ഇങ്ങനെ പലതരം ഡയറ്റ് പ്ലാനുകളുടെ കൂട്ടത്തിൽ വെറും മൂന്ന് ദിവസത്തിനുള്ളിൽ ശരീരഭാരം കുറയ്ക്കും എന്ന് വാഗ്ദാനം ചെയ്യുന്ന മിലിട്ടറി ഡയറ്റ് ആണ് എല്ലാവരും സംസാരിക്കുന്ന ഒരു ജനപ്രിയ ഡയറ്റ്.
മിലിട്ടറി ചിട്ടയുള്ള പ്ലാന്:
ഈ ഡയറ്റ് കൃത്യമായി പിന്തുടരുകയാണെങ്കില് ഒരാൾക്ക് ഒരാഴ്ചയ്ക്കുള്ളിൽ 4.5 കിലോഗ്രാം വരെ കുറഞ്ഞേക്കാം. മറ്റ് പല ഭക്ഷണരീതികളിൽ നിന്ന് വ്യത്യസ്തമായി, ഇൗ ഡയറ്റ് പ്ലാനിൽ വളരെ വിലകൂടിയ ഭക്ഷണങ്ങളും മറ്റ് സാധനങ്ങളും ഒന്നും ഇല്ല എന്നതിനാല് സാമ്പത്തികമായി ഇൗ ഡയറ്റ് പ്ലാൻ നല്ലതായാണ് അറിയപ്പെടുന്നത്. പേര് സൂചിപ്പിക്കുന്നത് പോലെ, ശരിയായ ഭാരം, ആകൃതി എന്നിവ വേഗത്തിൽ ഒരുക്കിയെടുക്കാൻ സൈനികരെ സഹായിക്കുന്നതിന് തയാറാകുന്ന പോഷകാഹാര വിദഗ്ധരാണ് ഈ ഡയറ്റ് പ്ലാൻ രൂപകൽപ്പന ചെയ്തിരിക്കുന്നത് എന്നാണ് വിവരം. ആർമി ഡയറ്റ്, നേവി ഡയറ്റ്, ഐസ്ക്രീം ഡയറ്റ് എന്നും ഇതിനെ വിളിക്കുന്നു.
എന്താണ് ഈ ഡയറ്റിൽ അടങ്ങിയിരിക്കുന്നത്?
ഒരാൾ 3 ദിവസത്തെ പ്രത്യേക രീതിയിലുള്ള ഭക്ഷണ ക്രമമാണ് ഇതിൽ പിന്തുടരേണ്ടത്. അതിനുശേഷം 4 ദിവസത്തെ അവധി നൽകണം. ആരോഗ്യകരമായ ഭക്ഷണം ആയിരിക്കും ഇൗ മൂന്ന് ദിവസങ്ങളിലും കഴിക്കുക, പക്ഷേ വളരെ കുറഞ്ഞ കലോറി മാത്രമേ ഇതിലുണ്ടാകൂ. നമ്മൾ ലക്ഷ്യം വെച്ച ഭാരം എത്തുന്നതുവരെ ഈ സൈക്കിൾ പ്രോസസ് ആഴ്ചകളോളം തുടരണം.
കൊഴുപ്പും ശരീരഭാരവും കുറയ്ക്കാൻ സഹായിക്കുന്ന മെറ്റബോളിസത്തെ ഊർജ്ജിതമാക്കുന്നതാണ് മിലിട്ടറി ഡയറ്റിലെ ഭക്ഷണ ക്രമം. മൂന്ന് ദിവസത്തിന് ശേഷം അടുത്ത നാല് ദിവസം പ്രോട്ടീനും പച്ചക്കറികളും അടങ്ങിയ, ഒരു ദിവസം 1300-1500 കലോറി വരുന്ന സാധാരണ ഭക്ഷണമാണ് ഇൗ ഡയറ്റ് ശുപാർശ ചെയ്യുന്നത്. കാർബോഹൈഡ്രേറ്റുകളുടെ അളവ് ഈ രീതിയില് വളരെ കുറവാണ്.
എന്ത് കുടിക്കാൻ കഴിയും?
വെള്ളം കഴിയുന്നത്ര കുടിക്കാമെങ്കിലും കൃത്രിമ മധുര പാനീയങ്ങള് ഒഴിവാക്കണം എന്നതാണ് ഇൗ ഡയറ്റിെൻറ പ്രത്യേകത. ഇതിനൊപ്പം ഹെർബൽ ടീയും കുടിയ്ക്കാം.
കൂടുതൽ വ്യായാമം ചെയ്യേണ്ടതുണ്ടോ? ദിവസവും കുറഞ്ഞത് 20 മിനിറ്റ് നടക്കുന്നത് ഒരാളുടെ ശരീരഭാരം ഗണ്യമായി കുറയ്ക്കാന് സഹായിക്കുമെന്നാണ് പഠനങ്ങള് പറയുന്നത്. അത് നിങ്ങൾ എടുത്ത ഡയറ്റിനെ വലിയ തോതില് സഹായിക്കും.
