കുടലിലെ അർബുദം: ലക്ഷണങ്ങൾക്ക് പൈൽസുമായി സാമ്യം; ആശയക്കുഴപ്പത്തിലാകാതിരിക്കാൻ ശ്രദ്ധിക്കേണ്ടത്

"കുടൽ - മലാശയ ക്യാൻസർ (Colorectal Cancer) കണ്ടെത്തുന്നതിനുള്ള സ്ക്രീനിംഗ് ടെസ്റ്റ് നടത്തേണ്ടത് വളരെ പ്രധാനമാണ്. കാരണം പ്രാരംഭ ഘട്ടത്തിൽ രോഗനിർണയം നടത്തിയാൽ പൂർണ്ണമായി ചികിത്സിച്ച് ഭേദമാക്കാൻ കഴിയുന്ന വളരെ കുറച്ച് ക്യാൻസറുകളിൽ ഒന്നാണിത്. ചെറുപ്പക്കാരിൽ ഈ ക്യാൻസർ കൂടുതലായി കണ്ടെത്തുന്ന സാഹചര്യത്തിൽ, colonoscopy പോലുള്ള സ്ക്രീനിംഗ് ടെസ്റ്റുകൾ നടത്തുന്നത് പ്രയോജനകരമാണ്. കാരണം ഇത് അര്ബുദത്തിലേയ്ക്ക് നയിച്ചേക്കാവുന്ന polyps കണ്ടെത്താൻ സഹായിക്കുന്നു. അങ്ങനെ കണ്ടെത്തുന്നവ മാരകമാകുന്നതിന് (malignant) മുമ്പ് അങ്ങനെ നീക്കം ചെയ്യാം.

എന്നാൽ ഭീതി ജനിപ്പിക്കും വിധം ഇന്ത്യയിൽ ഏതാണ്ട് 78% കേസുകളിലും Colorectal Cancer കണ്ടെത്തുന്നത് രോഗം ഗുരുതര ഘട്ടത്തിലേക്ക് നീങ്ങുമ്പോഴാണ്. ഇത് അതിജീവന സാധ്യത കുറയ്ക്കുന്നു. ചില സാഹചര്യങ്ങളിൽ വിദഗ്ധരെ പോലും മലാശയത്തിൽ നിന്നുള്ള രക്തസ്രാവം പോലുള്ള ലക്ഷണങ്ങൾ ആശയക്കുഴപ്പത്തിലാക്കാറുണ്ട്. പ്രത്യേകിച്ച് പൈൽസ്, ഫിസ്റ്റുല, പൊട്ടൽ തുടങ്ങിയ പ്രശ്നങ്ങൾ മൂലമുണ്ടാകുന്ന ലക്ഷണങ്ങൾ ശരിയായ രോഗനിർണയവും ചികിത്സയും വൈകാൻ കാരണമാകുന്നു.

കൃത്യസമയത്തെ സ്ക്രീനിംഗ് പരിശോധനകൾക്കൊപ്പം പുകവലിയും മദ്യപാനവും പരിമിതപ്പെടുത്തുക, എപ്പോഴും സജീവമായിരിക്കുക, ആരോഗ്യകരമായ ഭക്ഷണ ശീലം പിന്തുടരുക തുടങ്ങിയ ജീവിതശൈലി മാറ്റങ്ങൾ കുടൽ - മലാശയ അർബുദം തടയാൻ സഹായിക്കും," Dr. Parameshwara CM (MBBS, MS, Colorectal Specialist, Ayu Health Hospital, Bangalore) പറയുന്നു.

അഡിനോ കാര്‍സിനോമ എന്നതാണ് പൊതുവേ കാണുന്ന കോളന്‍ ക്യാന്‍സര്‍. ഇത് വന്‍കുടലിന്റെ അററത്തായാണ് ഇത് പൊതുവേ ഉണ്ടാകുക. ഇത് 50 വയസിന് മുകളില്‍ പ്രായമുള്ള പുരുഷന്മാരേയാണ് ഇത് കൂടുതല്‍ ബാധിയ്ക്കുക. അല്‍സറൈറ്റിസ് പോലുള്ളവ ഉള്ളവര്‍ക്ക് ഈ ക്യാന്‍സര്‍ സാധ്യതയുണ്ട്. കുടലിനകത്തുള്ള പോളിപ്‌സും ഇത്തരം കോളന്‍ ക്യാന്‍സര്‍ വരാന്‍ സാധ്യതയുള്ളതാണ്. ഇതു പോലെ ഡയറ്റിലെ വ്യത്യാസങ്ങള്‍ ഇത്തരം ക്യാന്‍സറിന് സാധ്യതയുണ്ട്. നാരുകള്‍ കുറഞ്ഞ ഭക്ഷണം, കൊഴുപ്പ് കൂടുതലുള്ള ഭക്ഷണം എന്നിവ കഴിയ്ക്കുന്നത് ഇത്തരം കോളന്‍ ക്യാന്‍സറിനുള്ള പ്രധാന കാരണമാണ്.

