ഇതില്‍ ലിവര്‍ സിറോസിസ്, ഫാറ്റി ലിവര്‍ എന്നിവയെല്ലാം പെടുന്നു. ലിവര്‍ സിറോസിസിന് പ്രധാന കാരണം മദ്യപാനമെങ്കിലും ഇതിന് മദ്യപാനം മാത്രമല്ല, കാരണം. മററ് പല കാരണങ്ങളാലും ലിവര്‍ സിറോസിസുണ്ടാകാം. ആളുകള്‍ക്ക് പൊതുവേയുളള ചിന്ത കരള്‍ രോഗമെന്ന് കേട്ടാന്‍ മദ്യപാനം എന്നതാണ്. ഇതല്ല സത്യം. ഇതു പോലെ കരളില്‍ കൊഴുപ്പടിഞ്ഞ് കൂടുന്ന ഫാറ്റി ലിവര്‍ പലര്‍ക്കുമുള്ള അവസ്ഥയാണ്.
മുഖത്ത്
കരള്‍ രോഗത്തിന് കാണിയ്ക്കുന്ന ചില പ്രത്യേക ലക്ഷണങ്ങളുണ്ട്. ഇതില്‍ ഫാറ്റി ലിവറിന് ശരീര രീതി കാണിയ്ക്കുന്ന ചില ലക്ഷണങ്ങളുണ്ട്. വയര്‍ ചാടിയിരിയ്ക്കും, പക്ഷേ കൈ കാലുകള്‍, നെഞ്ച് എല്ലാം ശോഷിച്ചിരിയ്ക്കും. കരള്‍ രോഗങ്ങളെങ്കില്‍ നെറ്റിയുടെ നിറം കരുവാളിച്ചിരിയ്ക്കും.
മുഖത്ത് പല തരത്തിലെ നിറം കാണപ്പെടും. ലിവര്‍, കുടല്‍, തൈറോയ്ഡ് പ്രശ്‌നങ്ങള്‍ക്കാണ് ഇതുപോലെ മുഖത്ത് പല നിറവും നെറ്റി പോലുള്ള ചില ഭാഗങ്ങളില്‍ കരുവാളിപ്പുമെല്ലാം കാണാം.
വയര്‍
ഫാറ്റി ലിവര്‍ ഉള്ളവര്‍ക്ക് ഡീടോകസിഫിക്കേഷന്‍ നടത്താനുള്ള കഴിവു കുറയും. ലിവറാണ് ശരീരത്തിലെ വിഷാംശം, അനാവശ്യ കൊഴുപ്പ് നീക്കാനുള്ള പ്രക്രിയ നടത്തുന്നത്. ലിവര്‍ പ്രശ്‌നത്തിലാകുമ്പോള്‍ ശരീരത്തിലെ മാത്രമല്ല, ലിവറിലെ തന്നെ ടോക്‌സിനുകള്‍, കൊഴുപ്പ് എന്നിവ നീക്കാനുള്ള ധര്‍മം ശരിയായി നടക്കുന്നില്ല.
കൊഴുപ്പടിഞ്ഞ് കൂടിയാണ് വയര്‍ ചാടുന്നത്. ഫാറ്റി ലിവറുള്ളവരുടെ പ്രധാന പ്രശ്‌നമാണ് വയര്‍ ചാടുന്നത്. ഫാറ്റി ലിവര്‍ മാത്രമല്ല, ലിവര്‍ ആരോഗ്യം പ്രശ്‌നത്തിലാണെങ്കില്‍ ഈ ഭാഗത്ത് കൊഴുപ്പടിയും. ശരീരത്തിന്റെ മറ്റ് പല ഭാഗങ്ങളും ശോഷിച്ചിരിയ്ക്കുകയും ചെയ്യും.
പ്രമേഹം
ലിവറിന് സ്വന്തം ഡീടോക്‌സിഫിക്കേഷന്‍ നടത്താനുള്ള കഴിവ് നഷ്ടപ്പെടുമ്പോള്‍ നാം നമ്മുടെ ലിവറിനെ സഹായിക്കുകയാണ് ഒരു വഴി. വയര്‍ ചാടി വരികയാണെന്ന് കരുതുക. ഇത് ലിവര്‍ തന്നെ വിങ്ങിയിരിയ്ക്കുകയാണ് എന്നതിന് സൂചനയാണ്. മുഖത്ത് പാടുകള്‍ വരും.
പ്രമേഹം വര്‍ദ്ധിയ്ക്കും. കൊളസ്‌ട്രോള്‍, ബിപി എന്നിവയെല്ലാം നിയന്ത്രണാതീതമാകും. സ്ത്രീകള്‍ക്ക് ഫാറ്റി ലിവറെങ്കില്‍ തൈറോയ്ഡ് പ്രശ്‌നങ്ങള്‍, അല്ലെങ്കില്‍ ഫൈബ്രോയ്ഡുകള്‍ എന്നിവയ്‌ക്കെല്ലാം സാധ്യതയുമുണ്ട്.
ഫാറ്റി ലിവറിന്
ഫാറ്റി ലിവറിന് പ്രധാന കാരണമാകുന്നത് ഭക്ഷണ രീതി തന്നെയാണ്. കൊഴുപ്പ് നിയന്ത്രിയ്ക്കുക. നാം വ്യായാമം എത്ര ചെയ്യുന്നു എന്നതിന് അടിസ്ഥാനമാക്കിയാണ് നാം ഭക്ഷണം കഴിയ്‌ക്കേണ്ടത്.
അതായത് വലിയ ശാരീരിക അധ്വാനമില്ലാത്തവര്‍ അധികം കൊഴുപ്പോ കാര്‍ബോഹൈഡ്രേറ്റുകളോ കഴിയ്ക്കരുത്. ഉദാഹരണത്തിന് ഉച്ചയ്ക്ക് ചോറ് അല്‍പം, അതായത് ഒരു പിടി എടുക്കുക. ഒപ്പം മത്തി പോലുളള മത്സ്യങ്ങളോ അവിയലോ തോരനോ എല്ലാം ധാരാളം കഴിയ്ക്കാം.
ലിവര്‍ നല്ലതു പോലെ പ്രവര്‍ത്തിയ്ക്കണമെങ്കില്‍ ശാരീരിക അധ്വാനവും ആവശ്യമാണ്. ഇതു പോലെ മദ്യപാന ശീലം അമിതമാകുന്നതും ലിവറിന് ദോഷമാണ്.
കൃത്യമായ ഭക്ഷണ നിയന്ത്രണം, വ്യായാമം എന്നിവയെല്ലാം ഇതിന് ഏറെ നല്ലതാണ്.