കറിവേപ്പില
രക്തത്തിലെ പഞ്ചസാരയുടെ ഉയർന്ന അളവ് നിയന്ത്രിക്കുന്നതിനുള്ള ഫലപ്രദമായ പ്രതിവിധിയാണ് കറിവേപ്പില .കറിവേപ്പില പല ആന്റിഓക്സിഡന്റുകളും, പ്രത്യേകിച്ച് ഫ്ലേവനോയ്ഡുകളും അടങ്ങിയതാണ്. ഈ ഫ്ലേവനോയ്ഡുകൾ ശരീരത്തിനുള്ളിൽ ഗ്ലൂക്കോസിലേക്ക് അന്നജത്തിന്റെ രാസവിനിമയത്തെ തടയുന്നു, അതിനാൽ ഇത് രക്തത്തിലെ പഞ്ചസാര നിയന്ത്രണത്തെ സഹായിക്കുന്നു.
നാരുകൾ
കറിവേപ്പിലയിൽ നാരുകൾ സമ്പുഷ്ടമായി അടങ്ങിയിട്ടുണ്ട്: നാരുകൾ അടങ്ങിയ ഭക്ഷണങ്ങൾ പ്രമേഹമുള്ളവർക്ക് ഗുണകരമാണെന്ന് കണ്ടെത്തിയിട്ടുണ്ട്. ശരീരത്തിലെ പഞ്ചസാരയുടെ ആഗിരണം മന്ദഗതിയിലാക്കാനും അതുവഴി രക്തത്തിലെ പഞ്ചസാരയുടെ അളവ് നിയന്ത്രിക്കാനും ഇവ സഹായിക്കും.
ഇന്സുലിന്
പാൻക്രിയാസ് ഉല്പാദിപ്പിയ്ക്കുന്ന ഇന്സുലിന് പ്രമേഹ നിയന്ത്രണത്തിന് അത്യാവശ്യമാണ്. രക്തത്തിലെ പഞ്ചസാരയുടെ അളവ് നിയന്ത്രിക്കുവാൻ ഇൻസുലിൻ സഹായിക്കുന്നു. ശരീരം ഇൻസുലിൻ സ്രവിക്കുന്നത് നിർത്തുകയോ പഞ്ചസാരയുടെ അളവ് നിയന്ത്രിക്കുവാൻ കഴിയാതിരിക്കുകയോ ചെയ്യുമ്പോൾ അത് പ്രമേഹത്തിന് കാരണമാകുന്നു. കറിവേപ്പില ശരീരംഇൻസുലിൻ ഉപയോഗിക്കുന്നതിന് സഹായിക്കുന്നു, അതുവഴി രക്തത്തിലെ പഞ്ചസാരയുടെ അളവ് ഫലപ്രദമായി നിയന്ത്രിക്കാം.
പ്രമേഹ നിയന്ത്രണത്തിന്
പ്രമേഹ നിയന്ത്രണത്തിന് പല തരത്തിലും കറിവേപ്പില ഉപയോഗിയ്ക്കാം. ഇതിട്ട് തിളപ്പിച്ച വെള്ളം പ്രമേഹത്തിന് പരിഹാരമായി ഉപയോഗിയ്ക്കാം. ഇതു പോലെ തന്നെ മഞ്ഞളും കറിവേപ്പിലയും ചേര്ത്ത് ഉപയോഗിയ്ക്കാം. രാവിലെ വെറും വയറ്റില് 4-5 കറിവേപ്പില ചവച്ചരച്ച് കഴിയ്ക്കുന്നത് ഏറെ ഗുണകരമാണ്. കറിവേപ്പില കഴിയ്ക്കുന്ന രീതി പ്രധാനമാണ്. ഇത് അതേ പടി ശരീരത്തിലെത്തിയാല് ഗുണമുണ്ടാകില്ല. കറിവേപ്പിലയില് സെല്ലുലോസ് എന്നൊരു വസ്തുവുണ്ട്. ഇത് ഏറെ കട്ടിയുളള ഒന്നാണ്. ഇതാണ് ഇതിന് പച്ചനിറം നല്കുന്നത്. മനുഷ്യശരീരത്തില് ഇത് നേരിട്ടെത്തിയാല് ഇത് ദഹിയ്ക്കാതെ പുറത്തു പോകും. അതായത് കറിവേപ്പിലയുടെ ഗുണം ശരീരത്തിന് ലഭിയ്ക്കില്ല.ഇത് എണ്ണയിലും മറ്റും താളിയ്ക്കുമ്പോള് ഇതിലൂടെ സെല്ലുലോസ് മൃദുവാകും. ഇതിലെ ഗുണങ്ങള് ഇവയിലേയ്ക്കിറങ്ങുന്നു. കൂടുതല് നല്ലത് അരച്ചു കഴിയ്ക്കുന്നതാണ്. കറികളില് ഇത് അരച്ചു ചേര്ത്ത് വേവിയ്ക്കുമ്പോഴാണ് കൂടുതല് നല്ലത്.