പന്നിപ്പനി പകരാതിരിക്കാൻ ശ്രദ്ധിക്കേണ്ട കാര്യങ്ങള്‍

പക‍ർച്ചപ്പനികളുടെ കൂട്ടത്തിൽ അപകടകാരിയാണ് പന്നിപ്പനി. ശ്വാസകോശ സ്രവങ്ങളിൽക്കൂടിയാണ് പന്നിപ്പനി പകരുന്നത്. തുമ്മുമ്പോഴും ചുമക്കുമ്പോളും സൂക്ഷ്മകണങ്ങൾ വായുവിലൂടെ പകർന്നാണ് അസുഖമുണ്ടാകുന്നത്. എച്ച് വൺ എൻ വൺ ഇൻഫ്ളുവൻസ എന്ന രോഗം 2009മുതലാണ് ശ്രദ്ധിക്കപ്പെടാൻ തുടങ്ങിയത്. അതിവേഗം പന്നികളിലെത്തുന്ന വൈറസ് ശ്വാസകോശ രോഗങ്ങളുണ്ടാക്കുന്നു. അസുഖബാധിതനായ വ്യക്തിയിൽ നിന്ന് വായുവിലൂടെ രോഗം ഏഴുദിവസത്തിനുള്ളിൽ പകർന്നേക്കാം. പനി, തൊണ്ടവേദന, ക്ഷീണം, വയറിളക്കം എന്നിവയാണ് രോഗ ലക്ഷണങ്ങൾനാല് വയസിന് താഴെയുള്ള കുട്ടികൾക്കും 65 വയസിന് മുകളിലുളളവർക്കും ഗർഭിണികൾ, രോഗപ്രതിരോധിശേഷി കുറഞ്ഞവർ എന്നിവരിലേക്ക് വേഗത്തിൽ അസുഖം പകർന്നേക്കാം.

കൈകൾ എപ്പോഴും വൃത്തിയായി കഴുകി സൂക്ഷിക്കുക. രോഗിയെ പ്രത്യേക മുറികളിൽ താമസിപ്പിക്കണം. രോഗിയെ ശുശ്രൂഷിക്കുന്നവർ മാസ്കുകൾ ധരിക്കണം. നല്ല വിശ്രമം ആവശ്യമാണ്. രോഗമുള്ളവർ മറ്റുള്ളവരുമായുള്ള സമ്പർക്കം പരമാ‍വധി കുറയ്ക്കുക. അസുഖം ബാധിക്കാതിരിക്കാൻ ശ്രദ്ധിക്കേണ്ട കാര്യങ്ങൾ ഇവയൊക്കെയാണ്.