ്. ഇതിന്റെ ആന്റി ഓക്‌സിഡന്റ് ഗുണം കൊഴുപ്പു കളയാന്‍ സഹായിക്കുന്നു. അമിതവണ്ണത്തിൽ നിന്നും രക്ഷ നേടാനായി ഏറ്റവും ഉത്തമമാണ് ഈ ചെമ്പരത്തി ജ്യൂസ്. ഇത് ശരീരത്തില്‍ അടിഞ്ഞു കൂടിയ കൊഴുപ്പ് പുറന്തള്ളാന്‍ സഹായിക്കുന്നു. രക്തവര്‍ദ്ധനവിന് സഹായിക്കുന്ന ഒന്നാണ്. അയേണ്‍ സമ്പുഷ്ടമാണിത്. രക്തത്തിൽ അടിഞ്ഞുകൂടുന്ന കൊഴുപ്പിന്റെ അളവ് കുറയ്ക്കാനും ചെമ്പരത്തി ജ്യൂസ് നല്ലതാണ്.ബിപി കുറയ്ക്കാന്‍ ചെമ്പരത്തി ജ്യൂസ് ഏറെ ഗുണകരമാണ്. ഈ ചായയിൽ വിറ്റാമിൻ സി ധാരാളമായി അടങ്ങിയിട്ടുണ്ട്, ഇത് ആന്റിഓക്‌സിഡന്റുകൾ ശരീരത്തിലെ കൊളാജൻ ഉത്പാദനം മെച്ചപ്പെടുത്താൻ സഹായിക്കും.

ആൻറി ഇൻഫ്ലമേറ്ററി, ആന്റി ഓക്‌സിഡന്റ് ഗുണങ്ങളാൽ സമ്പുഷ്ടമായ ഇഞ്ചി ആയുർവേദം ഉൾപ്പെടെയുള്ള പരമ്പരാഗത ഔഷധങ്ങളിൽ വ്യാപകമായി ഉപയോഗിക്കുന്നു. ഇത് പ്രോട്ടീൻ വിഘടിക്കുന്നത് വേഗത്തിലാക്കുന്നു, എൻസൈം സ്രവണം വർദ്ധിപ്പിച്ച് ഭക്ഷണത്തിന്റെ ആഗിരണം മെച്ചപ്പെടുത്തുന്നു, ദിവസവും ഇഞ്ചി കഴിക്കുന്നത് രക്തത്തിലെ ഗ്ലൂക്കോസിന്റെ അളവ് കാര്യക്ഷമമായി നിയന്ത്രിക്കാൻ സഹായിക്കും. ഇത് പ്രകൃതിദത്തമായി കൊഴുപ്പ് കത്തിക്കാൻ സഹായിക്കുകയും ചെയ്യുന്നു.

നാരങ്ങയും ആരോഗ്യപരമായ ഗുണങ്ങള്‍ ഏറെയുളളതാണ്. വൈററമിന്‍ സി, ആന്റിഓക്‌സിഡന്റ് ഗുണങ്ങളാല്‍ സമ്പുഷ്ടവുമാണ്. വിറ്റാമിൻ (വിറ്റാമിൻ സി ഏറ്റവും പ്രധാനപ്പെട്ടത്), ഫോളേറ്റ്, കാൽസ്യം, ഇരുമ്പ്, പൊട്ടാസ്യം, സിങ്ക്, മാംഗനീസ്, പ്രോട്ടീൻ, ചെമ്പ് എന്നിവയാണ് ഇതില്‍ അടങ്ങിയിട്ടുള്ളത്. ആസിഡ് റിഫ്ലക്സ്, ദഹനക്കേട്, മുഖക്കുരു, വൃക്കയിലെ കല്ലുകൾ, അമിതവണ്ണം, മറ്റ് പല ആരോഗ്യ പ്രശ്നങ്ങൾ എന്നിവയ്ക്കും ചികിത്സിക്കാൻ നാരങ്ങയ്ക്ക് കഴിവുണ്ട്. മാത്രമല്ല; നാരങ്ങയ്ക്ക് താരൻ, മുഖക്കുരു എന്നിവയ്ക്ക് പരിഹാരം നൽകാനും ചർമ്മത്തിന്റെ നിറം മെച്ചപ്പെടുത്താനും കഴിയും.

ഇതിനായി ചുവന്ന ഒറ്റയിതള്‍ ചെമ്പരത്തി ഇതളുകള്‍ നല്ലതു പോലെ കഴുകി വൃത്തിയാക്കി എടുക്കുക. ഒരു കഷ്ണം ഇഞ്ചി ചതച്ച് ഇതിലേയ്ക്ക് ഇടുക. ഇത് മൂന്ന് ഗ്ലാസ് വെള്ളത്തില്‍ ഇട്ട് തിളപ്പിച്ചെടുക്കണം. ചെറു തീയില്‍ 10 മിനിറ്റോളം തിളപ്പിയ്ക്കണം. പിന്നീട് ഇത് ഊറ്റിയെടുക്കുക. ഒരു പാത്രത്തില്‍ ഒരു ഗ്ലാസ് വെള്ളത്തില്‍ അര കപ്പ് ശര്‍ക്കര ചേര്‍ത്തിളക്കി തിളപ്പിച്ച് ശര്‍ക്കരവെള്ളം തയ്യാറാക്കുക. ഇത് ചെമ്പരത്തി പാനീയത്തില്‍ ചേര്‍ത്തിളക്കുക. ഇതിലേയ്ക്ക് പകുതി മുറി നാരങ്ങയുടെ നീര് ചേര്‍ത്തിളക്കണം. ഇതിലേയ്ക്ക് കാല്‍ ടീസ്പൂണ്‍ കുരുമുളക് പൊടിയും ചേര്‍ത്തിളക്കണം.