1. നല്ലൊരു ബാലന്സ്ഡ് ഡയറ്റ് പിന്തുടരാം
ശരീരഭാരം നിയന്ത്രിക്കുന്നതില് ഏറ്റവും അനിവാര്യമായിട്ടുള്ള കാര്യമാണ് കൃത്യമായിട്ടുള്ള ഡയറ്റ് പിന്തുടരുക എന്നത്. അതായത്, പ്രോട്ടീന്, കാര്ബ്സ്, ഫൈബര്, പോഷകങ്ങളെല്ലാം കൃത്യമായ അളവില് ശരീരത്തിലേയ്ക്ക് എത്തുന്ന വിധത്തിലുള്ള ഡയറ്റ് പിന്തുടരുന്നതാണ് നല്ലത്. അതുപോലെ, ആഹാരത്തില് അമിതമായി കാര്ബ്സ് ഉള്പ്പെടാതിരിക്കാനും, ഇത്തരം ഭക്ഷണങ്ങള് കുറയ്ക്കാനും ശ്രമിക്കണം. അമിതമായി മധുരം ഉപയോഗിക്കുന്നതും നല്ലതല്ല. ശരീരത്തിന് കൃത്യമായി പ്രവര്ത്തിക്കാന് ആവശ്യമായ രീതിയില് എല്ലാ പോഷകങ്ങളും ധാതുക്കളും എത്തുന്ന രീതിയില് നല്ല ഡയറ്റ് പിന്തുടരാവുന്നതാണ്.
2. വ്യായാമം ചെയ്യേണ്ടത് അനിവാര്യം
തങ്ങള് വീട്ടില് പണിയെടുക്കുന്നതാണ്, അതുകൊണ്ട് വ്യായാമം ആവശ്യമില്ല എന്ന് വിചാരിക്കുന്ന നിരവധി സ്ത്രീകളുണ്ട്. എന്നാല്, ഏറ്റവും വലിയ തെറ്റായ ധാരണയാണ് അത്. വീട്ടില് നമ്മള് എടുക്കുന്ന പണി ഒരിക്കലും വ്യായാമത്തിന് സമമാകില്ല. അതിനാല്, ദിവസേന, കുറച്ച് നേരം നടക്കാന് പോവുക, അതുപോലെ, ഓട്ടം, വള്ളിച്ചാട്ടം എന്നിവയെല്ലാം തന്നെ ആരോഗ്യത്തെ മെച്ചപ്പെടുത്താന് സഹായിക്കുന്നവയാണ്. ജിമ്മില് പോകാന് സാധിക്കുന്നവര്ക്ക് പോകാവുന്നതാണ്. അല്ലെങ്കില് യോഗ പരിശീലിക്കുന്നതും നല്ലതുതന്നെ.
3. വിശപ്പിനെ നിയന്ത്രിക്കാം
നമ്മളുടെ വിശപ്പിനെ നിയന്ത്രിക്കാതെ ശരീരഭാരം കുറയ്ക്കുക എന്നത് അത്ര എളുപ്പമുള്ള കാര്യമല്ല. അതിനാല് തന്നെ വേഗം വിശപ്പിനെ ഇല്ലാതാക്കുന്ന ഭക്ഷണങ്ങള് തിരഞ്ഞെടുക്കുന്നത് നല്ലതാണ്. അതിന് ഏറ്റവും നല്ലതാണ് ഫൈബര് അടങ്ങിയ ആഹാരങ്ങള്. നമ്മള് ഫൈബര് അടങ്ങിയ ആഹാരങ്ങള് കഴിക്കുമ്പോള് ഇവ വയര് നിറഞ്ഞ പ്രതീതി ഉളവാക്കുകയും, ദീര്ഘനേരത്തോളം ഈ അവസ്ഥ നിലനില്ക്കുകയും ചെയ്യും. അതിനാല് അധികം പ്രോസസ്സിംഗ് നടത്താത്ത ഓട്സ്, പച്ചക്കറികള്, നട്ട്സ് എന്നിവയെല്ലാം കഴിക്കുന്നത് നല്ലതാണ്.
