വജൈനല്‍ ഭാഗത്ത രോമങ്ങള്‍
വജൈനല്‍ ഭാഗത്ത രോമങ്ങള്‍ അനാവശ്യമല്ല, ആവശ്യമാണെന്ന് തിരിച്ചറിയുക. ഈ ഭാഗത്തെ താപനില കൃത്യമായ നില നിര്‍ത്തുന്നതിന്, ആരോഗ്യകരമായ ബാക്ടീരിയകളുടെ വളര്‍ച്ചയ്ക്ക് അത്യാവശ്യമാണ്. ഈ ഭാഗത്തേയ്ക്ക് അനാരോഗ്യകരമായ ഘടകങ്ങള്‍ കടക്കാതെ സംരക്ഷിയ്ക്കുകയെന്നതും ഈ രോമങ്ങള്‍ കൊണ്ട് സാധിയ്ക്കുന്ന ഒന്നാണ്. മാത്രമല്ല, സെക്‌സ് സമയത്ത് പങ്കാളിയ്ക്ക് ഉത്തേജനം നല്‍കാനും ഇത് സഹായിക്കുന്നു. ഇത്തരം കാരണങ്ങളാല്‍ രോമം പൂര്‍ണമായി നീക്കം ചെയ്യുകയെന്നത് നല്ലതല്ല.
വെട്ടി നിര്‍ത്തിയാല്‍
ഈ ഭാഗത്തെ രോമം നീക്കം ചെയ്യാതെ വെട്ടി നിര്‍ത്തിയാല്‍ മതിയാകും. ഇതും ശ്രദ്ധിച്ച് വേണം, ചെയ്യാന്‍. അണുബാധകള്‍ക്ക് സാധ്യത ഏറെയായതിനാല്‍ തന്നെ ഈ ഭാഗത്ത് വാക്‌സിംഗ്, ഷേവിംഗ്, ക്രീം പരീക്ഷണം നടത്താതിരിയ്ക്കുകയാണ് നല്ലത്. ഇതു പോലെ ഈ ഭാഗത്ത് സോപ്പോ ലോഷനോ ഉപയോഗിയ്ക്കുന്നതും നല്ലതല്ല. അത്യാവശ്യമെങ്കില്‍ തീരെ വീര്യം കുറഞ്ഞ സോപ്പു കൊണ്ട് കഴുകാം. ഈ ഭാഗത്ത് നല്ലതു പോലെ വെള്ളമൊഴിച്ചു കഴുകിയാല്‍ തന്നെ ക്ലീനാകും.
ഈ ഭാഗത്തെ രോമം
ചിലര്‍ക്കെങ്കിലും ഈ ഭാഗത്തെ രോമം പൂര്‍ണമായും വടിച്ച് നീക്കുന്ന ശീലമുണ്ട്. ഇത്തരം നിര്‍ബന്ധമെങ്കില്‍ വെളിച്ചണ്ണ അല്‍പം ഈ ഭാഗത്തു പുരട്ടി റേസര്‍ ഉപയോഗിയ്ക്കുക. ഈ ഭാഗം പലരും ഷേവ് ചെയ്യുക വരണ്ട ചര്‍മത്തിലിട്ടാണ്. ഇതാണ് ഈ ഭാഗം കറുപ്പാകാന്‍ കൂടുതല്‍ സാധ്യതയുണ്ടാക്കുന്നത്.അതായത് വരണ്ട ചര്‍മത്തില്‍ ഉപയോഗിയ്ക്കരുത് എന്നര്‍ത്ഥം. ഇത് വേദനയുണ്ടാക്കും. ഷേവ് ചെയ്യുമ്പോള്‍ മുകളില്‍ നിന്നും താഴോട്ടോ അല്ലെങ്കില്‍ താഴേ നിന്നും മുകളിലേയ്ക്കു ഷേവ് ചെയ്യുക. അല്ലാതെ ഒരു തവണ മുകളില്‍ നിന്നും താഴോട്ട് പിന്നീട് താഴെ നിന്നും മുകളിലോട്ട് എന്ന രീതി പാടില്ല.
പല ആവശ്യങ്ങള്‍ക്കുപയോഗിയ്ക്കുന്ന റേസര്‍
പല ആവശ്യങ്ങള്‍ക്കുപയോഗിയ്ക്കുന്ന റേസര്‍ കൊണ്ട്, ശരീരത്തിന്റെ പല ഭാഗങ്ങളില്‍ ഉപയോഗിയ്ക്കുന്ന റേസര്‍ കൊണ്ട് സ്വകാര്യ ഭാഗം ഷേവ് ചെയ്യരുത്. യോനീ ഭാഗത്തെ രോമം നീക്കാന്‍ സ്ത്രീകള്‍ക്കായുള്ള റേസറുകള്‍ ലഭ്യമാണ്. ഇതു മാത്രം ഉപയോഗിയ്ക്കുക. ഇത് ഏറ്റവും വൃത്തിയോടെ വേണം, ഉപയോഗിയ്ക്കുവാന്‍. ഇതിനായി മാത്രം ഉപയോഗിയ്ക്കുന്ന ഒന്നാകണം. അല്ലാതെ ഇതു പോലെ ബ്ലേഡ് വച്ചിട്ടുള്ളതും ഉപയോഗിയ്ക്കരുത്. സ്വകാര്യ ഭാഗത്തു മുറിവുണ്ടാകാന്‍ സാധ്യതയേറെയാണ്. ഇതുണ്ടാക്കുന്ന മുറിവുകള്‍ അണുബാധകള്‍ക്ക് സാധ്യതയുണ്ടാക്കും.
ഏറെ രോമവളര്‍ച്ചയെങ്കില്‍
ഏറെ രോമവളര്‍ച്ചയെങ്കില്‍ ട്രിം ചെയ്യേണ്ടത് അത്യാവശ്യമാണ്. കാരണം ഇത് വിയര്‍പ്പും മറ്റും തങ്ങി നിന്ന് അസ്വസ്ഥതയുണ്ടാക്കും. പ്രത്യേകിച്ചും ആര്‍ത്തവ സമയത്ത്. ഇതിനാല്‍ രോമം ട്രിം ചെയ്യാം. എന്നാല്‍ ഷേവിംഗ്, അതായത് പൂര്‍ണമായും വടിച്ചു നീക്കുകയെന്നത് ഒഴിവാക്കുക. ഈ ഭാഗം എപ്പോഴും ഈര്‍പ്പം നീക്കി സൂക്ഷിയ്ക്കണം. ഈര്‍പ്പം തങ്ങി നില്‍ക്കുന്നത് അണുബാധകള്‍ക്ക് ഇടയാക്കും. കോട്ടന്‍ അടിവസ്ത്രങ്ങള്‍ ഉപയോഗിയ്ക്കുന്നതും വല്ലാതെ ഇറുകിയ വസ്ത്രങ്ങള്‍ ധരിയ്ക്കാതിരിയ്ക്കുന്നതും രോമങ്ങള്‍ കാരണമുണ്ടാകുന്ന അസ്വസ്ഥത ഒഴിവാക്കാന്‍ സഹായിക്കും.