Also read: വജൈനല് ഡിസ്ചാർജിന് നെല്ലിക്കാക്കുരു പരിഹാരമാകും, ഇങ്ങനെ
മിലിട്ടറി ഡയറ്റിലെ സാമ്പിള് ഭക്ഷണ ക്രമം ഇങ്ങനെ:
ദിവസം 1:
പ്രഭാതഭക്ഷണം - ½ ഗ്രേപ്പ്ഫ്രൂട്ട്, 1 സ്ലൈസ് ബ്രെഡ് ടോസ്റ്റ്, 2 ടേബിൾസ്പൂൺ പീനട്ട് ബട്ടര്, ഒരു കപ്പ് ചായ / കോഫി
ഉച്ചഭക്ഷണം - ½ കപ്പ് ട്യൂണ, 1 സ്ലൈസ് ബ്രെഡ് ടോസ്റ്റ്, ഒരു കപ്പ് ചായ അല്ലെങ്കിൽ കോഫി
അത്താഴം - ഏതെങ്കിലും തരത്തിലുള്ള മാംസത്തിെൻറ 2 കഷ്ണങ്ങൾ, 1 കപ്പ് ബീന്സ് വേവിച്ചത്, ½ വാഴപ്പഴം, 1 ചെറിയ ആപ്പിൾ, 1 കപ്പ് വാനില ഐസ്ക്രീം
ദിവസം 2:
പ്രഭാതഭക്ഷണം - 1 മുട്ട, 1 സ്ലൈസ് ബ്രെഡ് ടോസ്റ്റ്, ½ വാഴപ്പഴം
ഉച്ചഭക്ഷണം - 1 കപ്പ് കോട്ടേജ് ചീസ് / 1 സ്ലൈസ് ചേദാർ ചീസ്, 1 വേവിച്ച മുട്ട, 5 സാൾട്ട് ബിസ്കറ്റ്
അത്താഴം - 2 സാന്വിച്ച്, 1 കപ്പ് ബ്രൊക്കോളി, ½ കപ്പ് കാരറ്റ്, ½ വാഴപ്പഴം, ½ കപ്പ് വാനില ഐസ്ക്രീം
ദിവസം 3:
പ്രഭാതഭക്ഷണം - 5 സോയ ബിസ്കറ്റ്, 1 സ്ലൈസ് ചേദാർ ചീസ്, 1 ചെറിയ ആപ്പിൾ
ഉച്ചഭക്ഷണം - 1 വേവിച്ച മുട്ട, 1 സ്ലൈസ് ബ്രെഡ് ടോസ്റ്റ്
അത്താഴം - 1 കപ്പ് ട്യൂണ, ½ വാഴപ്പഴം, 1 കപ്പ് വാനില ഐസ്ക്രീം
ഇതിനിടയിൽ ലഘുഭക്ഷണങ്ങളൊന്നും കഴിക്കരുത്.
Also read: ആരോഗ്യമുള്ള ശരീരമെന്നാൽ ശരീരഭാരം കുറയ്ക്കുക എന്നല്ല!
മിലിട്ടറി ഡയറ്റ് സ്പെഷ്യല് ആകുന്നത്:
ശരീരഭാരം വേഗത്തിൽ കുറയ്ക്കാൻ സഹായിക്കുന്നതിന് ആവശ്യമായ രീതിയില് കലോറി കുറക്കുന്ന രീതിയിലാണ് മിലിട്ടറി ഡയറ്റ് ക്രമീകരിച്ചിരിക്കുന്നത്. എന്നാല് അതേസമയം ഭക്ഷണ നിയന്ത്രണങ്ങൾ അധികമില്ല. രണ്ടോ മൂന്നോ ആഴ്ച ഈ രീതി പിന്തുടര്ന്നാല് തന്നെ മാറ്റം അറിയാന് കഴിയും. എന്നാല് ഇത് ശരീരത്തിലെ കലോറി കുറക്കുന്ന ഡയറ്റ് പ്ലാൻ ആയതിനാൽ, ദീര്ഘ കാലം ഇത് പിന്തുടരുകയാണെങ്കിൽ അത് പോഷക കുറവുകൾ സൃഷ്ടിച്ചേക്കാം. ഇത് ക്ഷീണത്തിനും കാരണമായേക്കാം. അതിനാൽ, എന്തെങ്കിലും തരത്തിലുള്ള ശാരീരിക അസ്വസ്ഥതകള് അനുഭവിയ്ക്കുന്നവര് ഈ ഡയറ്റ് പ്ലാൻ തുടങ്ങുന്നതിന് മുമ്പ് നിങ്ങളുടെ ഡയറ്റീഷ്യനെ കാണുന്നത് നല്ലതാണ്.