4. ഭക്ഷണം തീരെ ഇല്ലാതാക്കരുത്
തടി കുറയ്ക്കണം എന്ന ലക്ഷ്യത്തിനായി അമിതമായി കാലറീസ് കുറയ്ക്കുന്നതും അമിതമായി വ്യായാമം ചെയ്യുന്നതും നല്ലതല്ല. കൃത്യമായ ആഹാരവും കൃത്യമായ വ്യായാമം മാത്രമാണ് ആവശ്യമായി വരുന്നത്. ഇവ അമിതമായാല് ശരീരത്തിന് അതിന്റേതായ പ്രശ്നങ്ങള് ഉണ്ടാകുന്നു. കാലറീസ് കുറയ്ക്കുന്നത് ശരീരത്തില് ക്ഷീണം ഉണ്ടാക്കുകയും അമിതമായിട്ടുള്ള വ്യായാമം പേശീക്ഷയവും പോഷകക്കുറവും ഉണ്ടാക്കുകയും ചെയ്യും. ഇത് നല്ലതല്ല.
5. പ്രോസസ്സ്ഡ് ഫുഡ്സ് ഒഴിവാക്കാം
ഇന്നത്തെ ജീവിതശൈലിയില് പ്രധാനമായും ഭാഗമായിരിക്കുന്ന ഒന്നാണ് പ്രോസസ്സ്ഡ് ഫുഡിന്റെ അമിതമായിട്ടുള്ള ഉപയോഗം. ഇത് അമിതവണ്ണത്തിന് പ്രധാന കാരണങ്ങളില് ഒന്നാണ്. പ്രത്യേകിച്ച് പിസിഒഎസ് പോലെയുള്ള അസുഖങ്ങള് അഭിമുഖീകരിക്കുന്നവര് ഇത്തരം ഭക്ഷണങ്ങളില് നിന്നും അകന്നു നില്ക്കേണ്ടത് അനിവാര്യമായിട്ടുള്ള കാര്യമാണ്. ഇത്തരം ഭക്ഷണങ്ങള്ക്ക് നമ്മളുടെ രക്തത്തിലെ പഞ്ചസ്സാരയുടെ അളവ് അമിതമായി കൂട്ടുവാനുള്ളശേഷിയുണ്ട്. ഇത് അമിതവണ്ണത്തിന് കാരണമാണ്. പിസിഒഎസ് പോലെയുള്ള പ്രശ്നം നേരിടുന്നവര് അസുഖത്തിന്റെ ആധിക്യം കുറയ്ക്കാന് ശരീരഭാരം നിയന്ത്രിക്കേണ്ടത്് അനിവാര്യമാണ്. അതിനാല്, ഇത്തരം ഭക്ഷണങ്ങളോട് വിടപറയാം.
6. സ്വയം ചികിത്സകള് ഒഴിവാക്കാം
ഡോക്ടറിന്റെ നിര്ദ്ദേശപ്രകാരമല്ലാതെ സ്വന്തമായി ഭക്ഷണങ്ങള് നിയന്ത്രിച്ചും ഭക്ഷണങ്ങള് ഉള്പ്പെടുത്തുന്നതും നല്ലതല്ല. അതുപോലെതന്നെ, എളുപ്പവിദ്യകളിലൂടെ തടി കുറയ്ക്കാന് ശ്രമിക്കുന്നതെല്ലാം ചിലപ്പോള് വിപരീതഫലം സൃഷ്ടിച്ചെന്നും ഇരിക്കാം. അതിനാല്, കൃത്യമായ മെഡിക്കല് അഡ്വൈസ് തേടിയതിനുശേഷം മാത്രം ഏതൊരു മാര്ഗ്ഗവും സ്വീകരിക്കുന്നതായിരിക്കും നല്ലത്. ഇത്തരത്തില് ആരോഗ്യകരമായ രീതിയില് ശരീരഭാരം കുറയ്ക്കുന്നതാണ് നല്ലത്.
7. ക്ഷമയോടെ മാറ്റങ്ങളെ വീക്ഷിക്കാം
വളരെ പെട്ടെന്ന് തടി കുറച്ച് എടുക്കുന്നതിനേക്കാള് നല്ലത്, സാവധാനത്തില് തടി കുറയ്ക്കുന്നതാണ്. പെട്ടെന്ന് തടി കുറയുന്നത് ആരോഗ്യത്തിന് നല്ലതല്ല. മൂന്ന്, നാല് മാസം എടുത്തിട്ടായാലും നല്ല ആരോഗ്യകരമായി തടി കുറയുന്നതാണ് നല്ലത്. ഇതിന് മാത്രമാണ് സ്ഥിരത ഉണ്ടാവുകയുള്ളൂ. അതിനാല് കൃത്യമായ ഡയറ്റും വ്യായാമവും ചെയ്ത് ഫലത്തിനായി കാത്തിരിക്കാം.