പുകവലി പോലുള്ള പ്രശ്‌നങ്ങളെങ്കില്‍ ഇത്തരം ക്യാന്‍സറിന് സാധ്യത കൂടുതലാണ്. ഇതു പോലെ വ്യായാമമില്ലാതെയുള്ള ജീവിത ചിട്ട ഇതിന് കാരണമാണ്. ചുവന്ന ഇറച്ചി ഇതിനുള്ള മറ്റൊരു കാരണമാണ്. ഇതു പോലെ അമിത വണ്ണം, പ്രമേഹം എന്നിവയെല്ലാം തന്നെ ഇത്തരം ആരോഗ്യ പ്രശ്‌നങ്ങള്‍ക്ക് വഴിയൊരുക്കുന്നു. പാരമ്പര്യവും ക്യാന്‍സറിന് ഒരു പരിധി വരെ സാധ്യതയുള്ളതാണ്.

ഇത് തിരിച്ചറിയാന്‍ നമുക്ക് തന്നെ സാധിയ്ക്കും. ഒന്നോ രണ്ടോ തവണ ഇത്തരം ലക്ഷണങ്ങള്‍ വന്നാല്‍ ഇത് കോളന്‍ ക്യാന്‍സര്‍ എന്നു കരുതേണ്ടതില്ല. ഇത് അടുപ്പിച്ച് വരുന്നതെങ്കില്‍ മാത്രമാണ് ഇത്തരം കാര്യങ്ങള്‍ ശ്രദ്ധിയ്‌ക്കേണ്ടത്. അടിക്കടി വരുന്ന വയറുവേദന, പ്രത്യേകിച്ചും കോച്ചിപ്പിടിക്കുന്ന സ്ഥിരം വയറുവേദന, മലത്തില്‍ രക്തം, മലത്തിന്റെ പോക്കില്‍ വരുന്ന വ്യത്യാസങ്ങള്‍. മലത്തിലെ രക്തത്തിന് ഓറഞ്ച്, കറുപ്പ് നിറം, അമിതമായ ക്ഷീണം, വിളര്‍ച്ച, ടോയ്‌ലറ്റില്‍ പോയാല്‍ ശരിയായില്ല എന്ന തോന്നല്‍ എന്നിവയെല്ലാം തന്നെ കോളന്‍ ക്യാന്‍സര്‍ ലക്ഷണങ്ങളായി എടുക്കാം. ഇത് അടുപ്പിച്ച് വരുന്നതാണ് ശ്രദ്ധിയ്‌ക്കേണ്ടത്. വല്ലപ്പോഴും വരുന്ന പ്രശ്‌നങ്ങള്‍ മറ്റു പ്രശ്‌നങ്ങള്‍ കാരണമാകാം.

ഇത് നേരത്തെ കണ്ടു പിടിയ്ക്കാന്‍ സ്‌ക്രീനിംഗ് ടെസ്റ്റുകള്‍ നടത്താം. പ്രത്യേകിച്ചും പാരമ്പര്യമായോ അല്ലെങ്കില്‍ പോളിപ്‌സ് പോലുള്ള പ്രശ്‌നങ്ങളുണ്ടെങ്കില്‍. ഇത് തടയാന്‍ നാരുകള്‍ അടങ്ങിയ ഭക്ഷണങ്ങള്‍ കൂടുതലായി കഴിയ്ക്കാം. മാംസം കുറയ്ക്കുക. പ്രത്യേകിച്ചും റെഡ് മീറ്റ്. മദ്യപാന, പുകവലി ശീലങ്ങള്‍ നിര്‍ത്തുക. നല്ല വ്യായാമ ശീലങ്ങള്‍ സ്വായത്തമാക്കുക. കൃത്യമായി വെള്ളം കുടിയ്ക്കുക. മനസിന് ശാന്തത നല്‍കുക. ഇത്തരം ശീലങ്ങളെങ്കില്‍ കോളന്‍ ക്യാന്‍സര്‍ മാത്രമല്ല, പല മാരക രോഗങ്ങളും തടയാന്‍ ഇത്തരം രീതികള്‍ സഹായിക്കും.